Aịzaya 4:1 - Kịrịkẹnị Baịbụl

¹ Anịsịkị mị ḅolaḅịa sịkị, sọnọma eremeni gịsapụma gbọrị owuḅọ ọlọ se nwọ seni ọ̀ ḅẹḅịa, “Wa ineda fịaye nyana mịnaḅụ ḍikiḍikiḅịa, wa pịkịna chụachụaye na ḅịtẹ na nyanamẹ, ọkụma pasisi ye wa ḅẹ na ị́rị́ mịna de-ẹ, mịẹsosịkị owuḅọ simeka ḅụgerere mị wa ineda nwọ inemaḅịa ọkụ.”

Aịzaya 4:1 Iomraidhean Croise

Chukusakị 30:23

Á simekọn se owutọkụ yimẹ. Á nwọ ḅẹmẹ, “Tamụnọ Ḅe ị̀ya ḅụgerere mị ò sinsam, owutọkụ se ị̀ pịrịḅụ.

2 Samụẹl 6:23

Maịkal, Sọl ḅe ḅarọma, árị awọ yikẹ ngịsị.

Aịzaya 10:20

Gbọrị-sịkị ḅoaḅẹ Izrẹlapụma ḅie fịse kọn apụma ini ḅarị ḅụseni ini ḅaafama ọ̀ tọn sẹma ḅụ sẹrẹrẹ ẹka sịkị. Ini kọkọmaḅaraḅụ inia kuḅie seni Nyanaḅọ Izrẹl fịafịa Tamụnọ Ḅe ḅụgbanaḅịa.

Aịzaya 13:12

Fịḅụ kọnḅịa apụma ini kụrọtẹịn goli kụrọ ọkụ nẹngịḅịa.

Aịzaya 17:7

Anị ene mị ḅo laḅịa sịkị, tomoni tọrụ pịkị ini Tẹmẹ Izrẹl fịafịa Tamụnọ Ḅe daḅịa.

Aịzaya 2:11

Gbọrị ene ḅoaḅẹ, tomoni opuaye mịẹ mị kulumaḅịa sịkị, pịkị tomoni ḅụdekichịẹma mị ini nwọ famaḅịa. Anịsịkị Nyanaḅọ Ḅe ngẹrị mị ẹrẹ ḅụ na opu na, boma ḅụ na geletẹịnḅịaḅọ-ẹ.

Aịzaya 2:17

Tomoniḅọ opuaye mịẹ mị kulumaḅịa, pịkị tomoniḅọ ḅụdekichịẹma mị fasinḅịa. Ini tẹmẹ se tẹkẹtẹkẹ oru mamgba faḅịa, Nyanaḅọ Ḅe ngẹrị anị anị ene ḅụ ini tokoni gololomatẹịnḅịaye-ẹ.

Aịzaya 3:6

Gbọrị sịkị ḅoḅịa, gbọrị sẹ ḅieapụ iniaḅie gbọrịḅọ sẹlẹpakụmaḅo se nwọse ọ̀ ḅẹḅịa, “Ị́rị́ anị-sime-ọkụ-sime-ọkụ sọ, ị́ chụachụaye nyanamẹ mị ḅụfụka sịkị ḅụ, ḅo mịna tịḅịnịḅọ sọ wa pịrị.”

Aịzaya 54:4

Ḅalafama—ị́ ḅarị ḅụgerere nyana ẹkẹ; ini ị́ ḍiki iderima ẹkẹ. Ị́ya ḅereni nyanaka mị ị́ se ḅieḅaramaḅịa anị ịwọma owuḅọ sime eremeniḅọ deḅọ ḅe osika mị se ḅieḅarama ọkụ, pịkị iremeni tọkụ deḅọ fịsaḅọ gbọngọlọma sime ọkụ sime mị sọ ị́ ḅieḅaraḅịa.

Jerimaya 15:8

Ọ́mịna amama ḅie deapụ oforika eremeni ḅakatẹịn tọrụ aka onwun ma nẹngịmẹ. Àrị ọ́mịna ayamburama asẹmẹnịma ḅaamẹ se inia nyengi apụma se tekele pịrịmẹ. Ḅụakụ na ḅalafa na à nwọse ḅụnemika ḅụ ini ḅakụgbinmẹ.

Luk Iḅi Ḅẹrẹ Mị 1:25

Á nwọ ḅẹmẹ, “Mịọkụ anịa kuluma Nyanaḅọ Ḅe Ọ̀ ḅarachụa ị̀ pịrịsam, ori amaogbo ị̀ tọrụ ḅụgerere sinsam!”

Luk Iḅi Ḅẹrẹ Mị 21:22

Anịatịḅị ma ‘Ene ma ḅụfụka pịrị ene-ẹ,’ mịẹse Fịafịa Ḍiri mị ḍuko ayema ḅo kọkọmaye sọḅịa ḅara.

2 Tẹsalonịka 3:12

Wa Nyanaḅọ Jizọs Kraịst Ḅe ẹrẹ ḅụ, wa tọn mịna tomonima pịrị se inia ḅerijine-aḅẹ ọ́mịna ogboku na, ini inia ḍumo ma nwọ seni ọrụtọn, se fịrịnwẹngị ini fịḅịaye nyana inia ḅụ ma pịrị.

1 Samụẹl 1:6

Arịa afọnọ, Pẹnịna ma árị á kuḅiesima pịkị á seni papaye mịẹmịẹmẹ, anịatịḅị Nyanaḅọ Ḅe ọ̀ tọkụ seni á pịrịkaye ẹrẹchị.