Aịzaya 4:3 - Kịrịkẹnị Baịbụl

³ Jerusalẹm ḅie Tamụnọ Ḅe sẹlẹọkị se fịkaḅọ goyegoye ini fịafịaḅọ nwọse nụḅọ chịnḅịa.

Aịzaya 4:3 Iomraidhean Croise

Fịafịa Nime 69:28

Ye ini ḍumo apụma ḍiri mị ḅie inia ẹrẹma wọlọmasin; ye ị́ya tomonima ẹrẹma sime ḍiri mị ḅie inia ẹrẹ pakaḅoma.

Fịafịa Nime 87:6

Nyanaḅọ Ḅe ò tomonima ẹrẹ se ḍiriḅie gịẹịnḅịa, se inimgba Jerusalẹm ama apụ ḅara ọ̀ nwọse ini ọkịḅịa.

Aịzaya 1:27

Anịatịḅị Nyanaḅọ Ḅe karakaraye mịẹmịẹḅọ-ẹ, Jerusalẹm ḅie siḅụ pịkịḅọ goyegoye, ọ̀ nụḅọ ḍụaḅịa.

Aịzaya 28:5

Gbọrị ene ḅoaḅẹ, Kụrọmamgba Nyanaḅọ Ḅe, ini ngwengwe seni ḅirima iḅi amanyanaḅọchu nwọse oria tomonima ḅie fịḅụ kọn apụma pịrịḅịa.

Aịzaya 35:8

Anịnyọ gbọrị opu ateli simeḅịa, anịa ẹrẹ “Fịafịa Ateli.” Gbọrị si mịẹḅọ sọ ngịsị anị ateli ḅie ḅọrọ ẹkẹ; gbọrị oḅoriḅọ sọ ineda anị ateli ḅie nwẹngịarịapụ dairima ẹkẹ.

Aịzaya 46:3

“Ómine ị̀ poki, Jekọb furoḅie awọ, ị̀ya tomonima ḅie kọn apụ mamgba. Ini ó yi sịkị ngịsị à tọrụse ọ́mịna ḅụ wẹrịmẹ.

Aịzaya 52:1

Jerusalẹm, kụrọ se pịkị opuama nwọ sọ! Fịafịa Tamụnọ opuama, iḅiaye se ị́ ḅụ ḅirima! Oru ḅẹrẹnemi apụma ini ḅarị ngịsị ị́ya onu ḅọkọ ma ḅie sọ ẹkẹ.

Aịzaya 6:13

Oyi-apụ ḅụ, gbọrịḅọ ngẹrị ama mị ḅie kọnmẹ ḅẹḅẹ ori sọnị ọ̀ fịḅịa; ini pẹlẹgbinsa kuru-chịn-chuku simeọkụ anị ò simeḅịa ọkụ-ẹ.” (Chuku mị Tamụnọ-a tomonima ḅụ ịwọma sakịarịapụ ḅara ini nwọ sọḅịa.)

Aịzaya 60:21

Ị́ya tomoni mamgba karakaraye mị mịẹḅịa, Ama mị pịkị iniaye sọ gbasoḅịa. Ị̀rị̀ ini ḍipi koromamẹ, Ị̀rị̀ ini tẹmẹmẹ, Ị̀ya opu mị ḍuko finjima nweni mamgba pịrịḅịaye gose.

Aịzaya 62:12

Ini nwọse ọ́ chịnḅịa “Fịafịa Tamụnọ-a Tomoni,” “Nyanaḅọ Ḅe ḍụaḅọrọmasa tomoni.” Ini nwọse Jerusalẹm mị chịnḅịa “Tamụnọ Ḅe Ḅẹlẹma Opuama,” “Tamụnọ Ḅe Sịkịka Opuama.”

Izikịẹl 13:9

À fomuḅara se ọ́ pịrị-ẹmun-aḅẹ, ómine iruo ịkịankoro pịkị ọ́mịna koroma ma ḅụ pakakaye ḍuko se nweni ma dairima àrị apụma. Ị̀ya tomonima koḅiria se ḅẹrẹ ḍukoḅịa sịkị inia ḅie ó sime ẹkẹ; Izrẹl ḅie anga apụma ḅie ọ́mịna ẹrẹ ma sime ẹkẹ. Ọ́ ḅarị pịkịmaḅo ọ́mịna ama mị la-ẹkẹ. Anịsịkị mị ó nemiḅịaye-ẹ na Ị̀rị̀ anị Kụrọmamgba Nyana Tamụnọ Ḅe-ẹ.

