Aịzaya 32:1 - Kịrịkẹnị Baịbụl

¹ Karakara ḅara se amanyanaḅịaḅọ gbọrị ene pakaḅoḅịa, pịkị sẹ mị ḅie karakara ḅẹrẹtọnḅịa tịḅịnị na.

Aịzaya 32:1 Iomraidhean Croise

2 Samụẹl 23:3

Izrẹl Tamụnọ Ḅe ori ọkwẹịn sam; Izrẹl mị ḍikiḍikiarị ḅọ ḅe nwọse ị̀ ḅẹmẹ; “Karakara ḅẹrẹtọn amanyanaḅọ ḅe, Tamụnọ ḍikiḅalafa ḅụ ọ̀ wẹrị ḅẹrẹtọn ḅịa,

Fịafịa Nime 45:1

Iḅi ọkwẹịn ị̀ kuḅie ḅeinmẹ, à mị nime mị gịẹịn amanyanaḅọ ḅe pịrịarịsịkị. Ye gịẹịn ḍinḅọ ye gịẹịn ḅala simeọkụ ị̀ ḅịpị ḅẹlẹ mị anị ḅụkarakarama nime ọkụ sime ọkwẹịn pịrịmẹ.

Fịafịa Nime 99:4

Opu amanyanaḅọ, ị́ karakaraye ḅẹlẹmamẹ; ị́ mịẹmẹ Izrẹl ḅie karakaraye mị ḅụọnyana chịẹsam; karakaramịẹmịẹaye na iḅiyemịẹḅara na ị́ nwọse ḅosam.

Aịzaya 11:4

ọ̀ karakara ḅẹrẹkọn igwein apụma pịrịḅịa ọ̀ pịkị ḅarachụa mịẹḅịa ọkụ ofori apụma pịrịḅịa. Ọ̀ pịrịḅịa kụrọḅụ tomonima ini fomuḅara daḅịa, se siaye mịẹapụ ma ini fịḅịa.

Aịzaya 11:5

Karakaraye na ḍukoḅịaye-ḅụ-ofori mịẹmịẹaye na, anị ò se ḅẹrẹtọn oria tomonima pịrịḅịaye-ẹ.

Aịzaya 16:5

Anịsịkị anị Devid furo ḅie apụma ḅụ gbọrịḅọ ḅo amanyanaḅịaye-ẹ, ọ̀ pịkị karakaraye ḅụ na ḅẹlẹma ḅụ na ḅẹrẹtọn tomonima pịrịḅịa. Ọ̀ sarasarama mịẹgbẹịn karakaraye mị mịẹḅịa, ọ̀ pịkị ọrịḅịa na karakaraye mị mịẹmẹ.)

Aịzaya 28:6

Iḅi ḅẹrẹkọn-nemi-tịḅịḅie ọ̀ nwọ seni ḅẹrẹkọn fịrịnwẹngịapụma pịrịḅịa, pịkịna kụrọkuḅie seni owu se opuama mị dapakaḅịa apụma dachịẹmaḅịa apụma pịrịḅịa.

Aịzaya 33:5

Nyanaḅọ Ḅe opusọ la-ọkụ ḍiki! Ọ̀ ḅẹrẹtọn yegoyegoye pịrịmẹ. Karakaraye na iḅiyemịẹmịẹḅara na ọ̀ nwọse Jerusalẹm ḅie ḅeinmaḅịa,

Aịzaya 4:6

Oria boma mị ịrụa mị opuma ọfịrị sịkịḅụ tịḅịkikimaye sọ opuama mị pịrịḅịa, gbọrịye sọnị yeseni ini lama ẹka ḅaraḅụ, ene na irisi na ḅie anị ini gbẹịnḅịa.

Jerimaya 33:14

Nyanaḅọ Ḅe nwọ ḅẹmẹ, “Sịkị mị ḅoaḅẹ à ḅereni Juda na Izrẹl-a tomonima na pịrịye à nwọ mịẹḅịa.

Jerimaya 33:15

Anịsịkị Devid ḅe furoḅie koroḅoapụ ma ḅụ tẹmẹḅụ-karakara gbọrịḅọ à nwọ sẹlẹ amanyanaḅọ mịẹḅịa. Ḅe amanyanaḅọ ḅe sẹ mị ḅie mgba ọ̀ karakaraye na iḅiye na mịẹḅịa.

Izikịẹl 37:24

Ị̀ya fịrịnwẹngịḅọ Devid ḅe sime ọkụ sime amanyanaḅọ anị inia amanyanaḅọ sọḅịaye-ẹ. Gbọrị ḅẹrẹtọnḅọ chuku ḅie ini gboloma simeḅịa, se ini tụkụma ḅara se ị̀ya olokoma kokoḅịa.

Hosia 3:5

Ọkụma sịkị mị ḅoḅịa, Izrẹlapụma pịkịma tọrụ se Nyanaḅọ, inia Tamụnọ Ḅe da pịkị Devid, inia amanyanaḅọ ḅe furo ḅie koroḅo ḅọ ḅe daḅịa. Anịsịkị mị ini Nyanaḅọ Ḅe ḍikiḅalafa se oria iḅi ḅẹlẹma ma ọkịḅịaye-ẹ.

Zẹkaraịa 9:9

Ó ḍoroku, ḍoroku, Zaịyọn-a tomoni! Ḅieḅẹlẹ ḅụ ó ḍoroku, ómine Jerusalẹm-a tomonima! Ḍiki, ọ́mịna amanyanaḅọ ḅe ori ọ́ damaḅo aḅẹ! Ọmụḅaraiḅi ḅieḅẹlẹ ḅụ ò ḅo aḅẹ, ọkụma ḅụiderima ḅụ yepụra asụn ọgọnọ ò ḅoaḅẹ— yepụra asụn tọkụ ọgọnọ.

Romapụ 5:21

Anị-ẹ nwọ ḅẹ sịkị, si mị nwọ fị se ḅẹrẹtọn-arị ḅara, anị Tamụnọ Ḅe ḍikiḅụgerere mị pịkị karakaramịẹmịẹye ḅụ ḅọrọ wẹrị ḅẹrẹtọn-arị ọkụ-ẹ, wa Nyanaḅọ Jizọs Kraịst Ḅe ḅụ ḅọrọ wa pamun simegbaso ḍumo ḅie chuaḅẹ.

Ḍieḅelema Yema 17:14

Ini owu se Anana Tọkụ Ḅe pakaḅịa. Ọkụma Anana Tọkụ Ḅe na, ọ̀ chịn apụma na, ọ̀ sẹlẹsa apụma na, pịkị ḅereni nyana ò ḍukonwẹngịapụma na, ini inia ḅụ ọmụḅaraiḅi nyanaḅịa, anịatịḅị ori anị nweni nyana apụma Nyana, pịkị amanyanapụma na Amanyanaḅọ Ḅe-ẹ.”

Ḍieḅelema Yema 19:11

Anịsịkị à so mị ọrịmẹ, anị finji waraḅẹ, gbọrị ḅịaḅịa asụn anịju omi-ẹ. Ini nwọse ọ́ dọkụsime ḅọ ḅe chịnmẹ Kuḅie se ḅụgbana gbẹịn ḅọ pịkị Kọkọmaḅọ, karakaraye ḅụ mị ọ̀ ḅẹrẹkọnkọnye-ẹ, se pịkị ọmụ gbingbinye-ẹ.