Aịzaya 21:3 - Kịrịkẹnị Baịbụl

³ Tẹmẹ ḅie ḅụ, àrị ọrịye na, à naaye na, mịẹse ḅalafa na ḅụakụ na ị̀ ḅie ḅeinmẹ, tọkụ yiḅịa ẹrẹchị jikearị eremeniḅọ ḅụakụ ọkụ simemẹ.

Aịzaya 21:3 Iomraidhean Croise

Fịafịa Nime 48:6

Anịanga kụrọ ḅalafa na tọrụsiọrị na ini lamẹ, anị tọkụ yiarị eremeniḅọ ḅụakụ ọkụ simemẹ,

Aịzaya 13:8

Nwenimgba ḅalafaḅịa, iniaḅụ pịkị opuma ọyịḅịa, yiarị eremeniḅọ ḅụ ọyị ọkụ. Ḅalafaḅụ ini jụmḅọ jụmḅọ tọrụḍikiḅịa, ḅụgerere pịkị inia tọrụ sọḅịa.

Aịzaya 15:5

Ị̀ kuḅie Moab mị gose owumẹ! Tomonima ini mangịso Zoa ama mị na Ẹglat Shẹlishiya mị na munsam. Dapụ Luhit ama ateli mị kpọlịmẹ, ini mun-arị sịkị ini owuaḅẹ; dapụ mangịso Horoneim mun mẹ se kururu oloku kọn aḅẹ.

Aịzaya 16:11

Moab mị gose ngịrịḅụ ị̀ ḅie fiemẹ, à pịkị gbunma ngịrịmẹ Kị Hirẹs mị gose.

Aịzaya 16:9

Mịọkụ, Jiza mị gose àrị owu ọkụ anị à pịkị Sibma irumịẹ chịnmgbọlụ ozuma gose owu ọkụ-ẹ. Hẹshbọn na Ẹliele na gose àrị owu mengi saramẹ, anịatịḅị fịaye soku sịkị ḅụ, tomonima ini soku se inia ḅieḅẹlẹmaḅịaye ḅarị ofori-ẹ.

Aịzaya 26:17

Ị́rị́, Nyanaḅọ Ḅe, mịẹ seni wa owupakụmamẹ, yiarị eremeniḅọ ḅụakụ ḅụ owupakụma ọkụ.

Jerimaya 4:19

Ḅụakụ mị! Àrị ineda ḅụakụ mị inemakẹ! Ị̀ kuḅie! Ị̀ kuḅie anị siḅara se kpimkpim ma fieaḅẹ! Àrị ineda deinma sime ẹkẹ; Àrị oḍu ma ḅie na owuni paịn-a tịḅịḅie ma na naa aḅẹ.

Jerimaya 48:41

se amama na ọmụ-a warịma na ini kụrọ ḅarase ọkịḅịa. Anị ene Moab owunima, yi jikearị eremeniḅọ ḅalafa ọkụ se ḅalafaḅịa.

Jerimaya 49:22

Tarakaḅọ ḅe, igo pamba finji ọkụ se koro Bozra mị gbẹịnmachịẹḅịa. Anị ene Idọm owunima, yi jikearị eremeniḅọ ḅalafa ọkụ se ḅalafaḅịa.”

Jerimaya 50:43

Babilọn amanyanaḅọ ḅe ḅẹrẹ ma ọ̀ naamẹ, ọ̀ ḅarama kẹkụmẹ. Opu ḅalafa oria oju ḅaamẹ, ọ̀ ḅalafamẹ yi jike àrị eremeniḅọ ḅara.

Jerimaya 6:24

“Ḍukoaye ma wa naasam,” Jerusalẹm-a tomonima ọkọ ḅẹmẹ, “Se mịna ḅarama kẹkụmẹ, opu ḅalafa na ḅụakụ na wa gbẹịnmachịẹsam, yi-na-jike-arị eremeniḅọ ḅara.

Habakọk 3:16

À maye mamgba naamẹ, se ị̀ ḅụ geregeremẹ; ị̀ ḅịpị-a pẹkẹrẹ ma ḅalafa ḅụ geregeremẹ. Ị̀ya oju mị oḅokumẹ, se ị̀ ḅụọma geregeremẹ. À deinma sime sịkị mị koruḅịa Tamụnọ Ḅe ḅụfụka se owu se wa pakapụ ma pịrịḅịa sịkị mị.

Jọn Iḅi Ḅẹrẹ Mị 16:21

Eremeniḅọ tọkụ yiḅịa sịkị á kururuḅịa, anịatịḅị árịa tọrụsiọrị sịkị mị lasam, ọkụma á tọkụ mị yi koromasa ḅẹḅẹ, árịa tọrụsiọrị mị á se ḅieḅaramasam, anịatịḅị á ḅieḅẹlẹmẹ na árị ịwọ tọkụ yi tomonikiri mị ḅie koromasam.

Maịnkarama Oloko 28:67

Dede ḅie ḅụ, ọ́ nwọḅẹḅịa, ‘Mịn ḅọrọ saso ọkụma!’ Ọ́ pịkị saso ḅiriḅụ nwọḅẹḅịa, ‘Mịn ḅọrọ dede ọkụma!’ Pịkị ómine ọrịye ọrịye ọ́ ḅalafamaḅịa.

1 Tẹsalonịka 5:3

Tomoni nwọ ḅẹḅịa na, “Yegoyegoye dein se pịkị iḅi waraḅẹ,” nwọ ḅẹ sịkị anị bẹkẹma ḅụfụka ḅo inia ọgọnọ gbanaḅịaye-ẹ! Yi palịma simekọn eremeniḅọ jike ọkụ, inia ḅie pọkọsoḅịa ḅọ ofori-ẹ.