Aịzaya 21:2 - Kịrịkẹnị Baịbụl

² Mịẹḅịaye simeḅịa siye ḅe ịkịan à nwọ ọrịmẹ, anị ịbafị na yeguluguluma na, ḅe ịkịan. Ilam owuni, ómine owu paka! Midia owuni, ómine opuamama ḍẹkịkelema! Babilọn mị mịẹse tomonima tọrụsiọrịaye ma, Tamụnọ Ḅe ọ̀ mịẹse àrị kunoḅịa.

Aịzaya 21:2 Iomraidhean Croise

Chukusakị 10:22

Shẹm owuapụ awọ—Ilam, Ashọ, Apakshad, Lọd pịkị Eram ḅe na—ini anị inia ḅieju-aḍapụma ẹrẹ ma fịapụ ma-ẹ.

2 Amanyanapụ 17:6

anị Hosia ḅe amada esenie-a karama kụra mị anị Asiriapụ sẹdaḅọ ḅe Sameria mị ọkịye-ẹ ọmụ ḅie. Ori Izrẹlapụma kun so Asiria mun mẹ ikoliapụ ḅaraḅụ, se inia ḅie dapụ seni Hela opuama mị ḅie koromamẹ, ọ̀ dapụ seni Habọ Tọrụ mị na kpekima koromamẹ Gozan pẹkẹrẹ mị ḅụ, ọ̀ pịkị dapụ seni Midia apụ opuamama ḅieḅụ koromamẹ.

Fịafịa Nime 119:158

Ịbafịapụma à nwọ ọrị sịkị, ị̀ kuḅie simẹ, anịatịḅị ini ị́ya olokoma ọlọkẹ.

Fịafịa Nime 12:5

“Ọkụma mịọkụ à ḅoḅịa,” Nyanaḅọ Ḅe ọkọḅẹmẹ, “anịatịḅị ini yenyanakapụ ma pụndaḅẹ pịkịna ini ḅẹrẹ se pụnụmarị apụma ḅụakụ ḅụ ḅiedeaḅẹ. Ini ḅi àrị ḅọị nyọ mị àrị ini pịrịḅịa.”

Fịafịa Nime 25:3

Kuḅie se ị́ ḅụgbanapụ ma ini ini nẹngịma-nẹngịmakẹ, ọkụma anị sime kọngọ kụrọma se ị́rị́na-tụḅụrụ apụma pịrịmẹ.

Fịafịa Nime 60:3

Ị́ mịẹse ị́ya tomonima opuma tọrụsiọrịmẹ; wa iru ḅuapụ ḅara se jiajiama ḅọrọmẹ.

Fịafịa Nime 79:11

Ikoliapụ ma ḅie fiearị ọkụ mị poki, se ị́ya opu kụrọḅụ ini ḅaa-ḅẹrẹsi kọn pịrịsa apụma ọkịpakụmaḅo.

Kaḅo Ma 13:15

Yenemi mị anị osi chịn ḅoḅomẹ, ọkụma kuḅie se ḅụgbana gbẹịnka apụma fa ateli mị ḅie ini omi-ẹ.

Aịzaya 11:11

Anị ene mị ḅo laḅịa sịkị, Nyanaḅọ Ḅe, ọ̀ pịkịna gbọrị sịkị nwọse oria kụrọ mị seni Asiria ḅie na Ijipt ḅie na pịkị Patrus amama, Itiopia, Ilam, Babilọn na pịkị Hamat na ḅie kọn apụma na tọrụaka amama na pịkị tọrụ ma ḅie chọ ma ḅie kọn oria tomonima ọkị pịkịma ama ḅoḅịa.

Aịzaya 14:4

Ọ̀ mịn mị mịẹsa ḅẹḅẹ ini kpụwaị seni Babilọn amanyanaḅọ ḅe ḅẹ se nwọḅẹḅịa: “Siaye seni jịn apụ mịẹmịẹ amanyanaḅọ ḅe ọ̀ ḅịkịsam! Ọ̀ pịkịna ḅarị ngịsị gbọrịḅọ sọnị pụnụma ẹkẹ!

Aịzaya 14:7

Mịọkụ, anịḅe kuluma, bebe tomonikiri mị mgba ḅieḅẹlẹ pịkị dein nyanaḅịa, tomoniḅọ goyegoye pịkị ḅieḅẹlẹ se nime chuḅịa.

Aịzaya 22:6

Ilam ama ḅie owuni asụn ọgọnọ ḅoaḅẹ, lubu na ḍẹịn na inia ḅara omi-ẹ. Kị ama mị ḅie owuni inia agbọ ma na ḅụkarakarama waraḅẹ.

Aịzaya 24:16

Tomonikiri mị ḅie ḅọlọtẹịn anyọ ma ḅụ sime a sẹma se Izrẹl karakara sẹ mị bomaḅịa nime wa nwọ naaḅịa. Ọkụma à seni kuḅiekụrọmaye ofori-ẹ! À papa fịfaḅẹ! Ịbafịapụ pa ịbafịaḅẹ! Ini kọn àrị iruo ma pa sitẹịnma mun aḅẹ.

Aịzaya 33:1

Mine na tarakapụma ini fasam! Ini furu pịkị ịba fịsam, gbọrịḅọ sọ ma ini furu anịkanịka ini se ịba fịkẹ nwọḅẹ sọnị. Ọkụma inia furu mị na ịba fị mị na kulumaḅịa, inina-mịnaḅụ-na ini ḅo jịn apụ ini furuḅịa ḅụfụka ḅie sọḅịa.

Aịzaya 35:10

Nyanaḅọ Ḅe ọ̀ ḍụaḅọrọmasa apụma ini ḅieḅẹlẹ nime chu pịkịma soḅịa, ini Jerusalẹm ḅie sọḅịa nime chu ḅieḅẹlẹ na oloku ḅụ na. Inia ḅieḅẹlẹ mị sime gbasoḅịa, ngịrị na ḅụakụ na ḅarị ngịsị iniaḅụ kụrọ nyanaka gbasoḅịa.

Aịzaya 47:6

Àrị ịganị nyana ị̀ya tomonima pịrịmẹ; ini ḅarị ị̀ya tomonika ḅara à nwọse ini na angamẹ: Àrị ini se ị́ ḅara dẹrịmẹ, ị́ ḍikitịḅịfoin nyana ini pịrịkẹ olomu apụma sọnị ị́ kụrọḅara se ini na angamẹ.

Jerimaya 31:20

“Izrẹl, ị́rị́ anị ị̀ ḅụ yelatẹịn tọkụ ḅe-ẹ, à ḅẹlẹmatẹịn tọkụ. Àrị ị́ya ẹrẹ go sịkị go sịkị, ḅẹlẹma ḅụ àrị ị́ se ḅiekoromamẹ. Ị̀ kuḅie paka ị́ damaḅomẹ; à ḍikiḅụgerere nyanaḅịa.

Jerimaya 31:25

Ḅụlọkọ apụma, àrị ini mịẹ-ịwọmaḅịa, à pịkị ḅuru pụkọtarị ḅụ oju lọkọsapụ ma mịẹḅịa fịye ini na karaḅịa.

Jerimaya 45:3

ị́ ḍuko aḅẹ, Ịyi-a! ‘À fasam! Nyanaḅọ Ḅe ò kururu se ị̀ya ḅụfụka ma ḅụ chụasam. Ị̀ya oju wọrọsosam ma kuḅie-deinka ma ḅie, à pịkị ịnyọsara nyanakẹ!’

Jerimaya 49:34

Zẹdẹkaya ḅe ḅo Juda ama nyana ḅọrọ, ma ḅọlọka simeogbo mị Kụrọmamgba Nyanaḅọ Ḅe, ọkwẹịn ị̀ pịrịye-ẹ Ilam mị gbolomaye ḅụ.

Jerimaya 49:35

Ori ọkọ ḅẹmẹ, “Ilam mị mịẹkụrọma lubu owuni mamgba, àrị ini ḅaaḅịa.

