Aịzaya 5:2 - Kịrịkẹnị Baịbụl

² Ò kiri mị soku seni ḍụparịma tansinmẹ; iḅitẹịn irumịẹ chịnmgbọlụ ọ̀ nwọ ḍipimẹ. Gbọrị sokopi warị ọ̀ nwọ nama mẹ nyọ koruḅọ ḅe gose, tụmgbakị elelenda mengi ma pọnjị pakụmaḅoḅịa olulu ọ̀ nwọ sokumẹ. Ò korumẹ tụmgbakị elelenda ma ḅo kpọ se ḅịa ḅịaḅara, ọkụma tụmgbakị elelenda goyegoye angịmẹ.

Aịzaya 5:2 Iomraidhean Croise

2 Samụẹl 7:10

À gbọrị nyọ sẹlẹ koroma ị̀ya tomoni Izrẹlapụma pịrịsam, à pịkị ini seni anịju ḅụ koromasam, anị ini anga se jịn apụ ḅarị ngịsị inia ḅụḅalaḅalama-ẹka nyọ. Ini ḅo mị ama ḅie sọ sịkị ngịsị kụrọyemịẹapụ owu se ini paka aḅẹ, ọkụma mịn mị ḅarị mịẹ-ẹkẹ. À yeḅereni ị́ pịrịmẹ na ye ị́ la-ẹka ḅara à nwọse ị́ wẹrịḅịa ị́rị́na-tarakapụ mamgba ḅara ḅie, à pịkị ị́ furo ḅie pakaḅoḅịa awọ se ị́ pịrịḅịa.

Nẹhimaya 13:15

Anịsịkị ḅụ Juda ḅie à tomoni ọrịmẹ tụmgbakị elelenda mengi pọnjị pakụmarị apụ Ịnyọsara Ene ḅụ. Jịn apụ pịkịna ịpịamgba na, iru na, tụmgbakị elelenda na figi chịnmgbọlụ na, jịn aye na dekideki inia yepụra asụnma ọgọnọ gbana se so Jerusalẹm mun aḅẹ. Àrị inia ḅeri nụnụmẹ na Ịnyọsara Ene ḅie gbọrịye sọnị ini dẹrịma.

Fịafịa Nime 80:8

Ijipt ḅie ị́ tụmgbakị elelenda chịn ọkị pakụmaḅomẹ; ị́ jịn a sẹma depakụmamẹ se anị se inia kiri ḅụ ḍipimẹ.

Fịafịa Nime 80:9

Anị sopakaḅịa nyọ ị́ nwọ tẹlịma anị pịrịmẹ; anịa kuno ma kiriḅie sọmun se àrị finjima kiri mị mgba kelemamẹ.

Pakaso 33:16

Nde tomoniḅọ nemiḅịa ọkụ na ị́ya tomonima ị́ ini ḅẹlẹmamẹ pịkị ị̀rị̀ sọnị, ị́ nemikase mine-na munka ọkụma? Ị́rị́ mine-na sime mị, anị wa seni kịrị apụ mịẹḅịa, sẹkiri ḅie sime ísí-a tomonima ḅụ.”

Aịzaya 1:8

Jerusalẹm mị ngẹrị anị ḅaralaka ḅaraḅụ omiye-ẹ, owuni anị gbẹịnmachịẹ waraḅẹ, ozu ḅie sime ḅarachụa pịrịḅọ ofori nyọ ḍikiḍikiḅọ warị anị nwọ kịkẹmẹ anịkanịka kukumba ozu ḅie sime soro warị anị nwọ kịkẹmẹ.

Aịzaya 5:7

Izrẹl mị anị Kụrọmamgba Nyanaḅọ Ḅe oria irumịẹ chịnmgbọlụ ozu mị-ẹ; Judapụma anị ò ḍipi ozu mị-ẹ. Ọ̀ tọrụ se ini ḍikimẹ na ini mịẹgbẹịnye nwọ mị-ẹ; ọkụma anịnakaraka nini re mị ini kọn arịye-ẹ. Ò ḅimẹ ini karakaraye mị mị-ẹ, ọkụma ini si seni mịẹarị apụma karakaraye mị gose owupakụmaḅẹ.

Jerimaya 11:17

“Ị̀rị̀, Kụrọmamgba Nyanaḅọ Ḅe, Izrẹl na Juda na ḍipi-pakụmamẹ, ọkụma mịọkụ à ḅụfụka se ini ẹrẹmasam. Ini ma mị fomuḅara mị dekiḅo iniaḅụ pịrịmẹ, anịatịḅị ini siye mịẹmẹ; ini ị̀ ịganịmamẹ ini nwọ agbamịẹ Beal ḅe pịrịsa sịkị.”

Jerimaya 2:21

Sẹlẹ sikima chịnmgbọlụ-a fịaye kịkẹ ḅara anị àrị iḅitẹịn ḍipiyemgbọlụ ḅụ ị́ sẹlẹ se ị́ ḍipi ọkụ-ẹ. Ọkụma ị́ ḅo sime ọkụ ḍiki! Ị́ ḅụrụsa yeḅụoforika chịnmgbọlụ fịaye kịkẹmẹ.

Hosia 10:1

Izrẹlapụma, opuma chụa tụmgbakị elelenda ozu ini nwọ kịkẹmẹ. Mịẹmịẹye ini na iḅila ọkụ anị ini oru-agbamịẹ ẹbẹ ma nama la-ọkụ-ẹ. Inia kiri yepakụma la-ọkụ, anị ini osi se pịrị tẹkẹtẹkẹ ḍụparị ịbama ini nwọ mịẹiḅima la-ọkụ-ẹ.

