Aịzaya 2:3 - Kịrịkẹnị Baịbụl

³ se anịa tomonima nwọ ḅẹḅịa, “Ó ye wa iwo Nyanaḅọ Ḅe chịngị mị damamun, Izrẹl Tamụnọ Ḅe Oputẹkẹwarị mị. Ọ̀ tọn se wa mịẹḅịaye ọ̀ nwọ seni wa telimaḅịa; ọ̀ sẹlẹsa ateli ma ḅie wa nwẹngịḅịa. Anịatịḅị Nyanaḅọ Ḅe oria telimaye ma Jerusalẹm ḅie ḅụ ḅomẹ; Zaịyọn ḅie ḅụ ọ̀ wẹrị ọkwẹịn oria tomonima pịrịmẹ.”

Aịzaya 2:3 Iomraidhean Croise

Ẹsta 9:27

Juapụma ini oloko chụa se inia ḅụma na, inia ọḅụju pakaḅoḅịapụma na pịkị, ḅo Juḅọ nwọ sọḅịaḅọ goyegoye pịrịmẹ na, kụra mị ḅie, mịn sịkị mị ḅo lasa ḅẹḅẹ, ini sịkịmamgba, mà mama enema ḅụ, Mọdẹkaya ḅe tọn ini pịrịayema nwọ mịẹḅịa.

Fịafịa Nime 102:23

Nyanaḅọ Ḅe ori ị̀ mịẹse ị̀ ḅụ ịnyọ fasam, à pa asẹ ḅụ simearịogbo; ori ị̀ ḍumo kpụlụmasam.

Fịafịa Nime 110:2

Zaịyọn ḅụ Nyanaḅọ Ḅe ori ị́ya amanyanaḅọ kụrọ mị ḍuko finjimaḅịa. “Ḅẹrẹtọn ị́rị́na-tarakapụ ma pịrị,” ọ̀ nwọ ḅẹmẹ.

Fịafịa Nime 119:171

À sịkịmamgba ị́ bomaḅịa, anịatịḅị ị́ya olokoma ị́ nwọse ị̀ telimamẹ.

Fịafịa Nime 122:1

Ị̀ ḅieḅẹlẹmẹ ini ị̀ ḅẹ sịkị na, “Ye wa so Nyanaḅọ Ḅe warị mun.”

Fịafịa Nime 48:1

Nyanaḅọ Ḅe opuḅọ-ẹ, ọ́ pịkị gele ḅarase ò boma fịafịa chịngịma ọgọnọ, mịna Tamụnọ Ḅe oria opuama mị ḅie.

Aịzaya 1:26

Ḅọlọsa sịkị ḅụ ị́ nyana ḅọrọsa tịḅịnịma na pịkịna yetetema tetema apụma na sime ọkụ sime apụ à nwọ seni ị́ pịrịḅịa. Anịsịkị ini nwọ seni Jerusalẹm mị chịnḅịa karakaraye mịẹmịẹ, pịkịna kuḅie-se-ḅụgbana gbẹịn iḅi ama.”

Aịzaya 11:10

Gbọrị ene ḅoaḅẹ, anị Devid amanyana ọrụ mị ḅụ ḅoḅịa ịwọ amanyanaḅọ ḅe ori elekima sọ se sẹma pịrịḅịa. Oria amanyanaḅọ opuama mị ḅie ini koḅirima osi seni ọ̀ pịrịḅịa.

Aịzaya 19:23

Anịsịkị mị ḅo laḅịa sịkị, Ijipt apụma na Asiria apụma na ogboku gbọrị gonogono opu ateli pakaḅịa. Mịna mama sẹma ḅie sime apụma ini ḅọrọ-a ḅọrọ-a nwẹngị ideri nwẹngị iwoḅịa, mama sẹma àrị pịkị gboloma tẹkẹtẹkẹḅịa.

