Aịzaya 39:3 - Kịrịkẹnị Baịbụl

³ Anị Ịkịankoro Aịzaya ḅe Amanyanaḅọ Hẹzekaya ḅe damamun se ò gbelaye-ẹ, “Mịna owuapụma nde anga ḅụ ini ḅo, se cheye ini nwọ ḍuko ị́ pịrị?” Hẹzekaya ḅe pẹkẹrẹmẹ, “Ḅọlọ sẹ ḅie ini ḅomẹ, Babilọn ḅie.”

Aịzaya 39:3 Iomraidhean Croise

2 Samụẹl 12:1

Nyanaḅọ Ḅe ịkịankoro Netan ḅe fịrịma Devid ḅe damamunmẹ. Netan ḅe ọ̀ damamun se nwọse ọ̀ ḅẹmẹ, “Mama owuapụ gbọrị ama ḅie angamẹ; gbọrịḅọ ngọ kọnmẹ, ísíḅọ ḅe igweinḅọ-ẹ.

2 Amanyanapụ Sịkị Mịẹaye Ma 16:7

Anịsịkị mị ḅụ anị ịkịankoro Hananị ḅe so Amanyanaḅọ Esa ḅe damamunye-ẹ se nwọ ḅẹmẹ, “Nyanaḅọ ị́ Tamụnọ Ḅe ḅụ ị́ sẹrẹrẹ nakaraka, Siria amanyanaḅọ ḅe ḅụ re mị ị́ sẹrẹrẹye-ẹ, Izrẹl amanyanaḅọ ḅe oria owunima ini ị́ ḅarapẹlẹma mangịsosam.

2 Amanyanapụ Sịkị Mịẹaye Ma 19:2

Gbọrị ịkịankoroḅọ, Hananị owutọkụ, Jẹhu ḅe mun amanyanaḅọ ḅe la se ọ̀ ḅẹmẹ, “Ị́ chịn ḅara anị karakara, ḅarachụa sitịḅị nyanapụ pịrị mị pịkịna Nyanaḅọ Ḅe ḍikiḅụnwọnwọ apụma na gbọrịju-sọ? Ị́ mịẹye, Nyanaḅọ Ḅe ịganị ọkịḅo ị́ pịrịsam.

2 Amanyanapụ Sịkị Mịẹaye Ma 25:15

Mịn mị Nyanaḅọ Ḅe ịganịmamẹ, anị ori ịkịankoroḅọ se Amazaya ḅe fịrịmaye-ẹ. Ịkịankoroḅọ ḅe ò gbelamẹ, “Cheye gose ị́ jịn ama oru tẹkẹ-ao anị ineda ị́ ḅara ḅie anịa tomonima ḍụakayema?”

Aịzaya 38:1

Nwọ pembe sịkịḅụ, Amanyanaḅọ Hẹzekaya ḅe ori obi se pịkị fị-ẹtọnmẹ. Ịkịankoro Aịzaya, Emọs yaḅe, mun ò ḍiki-ẹmunmẹ, se nwọse ọ̀ ḅẹmẹ, “Nyanaḅọ Ḅe nwọse ị́ ḅẹmẹ na yegoyegoye se ọrụtọn koroma anịatịḅị ị́ ḅụ iḅi-ẹkẹ. Ḅụkarakarama fị mị pịrị.”

Aịzaya 38:5

ò vinpịkị so Hẹzekaya ḅe damamun se ọ̀ ḅẹ na, “Ị̀rị̀, Nyanaḅọ, ị́ya ḅieju-ḍaḅọ Devid Tamụnọ Ḅe, ị́ya tẹkẹ mị naasam à pịkị ị́ tọrụmgbọlụ ḅụ ị́ya owumengi ma ọrịsam; àrị ị́ wẹrịsoḅịa se jie-a kụra ị́ pịkị nwọse ḍumoḅịa.

Aịzaya 39:4

“Amanyanaḅọ odo ḅie cheye ini nwọ ọrị?” “Ye goyegoye ini ọrịmẹ. Ngọ-koko-warị ma ḅie à se ini ḍiekaye ofori-ẹ.”

Jerimaya 4:16

Ini ḅo sẹma ḅerijinemẹ, se pịkị ḍuko Jerusalẹm pịrịmẹ na tarakapụ ḅọlọ sẹ ḅie wẹrị ḅoaḅẹ. Mịna tarakapụma ini Juda tịḅị olokuḅịa,

Jerimaya 5:15

Izrẹl-a tomoni, Nyanaḅọ Ḅe ḅọlọju ọ̀ gbọrị sẹ ọkịḅo aḅẹ ḅo ọ́ dapakaḅịa. Anị ma anị kụrọ pịkị olomu sịkị sẹ-ẹ, anịa ọkwẹịn ọ́ nwọ nemika sẹ-ẹ.

Jerimaya 8:19

Poki! Bebe ama ḅie mgba àrị ị̀ya tomonima owu-a tịḅịḅie naamẹ, “Nyanaḅọ Ḅe, Zaịyọn ḅie ọ̀ ḅarị ofori? Zaịyọn amanyanaḅọ ḅe ọ̀ ḅarị anịnyọ ofori?” Nyanaḅọ, inia amanyanaḅọ ḅe pẹkẹrẹmẹ, “Ó che gose ị̀ ịganịma-ao ọ́ nwọ ọ́mịna oru ma tẹkẹ àrị sịkị pịkị tịḅịtu yeḅụoforika jịn ama oru ma pịrịarị sịkị?”

Maịnkarama Oloko 28:49

Nyanaḅọ Ḅe sẹkiri mị ḅie kuluma nyọ mị ḅụ ọ̀ gbọrị sẹ fịrịmaḅo ọ́ dapakaḅịa, inia ama ọkwẹịn sọ ọ́ naakẹ. Ini igo ḅara se vuma fin ḅo ọ́mịna ọgọnọ chịẹḅịa.

Jọshụa 9:6

Anịsịkị ini so ikowarịma pike sime nyọ mị mun mẹ Gilgalị mị ḅie, se nwọse Jọsụwa ḅe na Izrẹlapụma na ḅẹmẹ, “Wa sime ḅo sẹ mị ḅọlọmẹ. Wa ḅimẹ wa ómine na deinma ḅịpịogbosọ nwọ nyana.”

Jọshụa 9:9

Anị ini mị ḅẹrẹ mị ḍuko ọ̀ pịrịye-ẹ: “Mine ị́ya fịrịnwẹngịapụma sime ḅo sẹ mị opuma ḅọlọmẹ, wa Nyanaḅọ ọ́mịna Tamụnọ Ḅe gbolomaye nwọ naamẹ. Ijipt mị ḅie ọ̀ mịẹye mamgba wa naamẹ