Aịzaya 26:3 - Kịrịkẹnị Baịbụl

³ Ị́rị́, Nyanaḅọ Ḅe, iḅi deinma seni iniaye mịẹḅụ kụrọmachịẹ apụma na, pịkịna kuḅie seni ị́ ḅụgbana apụma na pịrị.

Aịzaya 26:3 Iomraidhean Croise

1 Amanyanapụ Sịkị Mịẹaye Ma 5:20

Ini kuḅie seni Tamụnọ Ḅe ḅụgbana se ọ̀ tẹkẹmẹ na ọ̀ ḅarachụa ini pịrị. Tamụnọ Ḅe pịkị inia tẹkẹma pẹkẹrẹmẹ, se ọmụḅaraiḅi seni ini pịrịmẹ, Hagraị apụma na pịkị ḅarachụa ini pịrị sẹma na ḅụ.

2 Amanyanapụ Sịkị Mịẹaye Ma 13:18

Anịẹrẹchị Juda apụma ọmụḅaraiḅi nyanamẹ Izrẹlapụma ḅụ, anịatịḅị ini Nyanaḅọ Ḅe ḅụ sẹrẹrẹmẹ, inia olomuḍapụ ma Tamụnọ Ḅe.

2 Amanyanapụ Sịkị Mịẹaye Ma 16:8

Sudan apụma na Libya apụma na, ini kọkọ ḅakama owuni na owuni kporokporo na pịkị asụn ọgọnọ owuni nyana ḅakama? Ọkụma ị́ Nyanaḅọ Ḅe ḅụ sẹrẹrẹmẹ gose, ori anị mịẹ sarasarama ị́ pịrịmẹ se ini nẹngịmamẹ.

Fịafịa Nime 119:165

Ị́ya oloko mị ḅẹlẹma apụma ini jokoma ḅọị nyọ nyanamẹ, pịkị mịẹse ini ḅịkịḅịaye ngịsị ofori-ẹ.

Fịafịa Nime 125:1

Kuḅie se Nyanaḅọ Ḅe ḅụgbana apụma ini Zaịyọn Tụndụ mị sime ọkụ simemẹ, anị ini ineda jike ẹka pịkị ineda sin ẹka ye mị.

Fịafịa Nime 9:10

Nyanaḅọ, ị́ nemi apụma ini kuḅie se ị́ ḅụ gbanaḅịa; ị́ damaḅo se ị́ sarakoromasa gbọrịḅọsọ ofori-ẹ.

Aịzaya 12:2

Tamụnọ Ḅe anị ị̀ ḍụaḅọ-ẹ; à kuḅie se ọ̀ ḅụgbanaḅịa, se à ḅarị ḅalafa ẹkẹ. Nyanaḅọ Ḅe ọ̀ kụrọ na ịnyọ na se ị̀ pịrịmẹ; ori anị ị̀ ḍụaḅọ-ẹ.

Aịzaya 26:12

Mịẹaye ḅarasọ ị́ nwọ seni wa pịrịḅịa, Nyanaḅọ; wa nyanaye goyegoye ị́ya fịrịma ḍiepakụmamẹ.

Aịzaya 27:5

Ọkụma ị̀ya tomonima na tarakapụma ḅimẹ na àrị agbọ sọ ini pịrị-ẹ nwọ ḅẹḅẹ, ye iniḅo ị̀rị̀ na deinma mịẹ. Iin ye iniḅo ị̀rị̀ na deinma mịẹ.”

Aịzaya 31:1

Nwọ Ijipt mun se ḅarachụa ḅi apụma ini fasam! Ijipt owunima ḅe opu kụrọ ḅụ mị ini sẹrẹrẹarịye-ẹ—asụn ma na, owuni kporokporoma na, pịkị owunima ḅụ na. Ọkụma Izrẹl fịafịa Tamụnọ Ḅe ḅụ ini sẹrẹrẹkẹ, ini pịkị ọ̀ ḅụ ḅarachụa ḅikẹ.