Aịzaya 28:9

Ini ị̀ seni ḅẹrẹsuama ḅọrọmẹ. Ini nwọ ḅẹmẹ, “Oriḅọ ḅe ò ye seni tapụ telimaḅịa ọ̀ nwọ chịn? Oria oku ma tụḅọ ḅụ àrị mịẹkamịẹka ḅara sime-ao? Àrị iḅi mịkirikiri ndo-kụma awọmẹnị kẹngẹ pịrịmẹ.

Aịzaya 44:5

“Tomonima ḅie, gbọrịḅọ gbọrịḅọ ḅẹḅịa, ‘ị̀rị̀ à sime Nyanaḅọ Ḅe pịrịmẹ.’ Ini ḅo Izrẹlapụma ḅụ sọḅịa. Se ḅọḅọ Nyanaḅọ Ḅe ẹrẹ mị se ọ̀ ḅara kọngọ ḅụ elekima chụaḅịa anịsịkị ọ́ nwọse ọ́ ḅụ chịnḅịa Tamụnọ-a tomonima ḅie gbọrịḅọ.”

Aịzaya 56:5

ị́ya ẹrẹ mị Oputẹkẹwarị ḅie, ị̀ya tomonima ḅieḅụ ini anịse ḅiekoromatẹịn owuapụ awọ na eremeni awọ na nyana mị nẹngịḅịa. Ngịsị ini ị́ se ḅieḅarama ẹkẹ.”

Aịzaya 56:7

“Àrị ómine na Zaịyọn, ị̀ya osi nyana chịngị mị ḅoḅịa, ị̀ya tẹkẹwarị ḅie ḅieḅẹlẹ se ọ́ pịrị, pịkị ị̀ya agbamịẹ ẹbẹ ọgọnọ ọ́ mịẹḅịa agbama da ọkịḅịa. Ị̀ya Oputẹkẹwarị mị ini nwọse anị chịnḅịa sime sẹsẹ mamgba pịrị tẹkẹwarị.”

Aịzaya 60:3

Ini jịn à sẹ jine ị́ya enekuḅu ḅie chuḅịa, Pịkị amanyanapụ na ọkịḅo ị́ya ịwọma-ḅo-arị ene mị ḅie chuḅịa.

Aịzaya 65:11

“Ọkụma anị ọ́mịnaḅụ kịrịye sọḅịa, ómine ị̀ sịkị apụma, ómine Zaịyọn ị̀ya osi nyana chịngị mị se ye chịnka se mun Gadị na Mẹnị, anị iḅifụḅara oruma tẹkẹtẹkẹ apụma.

Aịzaya 66:20

Ini sẹma ḅie, ị́ juo Izrẹlapụ mamgba nwọ pịkịmaḅo ḍiepịrịye ḅaraḅụ ị̀ pịrịḅịa. Jerusalẹm ḅie, osi nyana ị̀ya chịngị mị ọgọnọ, ini ini se ḅo ị̀ pịrịḅịa, asụnma na yepụra asụn ma na ike-nambuloma na owuni-kporokporo ma na pịkị ikulele arụ ma na, ị́ ḅẹḅịa na Izrẹlapụ, fịayemgbọlụ se ini mịẹfịafịama sa ye kokoye, ngịsị ma pụlakaye ḅie chụa se Oputẹkẹwarị ḅie ḅo ḍiepịrịaye agbamịẹ-ẹḅoarị ọkụ simemẹ.

Jerimaya 12:16

Nemikase ini inia kuḅie mgba se ị̀ya tomonima tẹkẹḅara nwọ ọkị se yekarịfịḅịa ḅẹḅẹ, Nyanaḅọ Ḅe ḍumo wara sịkị, ini gbọrị sịkị ḅụ Beal karịfị ḅara se ị̀ya tomonima ḍie ọkụ mị—anịsịkị ini ị̀ya tomonima ḅụapụ sọḅịa, se lọkọlọkọ nyanaḅịa.

Jerimaya 26:18

“Hẹzekaya ḅe Juda amanyana sịkị, