Aịzaya 4:2 - Kịrịkẹnị Baịbụl

² Sịkị ḅoaḅẹ, Nyanaḅọ Ḅe, ọ̀ mịẹḅịa chịn na eje na goyegoye mamgba ama mị ḅie sẹnị, ḍụḅa pịkịna iḅi ḍikitọrụgbẹịnḅịa. Izrẹl ḅie fịka apụ mamgba, ama mị pakụma ḅoarị fịayema ḍiki ḅieḅẹlẹ pịkịna àrị seni opuaye mịẹḅịa.

Aịzaya 4:2 Iomraidhean Croise

Fịafịa Nime 67:6

Kiri mị anịa sokusịkị-a fịayema pakụma ḅosam; Tamụnọ, mịna Tamụnọ Ḅe ọ̀ wa ḅẹlẹmasam.

Fịafịa Nime 72:16

Ye mgbọlụ-a fịaye ama ḅie ḅaka; ye fịaye chịngịma gbẹịn kelema, Lẹbanọn ḅie chịnmgbọlụma ḅara mị. Ye tomoni opuamama ḅie ḅein, anị osuein ozu ḅie ḅaka ọkụ mị.

Pakaso 28:2

Agbamịẹḅọ opu ḅụchụayema nwọ ḍori ị́ mbire Erọn ḅe pịrị, mịẹse anị opu seni ọ̀ pịrị ọ̀ pịkị ḍikitọrụgbẹịnḅịa ọkụ.

Aịzaya 11:4

ọ̀ karakara ḅẹrẹkọn igwein apụma pịrịḅịa ọ̀ pịkị ḅarachụa mịẹḅịa ọkụ ofori apụma pịrịḅịa. Ọ̀ pịrịḅịa kụrọḅụ tomonima ini fomuḅara daḅịa, se siaye mịẹapụ ma ini fịḅịa.

Aịzaya 26:1

Tomonima Juda ama ḅie mị nime chuḅịa gbọrị ene ḅoaḅẹ: Mịna opuama mị kụrọmẹ! Tamụnọ Ḅe na mịnaḅụ na owusọ anịa onu ma pịrịmẹ!

Aịzaya 27:6

Ḅoḅịa enema ḅie, Izrẹlapụ, Jekọb furo ḅie pakaḅo apụma, eje kuno chụa ọkụ ini nwọ chụaḅịa, ini pịkịna ngwengwe chụa seni fịaye chụaḅịa. Ini pakụmaḅoḅịa chịnmgbọlụma sẹkiri mị mgba kelemaḅịa.

Aịzaya 30:23

Ọ́mịna fịayema ọ́ nwọ ḍipi sịkị goyegoye, Nyanaḅọ Ḅe ori ene fịrịmaḅịa mịẹsosịkị àrị sẹnị, se ọ́ pịkị iḅiaye sokuḅịa, ọ́mịna namama pịkị ḅakama fịḅịa osuein nyanaḅịa.

Aịzaya 45:8

Ene koro ọkụ à nwọse ọmụḅaraiḅi se sotọrụ ḅụ sẹịnḅịa; sẹkiri mị finji anị da ọkịḅịa se omoni sọ jụmḅọ pịrịka na karakaraye mịẹ na ḅẹlẹma na ḅịapakaḅịa. Ị̀rị̀, Nyanaḅọ Ḅe, à mịẹḅịa mịn mị kiri ọkị.”

Aịzaya 53:2

Anị Nyanaḅọ Ḅe tọn ọkụ-ẹ na oria fịrịnwẹngịḅọ ḅe samịna kpoinkpoin kiri ḅie ịwọ ịnyanya kuno chụa sẹnị ọkụ sẹnịḅịa. Opu ẹrẹ na iḅi na ọ̀ ḅụ ofori-ẹ wa se ò nemiḅịaye ḅaraḅụ. Tomoni-a tọrụ pịkị ọ̀ ḅụgbanaḅịa gbọrị iḅiye sọnị ọ̀ ḅụ ofori-ẹ, wa jine ò kpekimaḅịa gbọrịye sọ ofori-ẹ.

Aịzaya 60:15

“Ini ngịsị ḅarị ị́ sịkị pịkị taraka se ị́ wẹrịma ẹkẹ, Fa se gulugulusa opuama. Àrị ị́ mịẹḅịa ị́ opu sọ pịkị ḍikitọrụgbẹịnḅịa. Nweni-a ḅieḅẹlẹma gbasoḅịa nyọ.

