Aịzaya 4:6 - Kịrịkẹnị Baịbụl

⁶ Oria boma mị ịrụa mị opuma ọfịrị sịkịḅụ tịḅịkikimaye sọ opuama mị pịrịḅịa, gbọrịye sọnị yeseni ini lama ẹka ḅaraḅụ, ene na irisi na ḅie anị ini gbẹịnḅịa.

Aịzaya 4:6 Iomraidhean Croise

Fịafịa Nime 27:5

Ḅụfụka sịkịḅụ ori ị̀ gbẹịnḅịa; oria Oputẹkẹwarị ḅie ori ị̀ kokoḅịa, se gbọrịye sọ ị̀ la-ẹka-ḅaraḅụ ori ị̀ se gele ḍụparị mị ọgọnọ koromaḅịa.

Fịafịa Nime 55:8

Fiearị fọrụ mị na irisi mị na ḅie, à be somun àrị ị̀ tịḅịkikimaḅịa nyọ ḍọkịḅịa.

Fịafịa Nime 91:1

Nyanaḅọ Ḅe damamun se ḍumo ḍọkịḅọ goyegoye, Kụrọmamgba Nyanaḅọ Ḅe chukuḅie ḅọịḅọ goyegoye,

Kaḅo Ma 18:10

Nyanaḅọ Ḅe ẹrẹ mị, anị kụrọtịḅị-kikima sokopi warị-ẹ, karakaraye mịẹ apụma ini ineda anịa chuku mun se ḍụaḅọrọma nyanaḅịa.

Aịzaya 14:32

Nde wa seni Filistia ḅie ḅo wa pịrị oku fịrị ḅo apụma pẹkẹrẹḅịa ọkụ? Wa ḍuko ini pịrịḅịa na Nyanaḅọ Ḅe Zaịyọn mị ọ̀ mịẹkụrọmasam, pịkị oria tomoni tọrụsiọrịarịapụma anịnyọ ini dein nyanaḅịa.

Aịzaya 25:4

Igwein, pịkị ḅarachụa pịrịḅọ nyanaka apụma ini mangị ị́ damaḅosam se ini pịkị tọrụsiọrị sịkịḅụ ḍụaḅọrọma nyanasam. Irisi ḅie ị́ tịḅị kikima nyọ se ini pịrịmẹ, ị́ pịkị ene ọfịrị sịkịḅụ deinyọ seni ini pịrịmẹ. Sitịḅịnyana tarakapụ, ene-sịkị-irisi ḅara nwọseni owu pakamẹ,

Aịzaya 30:30

Nyanaḅọ Ḅe ọ̀ mịẹḅịa ọrụḅọḅọ oria amanyanaḅọ pụkọ mị naaḅịa, pịkị oria ịganị mị ḅe kụrọ mị nemiḅịa. Fịnịḅẹlẹ na, opu enemgbọlụ na irisi na, ajisaka irisi na ene na simeḅịa.

Aịzaya 32:1

Karakara ḅara se amanyanaḅịaḅọ gbọrị ene pakaḅoḅịa, pịkị sẹ mị ḅie karakara ḅẹrẹtọnḅịa tịḅịnị na.

Aịzaya 32:2

Inia ḅie ọrụḅọḅọ, fọrụ ḅie na irisi ḅie na ḅụ tịḅịkikima nyọ sime ọkụ simeḅịa. Onwun ele ḅie ideriarị mengi sime ọkụ ini nwọ simeḅịa, samịna se yepakapakaka ele ḅie sime tịḅịkikima opu ḍụparị ini nwọ kịkẹmẹ.

Aịzaya 8:14

Ị̀ya opu ḅalafama fịafịa mị gose, tomoni ḅụọ tọmbụlọ se ḅịkịḅịa ḍụparị à nwọ kịkẹmẹ; Juda na Izrẹl na amanyanakiri ma na Jerusalẹm apụma na kunḅịa ḍẹịn à nwọ kịkẹmẹ.

Izikịẹl 11:16

“Mịọkụ à ḍukoarịye mị ḍuko ị́ juo ini kụrọḅara se desin apụma pịrị. Ị̀rị̀ ma anị ini se ḅọlọ amama sẹịnmaye-ẹ, pịkị jịn-a sẹma ḅie ini galagalamaye-ẹ. Anịẹḅẹsọ à pa inia ogboku ḅụ simeḅịa, ini mun amama ḅie mgba.

Hibru 11:7

Ḅereni mị, mị mịẹse Noa ḅe Tamụnọ Ḅe ḅerijine mị nwọ naaye-ẹ, tọrọkọju ḅoḅịaye ḅụ anị ori ineda ọrịkaye mị. Ọ̀ Tamụnọ Ḅe ḅịpịpoki se arụ ịkasị se ọ̀ ḅụ na ò furo mị na nwọ ḍụaḅọrọmamẹ. Anị mị ḅụ ḅẹrẹsi sime tomonikiri mị pịrịmẹ, se Noa ḅe Tamụnọ Ḅe ḅara ḅereni ḅụ ḅọrọ ḅo karakaramịẹmịẹye mị nwọ nyanamẹ.

Hibru 6:18

Anị ḅara ḅụ ma mamaye ma Tamụnọ Ḅe nwọse yemịẹ kụrọmamẹ, anị Ò ḅereniye mị na Ọ̀ karịfịye mị na-ẹ; mama anị ngịsị ḍinma ẹkaye-ẹ; Ọ̀ pịkị ngịsị iruokọn ẹkẹ. Mine Tamụnọ Ḅe ḅie ḍụaḅọrọma nyana sa apụma anị opuma mịna kuḅie kụrọmamẹ kapụma wa tọrụseḍikiarịye mị ọlọchịẹma.

Ḍieḅelema Yema 7:16

Ḅuru anịkanịka mengi ḅarị ngịsị ini tarị ẹkẹ; ịrụa ḅarị ini tẹịn ẹkẹ, inia ḅụ pịkị ḅarị jukujuku ẹkẹ,