Izikịẹl 43:12

Mị anị Oputẹkẹwarị oloko mị-ẹ: Tụndụ mị ọgọnọ na anị kelema okpokiriḅa mị mgba na osi nyana pịkị fịafịamẹ.”

Joẹl 3:17

“Anịsịkị, Izrẹl, ị́ nemiḅịa na Ị̀rị̀ anị Nyanaḅọ ị́ Tamụnọ Ḅe-ẹ. Ị̀ya osi nyana chịngị, Zaịyọn ọgọnọ àrị angamẹ. Jerusalẹm mị anị osi nyana opuama sọḅịa; igoniapụ ngịsị ḅarị ineda anị inuma ẹkẹ.

Obedaịa 1:17

“Ọkụma tọn apụ Zaịyọn Tụndụ mị ọgọnọ mangị soḅịa, anị pịkị osiḅụ simeḅịa. Jekọb tomonima ini kiri mị nyanaḅịa kọkọma iniaye-ẹ nwọḅẹ ḅaraḅụ.

Zẹkaraịa 14:2

Nyanaḅọ Ḅe, ọ̀ sẹ mamgba koḅiriḅo owu se Jerusalẹm pakaḅịa. Opuama mị, ini anị ọkịḅịa, warịma ini ọfọịnḅịa, ini pịkị eremeni ma ḅụ kanḅịa. Tomonima ḅụ pẹkẹrẹ desin ḅie sọḅịa, ọkụma iniaḅụ kọn apụma ini ini sin-ẹkẹ opuama mị ḅie.

Malakaị 3:16

Anịsịkị Nyanaḅọ Ḅe ḍikiḅalafa apụma, ini ọkwẹịn jụmḅọ jụmḅọ pịrịpịrịmẹ, se Nyanaḅọ Ḅe ini poki se ini ḍukoaye ma naamẹ. Nyanaḅọ Ḅe ḍikiḅalafa pịkị osi se ọ̀ pịrịpịrị apụma, ọ̀ tọrọkọ sime ḍiri mị ḅie, inia ẹrẹ ma gịẹịn waraḅẹ.

Luk Iḅi Ḅẹrẹ Mị 10:20

Ọkụma ó ḅieḅẹlẹma na si-a-tẹmẹ ma ó ḍukoye nwọ mịẹmẹ; anịnakaraka ó ḅieḅẹlẹ anịatịḅị ọ́mịna ẹrẹma soḅie ini gịẹịnsam.”

Okunwẹngịapụ 13:48

Jịnsẹapụma mịn mị naa sịkị inia ḅieḅẹlẹmẹ, se tokoni se Nyanaḅọ Ḅe oku mị pịrịmẹ; se ini sẹlẹ se sime gbaso ḍumo mị pịrị apụma pịkị ḅo ḅereniapụ nwọ sọmẹ.

Romapụ 11:4

Cheye Tamụnọ Ḅe nwọse ọ̀ pẹkẹrẹ? “Kịnị oyimẹndẹ fịnjị na kịnị oyiasi na owuapụ ḅụ à nwọse ị̀ ḅụ wẹrịmamẹ, maa, Beal oru mị tẹkẹka apụ.”

Romapụ 11:5

Mịọkụ, anị gbọrị ḅara mịn anị mị sịkị sọ anị simeọkụ-ẹ: boka apụ omi-ẹ Tamụnọ Ḅe sẹlẹọkịsa apụma ḅụ, oria ḍikiḅụgerere mị gose.

Ẹfịsọsịapụ 1:4

Tomonikiri mị ma tẹmẹka sịkị ngịsị, Tamụnọ Ḅe mine ḅe Kraịst Ḅe na gbọrịye mịẹ ḅụ ḅọrọ wa sẹlẹ ọkị se oria tomoni mịẹ ḅọrọsam, mịẹse wa ọ̀ tọrọkọ Fịafịa pịkị mịẹirima nyana ẹka ọkụ. Oria ḅẹlẹma mị gose

Filipaị 4:3

Ị́rị́ sọnị, ị̀ya arụḅọ, kuḅie se ḅụgbana gbẹịnḅọ; à ḅiaḅẹ ị́ ḅarachụa mịna eremeni ma nwọ pịrị; anịatịḅị ini kụrọma ị́rị́ na fịrịnwẹngịsam, iḅiọkwẹịn mị nwọ wasama ḅụ, Klẹmẹnt ḅe na pịkị ị̀ pembe fịrịnwẹngịapụ mamgba na, inia ẹrẹma Tamụnọ ḍumo ḍiri mị ḅie gịẹịn sa apụma.