Aịzaya 32:17

Anịatịḅị tomoniḅọ goyegoye karakaraye mị mịẹḅịa, deinma na, ḅalafamaye ofori na sime gbasoḅịa.

Aịzaya 32:18

Tamụnọ-a tomonima inia ḅụfụkamaḅịaye ofori-ẹ, inia warị pịkị deinḅụ ḅalafamaye oforika ḅụ simeḅịa.

Aịzaya 42:19

Tọrụmgbọlụ pụn ị̀ya fịrịnwẹngịḅọ ḅe nẹngịḅọ omi, iniki à se fịrịma oku nwẹngịḅọ ḅe nẹngịḅọ omi?

Aịzaya 42:6

“Ị̀rị̀, Nyanaḅọ Ḅe, ị́ chịn pịkị kụrọ se ị́ pịrịsam ị́ ḍọkịḅo ọrịḅịa na karakara ḅẹrẹkọn sẹkiri ḅie simemẹ. Ị́ ḅụ ḅụ à ḅọrọ sẹkiri ḅie tomoni mamgba na ọḅọkụ fịḅịa; ị́ ḅụ ḅụ à ḅọrọ enekuḅu se sẹma pịrịḅịa.

Aịzaya 48:2

Ọkụma opuayemịẹḅụ ọ́ ḅẹ aḅẹ na ómine fịafịa ama mị ḅie furo awọ-ẹ ọ́ pịkị Izrẹl Tamụnọ Ḅe ḅụ sẹrẹrẹmẹ, anị Kụrọmamgba Nyana ẹrẹ mị fị ḅọ ḅe.

Aịzaya 49:8

Nyanaḅọ Ḅe nwọse oria tomonima ḅẹmẹ, “Àrị ómine ḍụaḅịa sịkị mị lasa ḅẹḅẹ, à ḍikiḅụgerere nyana ọ́ pịrị se ọ́ kọn àrị owu ma ḅụ ḅarachụa ọ́ pịrịḅịa. Àrị ọ́ kpa pịkị ó ḍikiḍikiḅịa ọ́mịnaḅụ à pịkị ḅọrọ tomoni mamgba na ọḅọkụ fịḅịa. À pịkị gbọrị sịkị se ḅereni ọ́ pịrịḅịa ọ́mịna ama mịọkụ fasa ama mị ḅie ó dein nyana angaḅịa.

Aịzaya 50:1

Nyanaḅọ Ḅe nwọ ḅẹmẹ, “Ọ́ chịnḅara owuḅọ tarọ na soḅara à nwọse ị̀ya tomonima desin ḅe? Anịẹḅẹ-ọkụma à gịẹịn na wa kansam nwọḅẹ ḍiri pẹkẹrẹ ma nde àrị? Ọ́ chịnḅara tomoniḅọ oria awọ se omoni ḅara ḅụ dẹrị ọkụ à nwọse ó se ómine kunso apụma dẹrị? Ẹn-ẹn, ó kunḅara ḅie sọmẹ ọ́mịna sima gose; ini ó desinmẹ ọ́ mịẹ siaye ma gose.

Aịzaya 50:10

Ómine Nyanaḅọ Ḅe osi pịkị oria fịrịnwẹngịapụma ḍukoaye ma mịẹ, ọ́ nwẹngịarị ateli mị iḅiọkụma kanakanamẹ nwọḅẹsọ, ọkụma ó kuḅie se Nyanaḅọ Ḅe ḅụgbana, ị́ Tamụnọ Ḅe ḅụ sẹrẹrẹ.

Aịzaya 66:12

Nyanaḅọ Ḅe nwọ ḅẹmẹ, “Kuluma ẹka mịẹaye ḅara sọ à nwọse ḅo ọ́ pịrịḅịa; sẹma ḅe ngọma, samịna ẹka ideri mengi seri ọkụ àrị nwọse seri ḅo ọ́ pịrịḅịa. Nyengiḅọ kuḅie ndoarị tọkụ ọ́ nwọ kịkẹḅịa, anị nyengiḅọ ḅara ḅie deki tọkụ ḅẹlẹma ọkụ.

