Aịzaya 21:5 - Kịrịkẹnị Baịbụl

⁵ Tẹmẹ ḅie ḅụ, ini alalị fịaye karakarama koromamẹ; igoniapụma simeḅịa ẹrẹchị, ini iku kiri-gbẹịnye anya koroma ini pịrịmẹ ini simeḅịa ẹrẹchị. Ini fịaḅẹ, ini pịkị ḅuaḅẹ. Bẹkẹma ḅaraḅụ, kụrọpịrị oloku pụkọ fie pakasam: “Owunitịḅịnị ómine ọ́mịna agbọ ma karakarama wẹrị!”

Aịzaya 21:5 Iomraidhean Croise

2 Samụẹl 1:21

“Ye ene anịkanịka ijiriji ngịsị koroma Gilboa chịngịma ọgọnọ ḅụ; ḍumo nyanaye sọnị anịa chuku pakaḅoma gbaso! Anịatịḅị kụrọnị ma inia agbọ ma anịju sara sime waraḅẹ ḅụgererema ḅaraḅụ; Sọl ḅe oria agbọ mị ini ḅarị pulo se anị tan ẹkẹ.

Aịzaya 13:2

Gbọrị chịn sọ nyanaka gbọrị chịngị ọgọnọ, owuni ịkpata mị dekichịẹma! Oloku owunima pịrị se ị́ ḅara dekichịẹma elekima ḅaraḅụ ini da, na ini owu se opuaye mịẹmịẹ opuama mị onu ma paka.

Jerimaya 46:3

“Ijipt owuni tịḅịnịma olokumẹ, ‘Ómine ọ́mịna agbọ ma karakarama se paka mun ọmụ ḅie sọ!

Jerimaya 51:11

Nyanaḅọ Ḅe ò Midia amanyanapụma jike-sịsẹmasam anịatịḅị ọ̀ tọnmẹ ọ̀ Babilọn mị kanḅịa. Anị ḅaraḅụ anị ọ̀ ḅara-wẹrịma ini kan oria Oputẹkẹwarị mị tịḅị-so-owu ḅiḅịa ọkụ-ẹ. Owusọarị tịḅịnịma tọnmẹ, “Ọ́ ḍẹịn ma farị! Ọ́mịna agbọ ma ọ́ nwọ karakarama!

Jerimaya 51:39

Ini opu fịye ḍọkị? Àrị alalị fịye koroma ini pịrịḅịa se àrị ini mịẹḅịa ini iruḅu tọrụḅaama se ḅieḅẹlẹḅịa. Ini mun mọnọ se ḅarị sịsẹ ẹkẹ.

Jerimaya 51:57

À mịẹḅịa anịa ḅẹrẹtọn apụma iru inia tọrụ sọ— nemi nyana owuapụ, tịḅịnị na, owuni na. Ini mun mọnọḅịa se ḅarị sịsẹ ẹkẹ. Ị̀rị̀, amanyanaḅọ ḅe, ḍukosam; Ị̀rị̀, anị Kụrọmamgba Nyanaḅọ Ḅe-ẹ.

1 Kọrịntapụ 15:32

Ye sime ḅara ḅụ, à mịọ Ẹfịsọsị “owoi-a namama” na owusọmẹ nwọ ḅẹ ọkụma tomoni ọkwẹịn ọkwẹịn ḅara ḅụ che sọye à nwọ nyana ḅo? Ọkụma fịapụma sịsẹ se ḍumo ẹkẹ ḅẹḅẹ, ini ḍuko ḍuko ḅara ḅụ, “Ye wa anịọkụma fị se pịkị ḅu, anịatịḅị ḅa wa fịḅịa.”