Aịzaya 60:21

Ị́ya tomoni mamgba karakaraye mị mịẹḅịa, Ama mị pịkị iniaye sọ gbasoḅịa. Ị̀rị̀ ini ḍipi koromamẹ, Ị̀rị̀ ini tẹmẹmẹ, Ị̀ya opu mị ḍuko finjima nweni mamgba pịrịḅịaye gose.

Aịzaya 61:11

Pikipikiye ofori-ẹ ḅịpị toluma se sẹnị àrị chịnmgbọlụ ḅara, Kụrọmamgba Nyanaḅọ Ḅe ori oria tomonima ḍụaḅịa, Sẹsẹ mamgba ò boma ḅịa.

Jerimaya 23:5

Nyanaḅọ Ḅe nwọ ḅẹmẹ, “À Devid furo ḅie karakaraye mịẹḅịa amanyanaḅọ sẹlẹḅịa sịkị ḅoaḅẹ. Ori amanyanaḅọ ḅe, ò nemi ḅụ karakara na mịẹgbẹịn ḅara na nwọse bebe sẹ mị ḍikiḍikiḅịa.

Jerimaya 33:15

Anịsịkị Devid ḅe furoḅie koroḅoapụ ma ḅụ tẹmẹḅụ-karakara gbọrịḅọ à nwọ sẹlẹ amanyanaḅọ mịẹḅịa. Ḅe amanyanaḅọ ḅe sẹ mị ḅie mgba ọ̀ karakaraye na iḅiye na mịẹḅịa.

Jerimaya 44:14

Ini koromaso se ḅo Ijipt ḅie anga Juda-a tomonima ḅụ gbọrịḅọ sọ pịọrụso ẹkẹ anịkanịka ḍumo ẹkẹ. Gbọrịḅọ sọ inia ḅie pịkịma Juda ḅo ẹkẹ anị ini kuḅie-se-gbana pịkị anga inia pụkọtarịarị nyọ mị. Gbọrịḅọ sọ pịkịma ḅo ẹkẹ, pịọrụ ḅo kalapụ sakịsikima.”

Jerimaya 44:28

Ọkụma ọ́mịna ḅie boka kalapụ fị ḅie Ijipt pịọrụ-pakaḅo se Juda munḅịa. Anịsịkị mịn ḍumo-sime-kọn-apụ ma nemiḅịaye-ẹ, tụḅọ ọkwẹịn ḅo kọkọmaye sọ, ị̀yaye mị mọnọ se iniaye mị.

Izikịẹl 34:29

Lọkọlọkọ fịaye pakụma kiri à nwọse ini pịrịḅịa, se ama mị ḅie ḅuruḅaa mị kulumaḅịa. Ísí sẹma àrị ḅarị pụa-ḍẹrị kọn ini da ẹkẹ ngịsị.

Izikịẹl 36:8

Ọkụma Izrẹl tụndụma ọgọnọ ḅụ, ejema àrị pịkị ịnyanya na chịnmgbọlụ na chụa ómine ị̀ya tomoni Izrẹlapụma pịrịḅịa. Ḅọlọka sịkị ḅụ, ọ́ pịkịna ama ḅoḅịa.

Izikịẹl 7:16

Tọn apụ mangị mun tụndụma ọgọnọ ḅọịḅịa, okuku pẹsị-a kirima ḍikiḅalafa se mangị mun ḅụkikima ọkụ mị. Inimgba inia siamịẹmịẹye ma gose kururuḅịa.

Joẹl 2:32

Ọkụma Nyanaḅọ Ḅe ḅara ḅarachụa ḅi apụ mamgba ini ḍụaḅọrọma nyanaḅịa. Nyanaḅọ Ḅe ḍuko ḅaraḅụ, ‘Jerusalẹm ḅie dapụ pịọrụ soḅịa; à sẹlẹ ọkịsapụ ma ini ḍumoḅịa.’ ”

Joẹl 3:18

Anịsịkị ḅụ, tụndụma, iru mịẹ-a chịnmgbọlụ ozu àrị gbẹịnḅịa, tomoni pịkị chịngị goyegoye ọgọnọ nambulo na nwọ ọrịḅịa; Juda ḅie ideri mengi mamgba ḅakama mengi nyanaḅịa. Gbọrị ideri mengi Nyanaḅọ Ḅe oria Oputẹkẹwarị ḅie ideri paka mun Ọjị ejema sime Pẹsịkiri mị ḅie saraḅịa.

