Aịzaya 21:8 - Kịrịkẹnị Baịbụl

⁸ Nyọ koru owuniḅọ ḅe, oloku se nwọ ḅẹmẹ, “Ị̀ nyanaḅọ, ḍin-na-enekaka na ḅụ, à chịẹ nyọ korukoru nyọ mị ḅụ à chịẹ nyọ mị korumẹ.”

Aịzaya 21:8 Iomraidhean Croise

2 Amanyanapụ Sịkị Mịẹaye Ma 20:24

Juda owukụlọ mị mun onwun ele ḅie sime gbọrị sokopi warị la se anị tanjị ḅie sọ tarakapụma ḍikiọkụma, ini ọrịmẹ na inimgba kiri ọgọnọ fịsara waraḅẹ. Gbọrịḅọ sọ sokẹ.

Fịafịa Nime 127:1

Nyanaḅọ Ḅe nemikase warị mị namaka ọkụma, warị nama apụma inia fịrịma yeḅụ ofori-ẹ; Nyanaḅọ Ḅe nemikase opuama mị ḍikiḍikika ọkụma, nyọ koruapụma ini papa koru mẹ.

Fịafịa Nime 63:6

À mọnọye ọgọnọ ḅọlọlọ sịkị, àrị ị́ se ḅiekoromamẹ; ḍin ḅie mgba àrị ị́ya koroma kọnmẹ,

Aịzaya 5:29

Owuni ma ekerearị ọkụ anị chịrịḅa namama, nama ḅaa seni deki mun gbọrịḅọ sọnị arịa ḅara namama ọkịso ẹka nyọḅụ koroma seni ekerea ekerea ọkụ anị ini ekerearị ọkụ-ẹ.

Aịzaya 56:10

Ọ̀ nwọ ḅẹmẹ, “Ị̀ya tomonima inia ḅeri jine gbẹịn ḅara sime tịḅịnị mamgba tọrụmgbọlụ pụn apụ-ẹ! Gbọrịye sọ ini nemikẹ. Oloku-olokuka nyọ koru obiri sime ọkụ anị ini sime ọkụ-ẹ—ini papa ḅọlọlọ mọnọ se ḍawọḍawọmẹ. Ini opuma mọnọ ḅẹlẹmamẹ!

Aịzaya 62:6

Jerusalẹm, ị́ya onu ma ọgọnọ à nyọ koru owuni se koromasam; Ḍin na enekaka na ḅụ ngịsị ini yawụma sime ẹkẹ. Nyanaḅọ Ḅe ḅereniaye ma ini nwọse ò ḅiekoromaḅịa Se ini pịkị ḅereni ọ̀ pịrị ẹkẹ ori àrị se ḅieḅarama.

Jerimaya 25:38

Nyanaḅọ Ḅe, ori oria tomonima sarakoromasam, chịrịḅa ḅe oria pokolo ḅie so ọkụ. Owu sịkị ḅalafamaye na Nyanaḅọ Ḅe kụrọ ịganị na sẹ mị pịkịḅo onwun ele mịẹsam.

Jerimaya 4:7

Chịrịḅa ḅe oria ḅọị nyọ ḅụ pakaḅo ọkụ, sẹ kanḅọ pakaḅosam. Ò ḅo Juda kan-ẹḅoaḅẹ. Juda ḅie opuamama kan kọsịḅịa, se gbọrịḅọ sọ ḅarị arịa ḅie anga ẹkẹ.

Jerimaya 49:19

Chịrịḅa Jọdan Tọrụ aka opu piriḅie kan pakaḅo osuein ele la-ọkụ mị, à pakaḅo Idọm apụma mịẹse ini inia ama wẹrịso mangịḅịa ọkụ-ẹ ḅụnemika ḅụ. Anịsịkị à sẹlẹ tịḅịnịḅọ mị ḅo sẹ mị ḍikiḍikiḅịaye-ẹ. Tụḅọ ini nwọse ị̀ otoma ḅe? Tụḅọ ḅiekpọma ị̀rị̀na-pikia ḅe? Nde tịḅịnịḅọ ị̀rị̀ na tụḅụrụ ḅe?

Jerimaya 50:44

“Jọdan tọrụ aka opu piriḅie kanpakaḅo osuein ḅie sọ chịrịḅa ḅe ọkụ, mị Ị̀rị̀, Nyanaḅọ Ḅe, à pakaḅo Babilọn apụma mịẹḅịa se ini ḅụnemika ḅụ, inia opuama mị ḅie ḅụ mangị sọḅịa. Anịsịkị à sẹlẹ tịḅịnịḅọ ḅe sẹ mị ḍikiḍikiḅịa. Tụḅọ ini ineda nwọse ị̀ otomaḅe? Tụḅọ dana ị̀rị̀ na piki-a ḅe? Che ḅẹrẹtọnḅọ ị̀rị̀ na tụḅụrụḅe?

1 Pita 5:8

Sịkịmamgba, ḅụkarakarama, ó koru ḅụ sime! Ómine na taraka ḅọ ḅe, Oru ḅe, chịrịḅa oloku kelekele ọkụ, ọ̀ nwọse oloku kelekelema ḅọrọaḅẹ, se ọ̀ kanị pẹịḅịa ḅọ ḍọkịaḅẹ.