Aịzaya 32:3 - Kịrịkẹnị Baịbụl

³ Inia tọrụmgbọlụma na, inia ḅeri ma na, ini finji se tomonima ḅụpalịmaye ma pịrịḅịa.

Aịzaya 32:3 Iomraidhean Croise

Aịzaya 29:18

Anị ene mị ḅolaḅịa sịkị, ḅeri inikiapụ ma ini nweni go pakụmaḅịa ḍiri nwọ naaḅịa, pịkị kanakana ḅie anga tọrụmgbọlụ pụn apụma, inia tọrụmgbọlụma ini finji se ye ọrịḅịa.

Aịzaya 29:24

Yenemika apụma ini yekaịnḅo mị ḍawọḅịa, anịsịkị, sịkịmamgba mbụrụmbụrụ àrị apụma, yese-ini telima mị inia ḅie ḅẹlẹmaḅịa.”

Aịzaya 30:26

Akalụ mị ịrụa mị ḅịa ọkụ ḅịaḅịa, anịsịkị ịrụa mị sọnọma sịkị anị nwọse ḅịatẹịn anị ḅịaḅịa ḅara mị nẹngịḅịa, anị sọnọma enekaka gbọrị ene ḅụ ḅịa ọkụ. Ma mamgba mịẹḅịa sịkị, anị Nyanaḅọ Ḅe ḅịtẹ se, ò se oria tomonima pịrị ịnọ tọrụ ma fịna se àrị gwọḅịa sịkị mị-ẹ.

Aịzaya 42:16

“Ị̀ya tomoni tọrụmgbọlụ pụn apụma à tọrọkọda ini pịrị ini se ma ini ḅọrọka ateli ḅie ḅọrọḅịa. Inia kanakana mị à pịkị enekaka mịẹ ini pịrịḅịa à pịkị kpụlụkụ kpụlụkụ sẹma mịẹḅịa àrị mọnịmọnị se ini ọrịḅịa. Ma anị à ḅereniaye ma-ẹ, à pịkị àrị mịẹḅịa gbarịmaka ḅaraḅụ.

Aịzaya 54:13

“Ị̀rị̀na-mịnaḅụ na ye se ị́ya tomonima telima pịkị mịẹaye ḅarasọ na dein na se ini pịrịḅịa.

Jerimaya 31:34

Inia ḅie gbọrịḅọ sọ se iniḅọ juo amaḅọ ḍie ẹkẹ, iniḅọ Nyanaḅọ Ḅe lekiriḅịa ọkụ, anịatịḅị inimgba ị̀ lekiriḅịa, bokatẹịnḅọ ḅụ sakị mun ḍụḅatẹịnḅọ la. Àrị inia sima ḅụ ḅarasinḅịa, se ḅarị inia nwẹngị irima ma se ḅiekoroma ẹkẹ. Ị̀rị̀, Nyanaḅọ Ḅe, ḍukosam.”

Matio 13:11

Jizọs Ḅe ini pẹkẹrẹmẹ, “Se soḅie Amanyanakiri mị ḅe ḅọị ayema ḍawọḅịa nemi ini nwọse ọ́ pịrịsam, ọkụma mà ini se ini pịrịkẹ.

Mak Iḅi Ḅẹrẹ Mị 7:37

Se iḅiọkụ anị naa apụ mamgba ḅụgbiripumamẹ. “Ò ye mamgba nwọ mịẹ iḅima sa ọkụ ḍiki!” ini nwọ ḅẹmẹ. “Ọ̀ mịẹ seni ḅeri inikiḅọ ḅe ye naamẹ, se ḅịpị iniki kọnḅọ ḅe pịkị ọkwẹịnmẹ!”

Okunwẹngịapụ 26:18

Ị́ inia tọrụmgbọlụma finjiḅịa, se kanakana mị ḅie ini pịkị enekuḅu mị ḅie chuḅịa, pịkị Oru ḅe kụrọ ḅie ini ọkịḅo Tamụnọ Ḅe pịrịḅịa, mịẹse ini ị̀ ḅụ nyana ḅereni ḅụ ini siḅụ-ḅarasin nwọ nyanaḅịa se, Tamụnọ Ḅe sẹlẹ sa tomonima ḅie inia kiri nwọ ọkịḅịa ọkụ!’

2 Kọrịntapụ 4:6

“Kanakana mị ḅie, enekuḅu mị ḅịa pakaḅịa!” nwọ ḅẹ Tamụnọ Ḅe, Ori gbọrị Tamụnọ Ḅe mị mịẹse Oria enekuḅu mịna kuḅiemgbọlụma ḅie ḅịapakaye-ẹ, Tamụnọ boma mị ḅe ḍawọ nemi mị enekuḅu mị nwọ ọkịḅo wa pịrịmẹ, Kraịst Ḅe tọrụ ḅịarịye mị.