Kolosi 3:12

Ómine anị Tamụnọ-a tomonima-ẹ, ori ọ́ ḅẹlẹma, se ọ́ sẹlẹ se oria tomoni nwọ mịẹmẹ. Anịẹrẹchị ó ḍikitịḅịfoin na iḅi mịẹ na, ḅụiderima na, ḅụnemi na, pịkị ye inema na, nwọse ḅụchụaye mịẹ chụa.

Hibru 12:14

Ọ́ ḅụkụrọma tomoniḅọ goyegoye na deinma ḅụ sime, pịkị ḅụkụrọma fịafịa ḍumokọn, anịatịḅị anị oforika se Nyanaḅọ Ḅe ọrịḅịa ḅọ ofori-ẹ.

1 Pita 2:9

Ọkụma ómine anị sẹlẹọkịsa apụ ma-ẹ, Amanyanaḅọ Ḅe agbamịẹapụma, osiḅụ sime sẹ mị, Tamụnọ Ḅe oria tomoni-ẹ, ọ̀ sẹlẹọkị seni oria ḅụgbiripuma mịẹmịẹaye ma ḍukopakụmaḅịa apụma, kanakana ḅie ọ́ chịn pakụmaḅo se oria ḅụgbiripuma enekuḅu ḅie chu ḅọ ḅe.

Ḍieḅelema Yema 13:8

Tomonikiri angapụ mamgba ọ̀ tẹkẹḅịa. Ọ̀ tẹkẹ ẹka apụma anị tomonikiri mị ma tẹmẹka sịkị ngịsị ini ḅaa Anana Tọkụ Ḅe ḍumo apụma ḍiri mị ḅie ẹrẹ gịẹịnsa apụma kẹngẹ-ẹ.

Ḍieḅelema Yema 17:8

Ori nama ḅe gbọrị sịkị ò ḍumomẹ, ọkụma mịọkụ ọ̀ ḅarị ḍumo ḅụ ofori-ẹ. Tuma nyanaka olulu mị ḅie ọ̀ pakaḅo-ẹ tọn aḅẹ, mun fị ḅie sọḅịa ẹrẹchị. Tomonikiri mị ma tẹmẹka sịkị ngịsị, mị tomonikiri anga se ẹrẹ ḍumo apụma ḍiri mị ḅie ma gịẹịnka apụma anị inia ḅụgbiripumaye sọḅịa ini nama ḅe ọrịḅịa sịkị. Gbọrị sịkị ò ḍumomẹ: mịọkụ ọ̀ ḅarị ḍumo ḅụ ofori-ẹ, ọkụma ọ̀ pịkị pakaḅoḅịa.

Ḍieḅelema Yema 20:15

Se mịna ẹrẹ ḍumo apụma ḍiri mị ḅie sọka ḅọ goyegoye ini iniḅọ se orumo ḍapa mị ḅie gbinmẹ.

Ḍieḅelema Yema 21:27

Fịafịaka gbọrịye sọnị opuama mị ḅie sọ ẹkẹ. Ḅụgereremaye mịẹḅọ na, iruokọnḅọ na sọ anịa ḅie sọ ẹkẹ. Ini Anana Tọkụ Ḅe ḍumo ḍiri mị ḅie ẹrẹ gịẹịn sa apụma kẹngẹ mị opuama mị ḅie sọḅịaye-ẹ.

Ḍieḅelema Yema 3:5

Mịn gbọrị ḅara mị ḅụ anị ini abalala ḅụchụaye se ọmụ mị ḅaraiḅiapụ ma chụaḅịa ọkụ-ẹ; anịsịkị ḍumo apụma ḍiri mị ḅie àrị inia ẹrẹ ma kọrọrọsin ẹkẹ. Ị̀ Ḍaḅe na oria enjẹlapụma na tọrụkuḅu ḅụ anị à ḅelema ḍukopakụmaḅịaye-ẹ na ini sime ị̀ pịrịmẹ.