Aịzaya 4:5 - Kịrịkẹnị Baịbụl

⁵ Anịsịkị Zaịyọn Tụndụ mị ọgọnọ ḅụ pịkịna anịangaḅụ koḅirima simeḅọ ọgọnọḅụ goyegoye na, Nyanaḅọ Ḅe enekaka ḅụ, ò soḅuno seni ini sẹịnmaḅịa, ọ̀ pịkịna onwoin na kọrịarị fịnị ḅẹlẹ na ḍinḅụ nwọ seni ini sẹịnmaḅịa. Tamụnọ Ḅe oria boma mị opuama mị gbẹịn kelema pịkị agbọ sọ anị pịrịḅịa.

Aịzaya 4:5 Iomraidhean Croise

Nẹhimaya 9:12

Soḅuno ị́ nwọse enekaka ḅie ini pamunmẹ, pịkịna ḍin ḅie ḅụ ị́ fịnị kọrịma inia ateli pịrịmẹ.

Fịafịa Nime 105:39

Tamụnọ Ḅe ori oḅuto se oria tomonima gbẹịnmẹ, pịkị ḍin ḅụ ini se tọrụ-nyọ-ọrịmaḅịa fịnị na.

Fịafịa Nime 111:1

Ọ́ Nyanaḅọ Ḅe boma! Ị̀ kuḅiemgbọlụ mgba à nwọse mịẹḅaka se Nyanaḅọ Ḅe ḅẹḅịa oria tomonima koḅiria nyọ ḅụ.

Fịafịa Nime 78:14

Enekakaḅụ ò soḅuno se ini pamunmẹ, anịsịkị ḍin goyegoye ḅụ fịnịḅẹlẹ-ẹ.

Fịafịa Nime 85:9

Pikipikiye ofori-ẹ, ọ̀ ḅụkarakaramamẹ, osi se ọ̀ pịrị apụma ḍụa, oria ḍụaḅọrọma pịkị mịna ama ḅie simeḅịa.

Fịafịa Nime 89:7

Ini ị́ ḍikiḅalafaḅịa fịafịa apụ koḅiria ogbo ḅie; inimgba sịsẹ chịẹ se osi se ị́ pịrịmẹ.

Pakaso 14:24

Ḅaso ḅiriḅụ Nyanaḅọ Ḅe ọ̀ fịnị ḅẹlẹ mị na pịkị soḅuno mị na ḅie ḅụ wẹrị Ijipt apụ ọmụogbo mị ḍiki se ḅụḅalaḅala seni ini pịrịmẹ.

Pakaso 24:16

Nyanaḅọ Ḅe oria opu mị ḅịa mun tụndụ mị saramamẹ. Izrẹlapụma ḅụ enekuḅu mị, tụndụ ọgọnọ fịnị kọrịaḅẹ nwọḅẹ ḅara anị anị sime ọkụ-ẹ. Soḅuno mị anị tụndụ mị gbẹịn ọkịmun sonio-a ḍin nwọ lamẹ, se sọnọma ḍin karama ene mị ḅụ Nyanaḅọ Ḅe ò Moziz ḅe chịnmẹ soḅuno mị ḅie.

Pakaso 26:1

“Osiḅụ sime Ikowarị mị, anịa ḅieju mị mịẹ anị à pakaḅoḅo Ikowarị nwọsọ, iḅi-lọkọ-ḅịtẹ oyi-a warị bulu bulu tọrụ na, awụwụ tọrụ na, pịkị pulo-pulo wulu na se ḍoriye nwọse anị ḅirima. Enjẹlapụ ini nwọ ḍori ḅịtẹma ḅụ.

Pakaso 26:7

“Se Ikowarị mị gbẹịnḅịa oḅori-ichuka-se-ḍori-ḅịtẹ oyigbọrị-warị-fịnjị nwọ mịẹ.

Aịzaya 32:18

Tamụnọ-a tomonima inia ḅụfụkamaḅịaye ofori-ẹ, inia warị pịkị deinḅụ ḅalafamaye oforika ḅụ simeḅịa.

Aịzaya 33:20

Wa mịna Tamụnọ Ḅe alalị fịfị opuama Zaịyọn mị ḍiki. Jerusalẹm mị ḍiki! Ḅalafamaye oforika ḅaraḅụ anịa ḅie deinma anga mị simeḅịa ọkụ ḍiki! Ini pike koroma jikejikeka akpụrụ warị sime ọkụ anị nwọ simeḅịa, anị ini se anị pike chịnma wọrọ ḅịa ọkụ ofori-ẹ pịkị anịa ḍiki ma sọ pẹlẹḅịa ọkụ oforikaye ma.

Aịzaya 37:35

Àrị owusọ mị opuama mị pịrị pịkị agbọ sọ anị pịrịḅịa, ị̀ya osi mị na à ḅereni ị̀ya fịrịnwẹngịḅọ Devid ḅe pịrịsaye mị gose.’”

Aịzaya 46:13

Ọmụḅaraiḅi ene mị à nwọ ọkịḅo kpekimaḅẹ— anị sasakẹ ngịsị. Ị̀ya ọmụḅaraiḅi mị dachịẹmaḅịaye ofori-ẹ. À Jerusalẹm mị ḍụaḅịa se osi ọkịḅo Izrẹl mị pịrịḅịa anịnyọ ḅụ.”

Aịzaya 60:1

Sịsẹ, Jerusalẹm, se ịrụa mị ḅịa ḅara ḅịa; Nyanaḅọ Ḅe boma mị ị́ ḅụ anị ḅịa pakaḅẹ!

Aịzaya 60:2

Ísí-a sẹma kanakana àrị gbẹịnḅịa, Ọkụma Nyanaḅọ Ḅe enekuḅu mị ị́ya ọgọnọ anị ḅịa ḅịa; Oria boma mị ḅe enekuḅu mị ḅe ḅịa ị́rị́ na simeḅịa.

Matio 18:20

Anịatịḅị mama apụ anịkanịka tẹrẹ-a apụ ị̀ya ẹrẹ ḅụ ḅo gboloma nyọ goyegoye, àrị ini na omi-ẹ.”

Matio 28:20

ye se ini ḍie, oloko ḅara ḅụ à se ọ́ pịrị aye layelaye ini nwọ koko. Ḍiki à sịkịmamgba ómine na simeḅịa, ọkịmun tomonikiri mị ḅe kuluma sịkị la.”