Aịzaya 39:2 - Kịrịkẹnị Baịbụl

² Hẹzekaya ḅe oku ḅoapụ ma dawarịchumẹ, se ọ̀ pẹrẹ la-ọkụ nwọse ini ḍiemẹ—oria seleḅa ma na goli ma na, ye kụnụmaye na kụnụ olo na pịkị oria owuniaye mamgba na. Oria ngọ koko warịma na pịkị oria amanyanakiri mị la nyọ goyegoye ḅụ ò se ini ḍie kọmaye ofori-ẹ.

Aịzaya 39:2 Iomraidhean Croise

1 Amanyanapụ 10:10

Á se ḅo ḍiepịrịayema á nwọse Amanyanaḅọ Sọlọmọn ḅe pịrịmẹ; goli okpokpo-a sonioasi, pịkị ye kụnụmaye na, kụnụ olo mịẹaye na pịkị yela ḍụparị ḅụ ḅakaye na. Á seni ọ̀ pịrị ye kụnụmayema na, kụnụ olo mịẹaye ma na, ḅakatẹịn jịnsịkị ḅụ, ma ayema pembe aye ḅụ ori ọkịsaye goyegoye nẹngịmẹ.

1 Amanyanapụ 10:15

pịkị tuḅonima gbẹịn-gbẹịn ama-ocho-igbiki ma na, tuḅo ḅụ sọye ma na pịkị Arab amanyanapụma na Izrẹlapụ pẹkẹrẹ ma ḍikiḍiki ḅẹrẹtọn apụma gbẹịn-gbẹịn ama-ocho-igbiki ma na.

1 Amanyanapụ 10:2

Fịrịnwẹngị á pịrịḅịa apụ á nwọse ḅakama chụaḅomẹ, pịkị ike-nambulo na, àrị pụra kịrịkịrị ye kụnụmaye ma na, yela ḍụparị na, pịkị tọn-a goli na. Á ḅo Sọlọmọn ḅe na ịrịa sịkị, á koroma ineda se ò gbelaḅịaye mamgba á nwọse ò gbelamẹ.

1 Amanyanapụ 10:25

Ḅo ḅọ goyegoye ḍiepịrịye se ḅomẹ—seleḅa na goli na se tẹmẹ aye na koro ḅụchụaye na, owuniaye na, kụnụ olo mịẹaye na, ye kụnụmaye na, asụnma na, pịkị yepụra asụnma na. Mịn mị kụrakụra ḅụ mịẹmịẹye-ẹ.

2 Amanyanapụ 20:13

Hẹzekaya ḅe okuḅoapụ ma daọkị, se ọ̀ pẹrẹ la-ọkụ seni ini ḍiemẹ—oria seleḅa ma na, goli ma na, ye kụnụmaye mịẹḅịaye ma na pịkị kụnụ olo ma na pịkị oria owuniaye mamgba na. Oria ngọ koko warịma ḅie na pịkị oria amanyanakiri mị ḅie na, ò se ini ḍiekaye ofori-ẹ.

2 Amanyanapụ Sịkị Mịẹaye Ma 32:25

Hẹzekaya ḅe opuayemịẹ ò ḅie ḅein so ọkụma ọ̀ mịẹḅaka se Nyanaḅọ Ḅe ḅẹkẹ, anịẹrẹchị Juda na Jerusalẹm na anịa tọrụsiọrị nyanamẹ.

2 Amanyanapụ Sịkị Mịẹaye Ma 32:27

Amanyanaḅọ Hẹzekaya ḅe ò ḅo opuma pẹrẹmẹ, tomoniḅọ goyegoye osi se ọ̀ pịrịmẹ. Oria goli na, seleḅa na, yela ḍụparị na, ye kụnụmaye na, agbọ na, pịkị yela jịn aye na koko warị ọ̀ nwọ namamẹ.

2 Amanyanapụ Sịkị Mịẹaye Ma 32:31

Babilọn opuapụ ḅo ama mị ḅie pakarị ḅụgbiripumaye nwọse ò gbela-ẹḅomẹ, Tamụnọ Ḅe ori Hẹzekaya ḅe wẹrịsomẹ na ọ̀ ḅụḅẹlẹḅara ọ̀ nwọ mịẹ, pa ò simeḅara ḍikiḅịa ẹrẹchị.

2 Amanyanapụ Sịkị Mịẹaye Ma 9:1

Shiba amanyana eremeniḅọ ma, á Amanyanaḅọ Sọlọmọn ḅe ẹrẹso mị na gbolomaye nwọ naamẹ, se á so Jerusalẹm mun mẹ, ḅụfụkamaye seni ò gbelaḅịa ẹrẹchị. Fịrịnwẹngị á pịrịḅịa apụ á ḅakama nwọse chụa ḅomẹ, ike-nambulo na, ye kụnụmaye na, yela ḍụparị na pịkị ḅaka goli na àrị nwọ pụramẹ. Á ḅo Sọlọmọn ḅe na ịrịa sịkị, árị ineda se ḅiekoroma aye mamgba á nwọse ò gbelamẹ.

2 Amanyanapụ Sịkị Mịẹaye Ma 9:9

Á se ḅo ḍiepịrịayema á nwọse Amanyanaḅọ Sọlọmọn ḅe pịrịmẹ: goli ḅụ ḍụḅa ḍụḅa sọnọ-a opu okpokpo na, pịkị opuma ḅaka ye kụnụmaye na, kụnụ olo mịẹaye na, pịkị yela ḍụparịma na. Shiba amanyana eremeniḅọ ma se Amanyanaḅọ Sọlọmọn ḅe pịrị fịaye ḅẹlẹmaye ma na kụnụ olo mịẹaye ma na, iḅiọkụ iḅi aye jịn sịkịḅụ ma ofori-ẹ.

Job Ḍiri Mị 31:25

anịkanịka ị̀ya ngọma se opuaye mịẹkẹ.

Kaḅo Ma 4:23

Tọrụkweinma ị́ koroma arịye ma ḅụ; anịatịḅị ị́ kọn àrị koroma ma anị ị́ya ḍumo tẹmẹarịye ma-ẹ.

Ẹklisiastis 7:20

Mị sẹkiri ḅie sịkịmamgba karakaraye mịẹ se ngịsị mịẹirima nyanaka gbọrịḅọ sọnị ofori-ẹ.

Jerimaya 17:9

“Tụḅọ ineda tomoniḅọ kuḅie kaịnḅoḅe? Oḅori-se-nweni chịẹma anị na gbasịye ofori-ẹ; anịa obi ḅakamẹ gwọḅụ.

2 Kọrịntapụ 12:7

Ọkụma àrị ọrị sa tọn-a ḅụgbiripumaye ma gose, ḅụdekichịẹma opuayemịẹ ẹkaye gose, ini oju ḅụ opuma fụka obi nwọ seni ị̀ pịrịmẹ, Oru fịrịnwẹngịḅọ, obi fomuḅara se ị̀ pịrịmẹ, mịẹse àrị opuayemịẹ ẹka ọkụ.

1 Jọn 1:8

Wa nemikase ḅẹmẹ na wa si nyanakẹ nwọ ḅẹ ọkụma wa oḅori se mịnaḅụ chịnmẹ, kọkọmaye mị pịkị mịna ḅie ofori-ẹ.