Jerimaya 39:18

Àrị ị́ kokoḅịa, ị́ pịkị fịḅie sọ ẹkẹ. Ị́ ḍumoḅịa anịatịḅị ị́ kuḅie se ị̀ ḅụgbanasam. Ị̀rị̀, Nyanaḅọ Ḅe, ḍukosam.”

Danịẹl 3:17

Nemikase wa tẹkẹarị Tamụnọ Ḅe opu kọrịarị fịnị mị ḅie na, pịkị ị́ya kụrọ mị ḅie na ineda wa ḍụapakụmaḅoḅịa ḅẹḅẹ, ori ineda ọkọse anị mịẹḅịa.

Danịẹl 3:28

Amanyanaḅọ ḅe nwọ ḅẹmẹ, “Shedrak ḅe na, Mishak ḅe na, Abẹdnego ḅe na Tamụnọ Ḅe ọ́ nwọ boma! Ori oria enjẹlḅọ ḅe fịrịmamẹ ḅo mịna fịrịnwẹngị ọ̀ pịrị, pịkị kuḅie se ọ̀ ḅụgbanapụ ma ḍụamẹ. Ini à pịrị kụrọ ma ḍukoaye mịẹkẹ se inia ḍumo mị pikima fị mị pịrịmẹ, se tịḅịtu jịn oru tẹkẹ ḍụkụkẹ, inia Tamụnọ Ḅe sikima.

Danịẹl 6:23

Amanyanaḅọ ḅe ori opuma ḅieḅẹlẹmẹ, se ọ̀ kụrọ pịrịmẹ na ini Danịẹl ḅe sinpakụmaḅo pokolo mị ḅie. Mịn ini ò sinpakụmaḅoye-ẹ, gbọrịye sọ ọ̀ laka ḅaraḅụ, anịatịḅị ò kuḅie se Tamụnọ Ḅe ḅụgbanamẹ.

Maịka 5:5

se ọ̀ pịkị dein ọkị ḅoḅịa. Asiriapụ ma, mịna sẹ ḅie sọ se ogbokiaye ma kantoluḅo wa laḅịa sịkị, wa mịna kụrọtẹịn tịḅịnịma se ini fịrịmaḅịa ini mun ini na sọḅịa.

Jọn Iḅi Ḅẹrẹ Mị 14:27

“Deinma à nwọse ọ́ pịrịmẹ, ị̀ya deinma à nwọse ọ́ pịrịmẹ. Tomonikiri mị pịrị ọkụ à nwọse anị se ọ́ pịrịkẹ. Ọ́ ḅụḅalaḅala nyana ma, ó kuḅie pịkị lọkọma, ọ́ ḅalafama.

Jọn Iḅi Ḅẹrẹ Mị 16:33

À mịn mị nwọ ḍuko ọ́ pịrịsam, mịẹse ó deinma nyanaḅịa ḅara ị̀rị̀ na gboloma gbọrịye mịẹ mị ḅụ. Tomonikiri mị mịẹse ọ́ tọrụsiọrịḅịa. Ọkụma ọ́ kụrọ kuḅie nyana! À tomonikiri mị nẹngịmasam!”

Romapụ 5:1

Mịọkụ ḅereni ḅụ ini wa se Tamụnọ Ḅe na deinma mịẹsam wa Nyanaḅọ Jizọs Kraịst Ḅe ḅụ.

Filipaị 4:7

Se Tamụnọ deinma mị iḅi ḅara nwọse tomoniḅọ yekaịnḅo nẹngịye mị, ọ́mịna kuḅiemgbọlụma na koromama na nwọ kokoḅịa ye ọ́ laka ḅụ Kraịst Jizọs Ḅe na gbọrịye mịẹ ḅụ.