Jerimaya 50:14

“Ḍẹịn-tẹịn-tẹịn-owuapụ, ọ́ sụngụma chịẹ, Babilọn na dama pịkị anị kelema. Ọ́mịna lubu mamgba ó se Babilọn da tẹịn anịatịḅị ini Ị̀rị̀, Nyanaḅọ Ḅe ḅụ si mịẹsam.

Jerimaya 50:34

Ọkụma ini ḍụaḅịaḅọ ḅe ọ̀ kụrọmẹ oria ẹrẹ anị Kụrọmamgba Nyanaḅọ. Ori na mịnaḅụ na inia ḅụfụka da ọkị se dein ọkị tomonikiri ḅo ḅịa, ọkụma tọrụsiọrị sime Babilọn apụma pịrị.”

Jerimaya 51:11

Nyanaḅọ Ḅe ò Midia amanyanapụma jike-sịsẹmasam anịatịḅị ọ̀ tọnmẹ ọ̀ Babilọn mị kanḅịa. Anị ḅaraḅụ anị ọ̀ ḅara-wẹrịma ini kan oria Oputẹkẹwarị mị tịḅị-so-owu ḅiḅịa ọkụ-ẹ. Owusọarị tịḅịnịma tọnmẹ, “Ọ́ ḍẹịn ma farị! Ọ́mịna agbọ ma ọ́ nwọ karakarama!

Jerimaya 51:44

À fomuḅara se Bẹl, Babilọn oru ḅe pịrịḅịa, se àrị ọ̀ mịẹḅịa ò furu ngọma ọ̀ nwọ pakụmaḅoḅịa, sẹma ḅarị ngịsị ọ̀ tẹkẹ ẹkẹ. “Babilọn onu-agbagba ma ḅịkịsam.

Jerimaya 51:53

Babilọn mị nemikase tanjị mun soḅie kụrọ owuni warị nama sọ, à pa pịkị tomoni se sẹịnḅịa ini mun anị kan. Ị̀rị̀, Nyanaḅọ Ḅe, ḍukosam.”

Kururu Ma 1:22

“Ḅẹrẹsi kọn ini pịrị inia si-a-tịḅị mamgba gose; Fomuḅara se ini pịrị, ị̀ya sima gose ị́ fomuḅara se ị̀ pịrị ọkụ mị. À ḅụḅalaḅala ḅụ ḅiefiemẹ, à pịkịna kuḅie ḅụ obimẹ.”

Danịẹl 5:28

Parẹs, ị́ya amanyanakiri mị ini anị ḍiama Midi sẹ mị na Pesia sẹ mị na pịrịsam.”

Danịẹl 5:9

Kuḅie si ḅụ Amanyanaḅọ Bẹlshaza ḅe ọ̀ tọrụ opuma ḍinmamẹ, se oria tọrụ paka owuapụma ḅarị ini mịẹḅịa ọkụ nemikẹ.

Danịẹl 8:2

Tẹmẹ ḅụ Ilam ẹkẹpụ mị ḅie ini onuma-nama-kelema Susa opuama mị ḅie mị àrị ị́ ḅụ ọrịye-ẹ. Yulaị tọrụ aka ḅụ à chịẹ wara aḅẹ,

Danịẹl 8:20

“Ị́ ọrị mama ịvalị nyana ajirima ḅe, anị Midia na Pesia na amanyanakiri ma-ẹ.

Ḍieḅelema Yema 13:10

Ini kunḅịa ḅọ goyegoye, gbarịmaka ḅara ḅụ ini iniḅọ kunḅịa; ini agiji se ḅaaḅịa ḅọ goyegoye, gbarịmaka ḅara ḅụ iniḅọ agiji fị nwọ kọnḅịa. Mịn mị ḅimẹ na Tamụnọ-a tomonima ini inema na ḅereni na nwọ nyana, pịkị kuḅie se ḅụgbana gbẹịn ḅara nwọ sime.”

1 Samụẹl 24:13

Sẹnịapụ ma ḍukoye mị ị́ nemimẹ, ‘Si apụma kẹngẹ anị siye mịẹmịẹye-ẹ.’ Anịẹrẹchị à ye se ị́ lama ẹkẹ.