Aịzaya 32:2 - Kịrịkẹnị Baịbụl

² Inia ḅie ọrụḅọḅọ, fọrụ ḅie na irisi ḅie na ḅụ tịḅịkikima nyọ sime ọkụ simeḅịa. Onwun ele ḅie ideriarị mengi sime ọkụ ini nwọ simeḅịa, samịna se yepakapakaka ele ḅie sime tịḅịkikima opu ḍụparị ini nwọ kịkẹmẹ.

Aịzaya 32:2 Iomraidhean Croise

Fịafịa Nime 143:9

Ịnyasọ gose àrị ị́ damaḅomẹ, Nyanaḅọ; ị̀ ḍụa ị̀rị̀na-taraka apụma ḅaraḅie.

Fịafịa Nime 32:7

Ị́rị́ ị̀ya ḅọị nyọ-ẹ; ḅụfụka ḅie ị́ ị̀ ḍụaḅịa. À gele pụkọ se nime chu ị́ya ḍụaḅọrọma mị ḍukopakụmaḅịa, anịatịḅị ị́ ị̀ ḅọịmẹ.

Fịafịa Nime 63:1

Yei Tamụnọ, ị̀rị̀ ị̀ Tamụnọ-ẹ, à pịkị ị́ ḍọkịmẹ. Ị̀rị̀ mgba àrị ị́ ḍọkịmẹ; ịnyọ ḅụ fa se samịna mengi nyanaka kiri mengi ḍọkị ọkụ, ị̀ tẹmẹ mị mengi pụkọtarịḅọ ḅara nwọseni ị́ ḍọkịmẹ.

Fịafịa Nime 91:1

Nyanaḅọ Ḅe damamun se ḍumo ḍọkịḅọ goyegoye, Kụrọmamgba Nyanaḅọ Ḅe chukuḅie ḅọịḅọ goyegoye,

Aịzaya 12:2

Tamụnọ Ḅe anị ị̀ ḍụaḅọ-ẹ; à kuḅie se ọ̀ ḅụgbanaḅịa, se à ḅarị ḅalafa ẹkẹ. Nyanaḅọ Ḅe ọ̀ kụrọ na ịnyọ na se ị̀ pịrịmẹ; ori anị ị̀ ḍụaḅọ-ẹ.

Aịzaya 16:3

Ini nwọse Judapụma ḅẹmẹ, “Wa mịẹḅịaye ò kele nwọ ḍuko wa pịrị. Eje eneogboin anịa ḅarama finjima nyọ gbẹịn oḅokuma ọkụ ọ́ nwọse wa gbẹịn, se wakele ọ́mịna chuku ḅie sime ịnyọsara. Wa ḅo ịnyasọ-ẹḅomẹ; tomoni ineda wa ḍọkịḅo ẹka nyọ ḅụ ọ́ wa ḅọị.

Aịzaya 25:4

Igwein, pịkị ḅarachụa pịrịḅọ nyanaka apụma ini mangị ị́ damaḅosam se ini pịkị tọrụsiọrị sịkịḅụ ḍụaḅọrọma nyanasam. Irisi ḅie ị́ tịḅị kikima nyọ se ini pịrịmẹ, ị́ pịkị ene ọfịrị sịkịḅụ deinyọ seni ini pịrịmẹ. Sitịḅịnyana tarakapụ, ene-sịkị-irisi ḅara nwọseni owu pakamẹ,

Aịzaya 28:17

Chukusẹkẹ ḍụparị mị, seni anị tọnḅịaye anị, karakaraye mịẹ mị-ẹ. Anịsịkị seni anịa gbun mị nemiḅịaye anị iruokọnka, tomoni inumaka mị na-ẹ.” Opu ene koro ó kuḅie seni gbana iruoaye mamgba sịkịrịsinḅịa, anịsịkị ọ́mịna kụrọ-a nyọma opu mengi àrị famaḅịa.

Aịzaya 41:18

À mịẹḅịa samịna chịngịma ḅie mengi ideriḅịa pịkị pẹsịkiri ma ḅie mengi seri ḅọrọḅịa. À mịẹḅịa onwun ele mị pịkị ḅo mengi ḍapa sọḅịa se samịna kpakịkị kiri mị pịkị ḅo mengi ideri àrị nyọ sọḅịa.

Aịzaya 43:19

À mịẹḅịa ịwọye mị ọ́ nwọ ḍiki. Ye mị mịẹ-aḅẹ—ómine ineda anị ọrịḅịa mịọkụ! Onwun ele mị ḅie àrị ateli mịẹ tolumaḅịa à pịkị ideri mengi pakụma ọ́ pịrịḅịa piri ele mị ḅie.