Obedaịa 1:17

“Ọkụma tọn apụ Zaịyọn Tụndụ mị ọgọnọ mangị soḅịa, anị pịkị osiḅụ simeḅịa. Jekọb tomonima ini kiri mị nyanaḅịa kọkọma iniaye-ẹ nwọḅẹ ḅaraḅụ.

Zẹkaraịa 3:8

Anịgose poki, Jọsụwa, ị́rị́ anị Gele Agbamịẹḅọ ḅe-ẹ; pịkị ómine ò juo agbamịẹapụma sọ, ò poki, ómine anị tọrọkọju iḅi-elekima-ẹ; àrị ị̀ya fịrịnwẹngịḅọ ḅe, anị ini Ịkpangị se chịnḅọ ḅe ḍiepakụmaḅịa!

Zẹkaraịa 6:12

Ḍuko ọ̀ pịrị na Kụrọmamgba Nyanaḅọ Ḅe nwọ ḅẹmẹ, ‘Oriḅọ ḅe ini Ịkpangị nwọse chịnḅọ ḅe, ye-iḅi-ọ̀-pịrịḅịa, ò sime nyọ ḅụ, se ò kpoto Nyanaḅọ Ḅe Oputẹkẹwarị mị namaḅịa.

Zẹkaraịa 9:17

Ama mị ndende sime iḅi na ḍikitọrụgbẹịn na nwọ nyana ḅe! Asẹmẹnị ma anịa fịyemgbọlụ ma na iru ma na ḅie sẹnị kụrọḅịa.

Malakaị 3:17

“Ini ị̀ya tomoni sọḅịa,” Kụrọmamgba Nyanaḅọ Ḅe ọkọ ḅẹmẹ, “À ye mịẹḅịa ene lasịkị, ini jokoma ị̀ya tomoni sọḅịa. Àrị ini ḍikitịḅịfoinḅịa, ḍaḅọ fịrịnwẹngị ọ̀ pịrị tọkụ ḍikitịḅịfoin ọkụ.

Matio 24:22

Ọkụma Tamụnọ Ḅe enema ḅụ yesinsam, ò nemikase ọkọ mịẹka ọkụma, gbọrịḅọ sọnị ḍụaḅọrọma nyana-ẹkẹ, ọkụma ọ̀ sẹlẹsapụma gose, ori enema ḅụ yesinḅịa.

Luk Iḅi Ḅẹrẹ Mị 21:36

Ọ́ sịkịmamgba ọbị ḅụ sime se pịkị tẹkẹ, mịẹse ómine ịnyọ nyana se deinma pakaḅịa aye mamgba ḅụ toluḅọrọḅịa ḅara, se pịkị Tomoniḅọ Tọkụ Ḅe tọrọkọ chịẹḅịa ọkụ.”

Jọn Iḅi Ḅẹrẹ Mị 1:14

Ọkwẹịn Ḅe ḅo tomoniḅọ sọmẹ, se ḍikiḅụgerere na kọkọmaye na Ọ̀ ḅụ ḅeinmẹ, Ọ̀ pịkị mịna ogboku mine na angamẹ. Wa Oria boma mị ọrịmẹ, Ọ̀ mịn boma mị ọkịmẹ anị Ḍaḅọ Ḅe ngẹrị Tọkụ ḅara ḅụ.

2 Kọrịntapụ 4:6

“Kanakana mị ḅie, enekuḅu mị ḅịa pakaḅịa!” nwọ ḅẹ Tamụnọ Ḅe, Ori gbọrị Tamụnọ Ḅe mị mịẹse Oria enekuḅu mịna kuḅiemgbọlụma ḅie ḅịapakaye-ẹ, Tamụnọ boma mị ḅe ḍawọ nemi mị enekuḅu mị nwọ ọkịḅo wa pịrịmẹ, Kraịst Ḅe tọrụ ḅịarịye mị.

2 Pita 1:16

Wa papa ḍuko ḅọrọsa kaḅo ḅẹrẹ ḍuko ọ́ pịrịkẹ, wa Nyanaḅọ Jizọs Kraịst Ḅe oria opu kụrọ na ḅoḅịa nwọ ḅẹye mị wa nwọ mịẹse ọ́ nemiarị sịkị. Wa ḅarana tọrụmgbọlụ se oria opu mị ọrịmẹ.