Aịzaya 21:1 - Kịrịkẹnị Baịbụl

¹ Mịn mị anị Babilọn mị na gboloma oku-ẹ. Ajisaka-fọrụ fie piri ele mị ḅie saḅa ḅọrọ ọkụ, anị ama kanguluguluma mị gbọrị ama ḅie ḅalafamaye se ḅoḅịa ọkụ-ẹ.

Aịzaya 21:1 Iomraidhean Croise

Job Ḍiri Mị 37:9

Irisi fọrụ ma chukuju ḅomẹ, se aka chiria oḅoku mị ọgọnọju ḅomẹ.

Aịzaya 13:1

Mịn anị Babilọn na gboloma oku-ẹ, Emọs ya Aịzaya ḅe Tamụnọ Ḅe ḅara daḅo oku.

Aịzaya 13:13

À mịẹḅịa so ma ḅụgeregereḅịa, anịsịkị sẹkiri mị jikeḅịa anị sime nyọḅụ, anị Ị̀rị̀ Kụrọmamgba Nyanaḅọ Ḅe, ị̀ya ịganị mị ḍiepakụmaḅịa ene ḅụ.

Aịzaya 14:1

Nyanaḅọ Ḅe, ọ̀ pịkị gbọrị sịkị nwọse oria tomoni Izrẹlapụma ḍikiḅụgerereḅịa, ọ̀ pịkịna ini sẹlẹ ọkịḅịa oria tomoni ḅaraḅụ. Ọ̀ mịẹḅịa ini inia ḅarakuḅu ama ḅie anga, jịn sẹ apụ pịkịna iniaḅụ sọ anịnyọ ini na angaḅịa.

Aịzaya 14:14

Ị́ nwọ ḅẹmẹ na ị́ tanjị soḅuno ma ọgọnọju ḅọrọmun Kụrọmamgba Nyanaḅọ Ḅe sime ọkụ simeḅịa.

Aịzaya 14:23

À Babilọn mị mịẹḅịa anịḅo ọpọtọkọ-ọpọtọkọ osuein kiri sọḅịa, se ikpikikpiki anịanga angaḅịa. Yegoyegoye àrị ọfịnsinḅịa, kiri-ọfịnye à nwọse Babilọn mị ọfịnsinḅịa. Ị̀rị̀ Kụrọmamgba Nyanaḅọ Ḅe ọkọ ḅẹmẹ.”

Aịzaya 17:1

Nyanaḅọ Ḅe nwọ ḅẹmẹ, “Damaskọs mị anị ḅarị ngịsị opuama sọ ẹkẹ; opu sara re mị anị sọḅịaye-ẹ.

Aịzaya 47:1

Nyanaḅọ Ḅe nwọ ḅẹmẹ, “Babilọn, ị́ya emine ọgọnọ koroḅo, kiri ọgọnọ fọn ma ḅie kpọnjị sime. Gbọrị-sịkị ḅụ ma owuḅọ nemika eremeni tọkụ sime ọkụ ị́ nwọ simemẹ, ọmụ ḅie ma ini inumaka opuama, ọkụma ị́ lọkọmẹ, ịnyọ pịkị ị́ ḅụ ofori-ẹ, ị́ ḅarị ọkọ sime ẹkẹ! Mịọkụ ị́ omoniḅọ sọsam!

Aịzaya 5:28

Inia ḍẹịn ma oḅumẹ, pịkị inia lubu ma tẹịnḅịa ẹrẹchị ini ḅụkarakaramamẹ. Inia asụnma ḅụọ-akpaka ma ḍụparị kụrọ ọkụ kụrọmẹ, pịkịna inia owuni kporokporo-a ḅụọma ajisaka fọrụ pịkịma pịkịma ḅọrọ ọkụ simemẹ.

Jerimaya 51:1

Nyanaḅọ Ḅe ọkọ ḅẹmẹ, “À yesima fọrụ ọkịḅo aḅẹ se Babilọn na anịa tomonima na dapaka.

Jerimaya 51:42

Tọrụ mị anị imbibile Babilọn ọgọnọ gbanasam se ịganịarị ambura anị gbẹịnsam.

Jerimaya 51:51

Ómine ọkọ ḅẹmẹ, ‘Ini mịna ḅụgereremasam se mịna tọrụ simasam; wa jokoma ḅarị ḅarachụa ḅọ nyanakẹ, anịatịḅị igoniapụ Oputẹkẹwarị ḅie osi nyana kirima ọkịsam.’

Izikịẹl 1:4

À tọrụdekichịẹma se kụrọ irisi fọrụ nwọ ọrịmẹ ọgọnọ ọrụ ḅụ ḅoaḅẹ. So alagba wakam ma ḅịa-aḅẹ kpiti soḅuno mị ḅie, anịsịkị anị kelema so mị ḅịaḅẹ. So alagba mị wakam ma ḅịa àrị nyọ ḅụ, alapẹlẹka ọkụ simeye ḅịaḅẹ.

Izikịẹl 30:11

Ori na oria ḍikitịḅịfoin nyanaka owunima na ini ḅo ama mị kansinḅịa. Okola agiji ini nwọse owu se Ijipt mị pakaḅịa, se ama mị ḅie fị ḍụẹịn ḅeinḅịa.

Izikịẹl 31:12

Ḍikitịḅịfoin nyanaka jịn sẹ apụ anị pẹlẹgbin se anị wẹrịsoḅịa. Anịa ịkpangị ma na anyị-a ḅarama na, sẹ mị ḅie sime tụndụ goyegoye ọgọnọ na pẹsịkiri goyegoye ḅie na àrị sokoro saraḅịa. Anịa chuku ḅie anga sime sẹ mamgba àrị soḅịa.

Izikịẹl 38:9

Ori na oria owunima na, pịkị ọ̀ ḅụ sọ sẹma na, irisi ḅara se owu mị pakaḅịa se soḅuno nyọ gbẹịn ọkụ ini nwọse ama mị gbẹịnḅịa.”

Danịẹl 11:40

“Siria amanyanaḅọ ḅe oria kuluma mị ḅo ọrụtọn sịkị, Ijipt amanyanaḅọ ḅe owu se ọ̀ pakaḅịa, Siria amanyanaḅọ ḅe pịkị oria ịnyọ mgba se ori na bịamaḅịa, oria kporokporoma na, asụnma na, pịkị tọn-a onwoin arụ na. Ori opu mengi seri ḅara se tọn ama gbẹịnmachịẹḅịa.

Zẹkaraịa 9:14

Nyanaḅọ Ḅe oria tomonima ọgọnọju ḅụ ọ̀ ḅụ ḍiepakụmaḅịa; ò so wakam ḅara se oria ḍẹịn ma tẹịnḅịa. Kụrọmamgba Nyanaḅọ Ḅe epelepe mị ofuroḅịa; se chukuju irisi ma ḅie ọ̀ kan toluḅịa.