Aịzaya 4:4 - Kịrịkẹnị Baịbụl

⁴ Oria kụrọḅụ Nyanaḅọ Ḅe ọ̀ ḅẹrẹkọn se pịkịna sẹ mị mịẹfịafịamaḅịa, ọ̀ pịkịna Jerusalẹm mị mịẹasi ma na anịangaḅụ ini ọsụn tomoni pulo ma na sịkịrị sinḅịa.

Aịzaya 4:4 Iomraidhean Croise

Fịafịa Nime 51:2

Ị̀ya si mịẹmịẹye mamgba sịkịrịsin se ị̀ya sima ḅụ ị̀ mịẹfịafịama!

Sọlọmọn Nime Ma 3:11

Zaịyọn eremeni, ó ḅo Amanyanaḅọ Sọlọmọn ḅe ọrị. Nyọngọrọ ma se ori eresime ene ò chira amanyanaḅọ chu ọ̀ nwọ chira waraḅẹ, ḅieḅẹlẹ ò kuḅie ḅein ene ḅụ.

Aịzaya 1:15

“Tẹkẹḅụ ómine ọ́mịna ḅarama dekichịẹma sịkị, àrị ómine ḍiki ẹkẹ. Ọ́ tẹkẹ laḅara laḅara sọnị àrị ó poki-ẹkẹ, anịatịḅị ọ́ ḅakama ḅẹrẹnemika tomoni ḅaasam.

Aịzaya 1:25

Àrị ị́ ḅụ fịrịnwẹngịḅịa. Ikulele mịẹfịafịama ọkụ à nwọ seni ị́ mịẹfịafịamaḅịa, se àrị ị́ ḅụ sime ḅụrụaye mamgba sinḅịa.

Aịzaya 1:31

Fịnị anana osirosiroḅa ḅụ fịnị pakụma ọkụ, anị kụrọ apụma inia si-a mịẹmịẹaye ma ḅụ fịḅịa ọkụ-ẹ, siḅịaye mị ineda anị kikiḅịaḅọ ngịsị ofori-ẹ.

Aịzaya 27:9

Ọkụma Izrẹl mị mịẹasi ma ḅụ ini ḅarasin ini pịrịḅịa, anị oruḅẹrẹ nemiapụ ma seni agbamịẹmịẹ ḍụparị ẹbẹ ma ini nwọ gbẹịn dẹkịdẹkịma toru ḅara wẹrị sịkị, pịkị insẹnsị dọkịma ẹbẹ na pịkịna Ashera, eremeni-oru-lụgụ mị na so sịkị re anị mịn mị mịẹḅịaye-ẹ.

Aịzaya 28:6

Iḅi ḅẹrẹkọn-nemi-tịḅịḅie ọ̀ nwọ seni ḅẹrẹkọn fịrịnwẹngịapụma pịrịḅịa, pịkịna kụrọkuḅie seni owu se opuama mị dapakaḅịa apụma dachịẹmaḅịa apụma pịrịḅịa.

Aịzaya 9:19

Anịatịḅị Nyanaḅọ Ḅe, ori ịganị aḅẹ, oria fomuḅara mị, anị fịnị kọrị ọkụ kọrị ama mị mgba kelema seni tomoni mamgba dọkịmasinmẹ, se ḅarachụa jụmḅọ jụmḅọ pịrịḅọ ofori-ẹ.

Aịzaya 9:5

Ama mị gbẹịnmachịẹ owunima inia okoro-akpaka ma na inia ḅụchụaye tomoni pulo ḅụ ḅein aye mamgba na fịnị àrị dọkịma sinḅịa.

Kururu Ma 1:9

Arịa fịafịaka mị ọrị mị sarasaramẹ, ọkụma á ḅụ kaịnḅokẹ. Arịa ḅịkị mị ḅalafamamẹ; ineda á kuḅie kụrọmaḅịaḅọ ofori-ẹ. Árị na tarakapụma ọmụ inia ḅara iḅisam, se árị owu Nyanaḅọ Ḅe pịrịmẹ ori á ḍikiḅụgerere.

Izikịẹl 22:15

Àrị ị́ya tomonima galagalamaḅịa bebe tomonikiri ḅụ mgba se ọ́mịna simịẹmịẹaye ma dachịẹmaḅịa.

Izikịẹl 36:25

Fịafịa mengi à nwọse ómine sana se oru ma na, ómine pụlamaye goyegoye ḅụ na ọ́ fịafịaḅịa.

Izikịẹl 36:29

Ómine pụlamaye goyegoye ḅụ, àrị ómine ḍụaḅịa. À ḅẹrẹtọn fịayemgbọlụ ma pịrịḅịa, se àrị ḅakaḅịa, anị mị mịẹso ọkụma ọ́ ḅarị ḅuruḅaa nemi ẹkẹ.

Zẹfanaịa 3:1

Jerusalẹm, anị si se sitịḅịnyana pịkị anịa tomonima pụnda pụnda opuama mị anị fasam.

Zẹkaraịa 13:1

“Anị ḅo anịsịkị lasịkị,” Kụrọmamgba Nyanaḅọ Ḅe, ọkọ ḅẹmẹ, “gbọrị mengi tụḅụ ḅie finjiḅịa, se Devid ḅe ḅụ koroḅo apụma na Jerusalẹm apụma na mịẹfịafịama ḅịa inia mịẹirima ma na oru-a mịẹmịẹaye ma na ḅụ.

Zẹkaraịa 13:9

Se à kiri kọn tẹrẹ karama kiri mị ḍaḍikiḅịa se ini mịẹfịafịamaḅịa, ini fịnị se seleḅa mịẹfịafịama ọkụ. Àrị ini ḍaḍikiḅịa ini goli ḍaḍiki ọkụ. Se ini ị̀ tẹkẹḅịa, à pịkị ini pẹkẹrẹḅịa. À ḍuko ini pịrịḅịa na ini anị ị̀ya tomoni-ẹ, se ini ḅereni pakụmaḅịa na Ị̀rị̀ anị inia Tamụnọ-ẹ.”

Malakaị 4:1

Kụrọmamgba Nyanaḅọ Ḅe nwọḅẹmẹ, “Opuaye mịẹmịẹ apụ mamgba na simịẹmịẹ apụma na ini osirosiroḅa ḍọkị ọkụ ḍọkịḅịa ene mị ḅoaḅẹ. Anị ene mị ḅụ, ini ḍọkị famaḅịa, iniaḅụ pẹkẹrẹ sọ kọn ẹkẹ.

Matio 23:37

“Jerusalẹm, Jerusalẹm! Ị́rị́ ịkịankoroapụma nwọ ḅaa, pịkị ḍụparị se Tamụnọ Ḅe se ị́ fịrịma okunwẹngịapụma nwọ gbinmẹ! Nda sịkị na gbasịye à nwọse ị́ya tomonima koḅiri ḅe, ọḅọkọ pamba finji oria awọ nwọ jụ ḅara à nwọse ị́ jụmẹ, ọkụma ị́ ḅereni ị̀ pịrịkẹ!