Aịzaya 43:20

Piri namama sọ ị̀ osiḅịa; piri obirima na ọjụ-feni ma na àrị ị̀ bomaḅịa onwun ele mị ḅie na piri ele ḅie na mengi ideriḅịa mịẹsosịkị à sẹlẹ ọkịsapụ ma mengi nyanaḅịa ọkụ.

Aịzaya 44:3

“Mengi pụkọtarị amama à mengi se àrị pịrịḅịa à pịkị mịẹḅịa samịna kpoinkpoin kiri mị ọgọnọ mengi ideriḅịa. Àrị ị̀ya kụrọ mị se ọ́mịna awọma ḅụ sara ḅeinmaḅịa ị̀ya ḅẹlẹma pịkị ọ́mịna furo ḅie pakaḅoḅịa apụma ọgọnọ gbanaḅịa.

Aịzaya 7:14

Iḅimẹ, anịọkụma Nyanaḅọ Ḅe na mịnaḅụ na elekima seni ị́ pịrịḅịa; ma owuḅọ nemika eremeniḅọ simekọn se gbọrị owutọkụ yi ọ́ pịrịḅịa, ‘Imanụẹl’ ini nwọse ọ̀ chịnḅịa.

Aịzaya 9:6

Ini tọkụ yi wa pịrịsam! Gbọrị owutọkụ ini nwọ seni wa pịrịsam! Ọ̀ pịkịna mịna tịḅịdaḅọ sọḅịa. Ini nwọseni ọ̀ chịnḅịa, “Ḅụgbiripuma Yetetemaḅọ,” “Opu Tamụnọ,” “Ḍumogbamaso Ḍaḅọ,” “Dein Ḅụ Ḅẹrẹtọn Àrị Amanyanaḅọ.”

Jerimaya 33:14

Nyanaḅọ Ḅe nwọ ḅẹmẹ, “Sịkị mị ḅoaḅẹ à ḅereni Juda na Izrẹl-a tomonima na pịrịye à nwọ mịẹḅịa.

Kururu Ma 4:20

Ini mịna ḍumo mị ḅe chuku ḅe kunmẹ, Nyanaḅọ Ḅe sẹlẹḅo amanyanaḅọ ḅe, anị wa kuḅie-se-ḅụgbana na ḅo owuse-wa-pakapụ goyegoye ḅara ḅie ọ̀ wa ḍụaḅịa nwọḅẹ ḅọ ḅe.

Zẹkaraịa 13:7

Kụrọmamgba Nyanaḅọ Ḅe ọkọ ḅẹmẹ, “Sịsẹ, kongo, se anana ḍikiḍikiḅọ ḅe, anị fịrịnwẹngị ị̀ pịrịḅọ ḅe, owu se ọ̀ paka! Ọ̀ ḅaa, se ananama àrị galagalaḅịa. Àrị owu se ị̀ya tomonima pakaḅịa

Jọn Iḅi Ḅẹrẹ Mị 7:37

Alalị mị ḅe kuluma ene mị se pịkị kụrọtẹịn ene mị, anị ene mị ḅụ Jizọs Ḅe sịsẹ chịẹ se gele pụkọ ḅụ nwọ ḅẹmẹ, “Mengi pụkọtarịḅọ goyegoye ị̀ damaḅo se ḅu.

1 Timoti 3:16

Mịna Tamụnọ tẹkẹ ḅara mị ḅie sime ḅọịye mị ḍụḅa laḅara mị pikiḅịa gbọrịḅọ sọnị ofori-ẹ: Tomoniḅọ ḅara ọ̀ nwọse pakaḅomẹ, Tẹmẹ Ḅe oria karakara mị nwọ ḍiepakụmamẹ enjẹlapụ pịkị ori ọrịmẹ. Sẹ ma ogboku ini oria ḅẹrẹ nwọ ḍukomẹ, bebe tomonikiri mị ò ḅerenimẹ, se ini ò se iwo soḅie mun mẹ.

Ḍieḅelema Yema 22:1

Enjẹlḅọ ḅe ọ̀ pịkị ḍumo ideri mengi tọrụ mị sọ se ị̀ ḍiemẹ. Anị kristal wananị wananị ma ḅịa ọkụ ḅịamẹ. Tamụnọ Ḅe oria amanyanaḅọ ngada mị na Anana Tọkụ Ḅe na ḅụ mị anị pakaḅoye-ẹ,