Maịka 4:8

Se ị́rị́ Jerusalẹm, anị Tamụnọ Ḅe anana ḍikiḍikiḅọ ḅara se oria gele nyọ mị ḅụ oria tomonima ḍikiḍikiarị nyọ mị, ḅo pịkị gbọrị sịkị se sẹma ḅụ tịḅịnị opuama sọḅịa, anị tatarị ómine ma nyana sẹ mị.

Kịẹnḅịpị Ma 23:9

Gololo ḍụparịma ọgọnọ à sime ini ọrịaḅẹ; Chịngị ma ọgọnọ à sime ini ḍikiaḅẹ. Ini anị jịn sẹ na gbolomaka ngẹrị sime apụ-ẹ; Ini nemimẹ na ini ḅẹlẹma nyanatẹịn jịn-a sẹma nẹngịmẹ.

Matio 21:19

Ori ateli anga figi eje nwọ ọrịmẹ se nwẹngị anị kpekimamẹ, ọkụma Ori anịa ọgọnọ ọrị ye ofori-ẹ, ịnyanyama sikima ọkụma. Anị Ọ̀ nwọse chịn mị ḅẹye-ẹ, “Ngịsị ị́ ḅarị chịnmgbọlụ chụaka gbasoḅịa!” Anị kirikiri figi eje mị samịnamẹ.

Matio 21:33

Jizọs Ḅe nwọ ḅẹmẹ, “Ọ́ pịkị jịn kaḅo nwọ poki,” “Gbọrị kiri nyanaḅọ omi-ẹ, irumịẹ chịnmgbọlụ ozu nwọ ḍipi ḅọ, ogbokiaye mịẹ anị kelema, olulu soku se iru imimaye mị pịrị se, sime nyọ koruḅịa gele warị nwọ namamẹ. Se irumịẹ chịnmgbọlụ ozu mị se ọkọ pịrị se, warị koromaso jịn-anga mun mẹ.

Matio 21:34

Mgbọlụ kaịn sịkị mị ḅo lasịkị, ori oria omoniapụma nwọse ozu mị ọkọapụma fịrịmamẹ, ọ̀ lalamaye ọkịḅịa ẹrẹchị.

Mak Iḅi Ḅẹrẹ Mị 11:13

Sasaju ịnyanya ḅụ ḅein figi chịn Ọ̀ nwọ ọrịmẹ, se anị ori anị damamunye-ẹ, nwọfa Ori anịa ọgọnọ figi mgbọlụ ọrị ḅịa otuḅo. Ọkụma Ò ḅo anị lasịkị, ịnyanya kẹngẹ mị Ori ọrịye-ẹ, anịatịḅị figi chịn mgbọlụ chụa sịkịkẹ.

Mak Iḅi Ḅẹrẹ Mị 12:1

Anịeso, Jizọs Ḅe Ọ̀ kaḅo ḅụ ọkwẹịn ini pịrịmẹ, “Iru-mịẹ chịnmgbọlụ ozu nwọ ḍipi gbọrị owuḅọ simemẹ. Ò ye se anị ogbokia kelemamẹ, se anịa ḅie iru imimaḅịanyọ soku anị pịrịmẹ, se ọ̀ pịkị sime nyọ koruḅịa ọgọnọ warị namamẹ. Anịsịkị ọ̀ irumịẹ chịnmgbọlụ ozu mị se ọkọapụ pịrị, se pakaso jịn anga mun mẹ.

Mak Iḅi Ḅẹrẹ Mị 12:2

Mgbọlụ kaịn sịkị mị ḅo lasịkị, ọ̀ gbọrị omoniḅọ nwọ fịrịmamẹ, iniḅọ mun ọkọapụma ḅara ọ̀ lalamaye nwọ ọkịḅo ọ̀ pịrịye-ẹ.

Romapụ 9:4

Ini anị Tamụnọ Ḅe sẹlẹọkịsa tomoni-ẹ, ori ini se oria owuapụ awọ nwọ mịẹmẹ se ini na oria boma nwọ ḍiaọkịmẹ ori ini na oria ọḅọkụ ma nwọ fịmẹ se Oloko mị nwọse ini pịrịmẹ. Ini kọkọma tẹkẹ ọkụ mị nwọ nyanamẹ; Tamụnọ Ḅe ḅereni ini pịrịye ma inia ḅara lasam;

1 Kọrịntapụ 9:7

Nde owuniḅọ jene mịna ḅarakuḅu igbiki se ngẹrị mịnaḅụ gbẹịnsa? Nde ozu ḍipiḅọ oria ozu ḅie pakaḅo chịnmgbọlụma fịfịka? Nde ananaḍikiḍikiḅọ oria ananama ḅụ pakaḅo ndo mengi ḅuḅuka?

Maịnkarama Oloko 32:6

Mịn ó se Nyanaḅọ Ḅe mịẹḅịa ọkụ, ómine yenemika, koroma nyanaka apụma? Ori ọ́mịna ḍa-ẹ, ómine Tẹmẹḅọ Ḅe-ẹ, ori anị ómine se sẹ mịẹye-ẹ.

Bẹrẹkọn Apụ 16:4

Mịn mị ḅọrọ sịkị, Samsịn ḅe Dilaịla nwọ chịn gbọrị eremeniḅọ na lekiria mẹ, anị Sorẹk Pẹsịkiri mị ḅie angaḅọ ma.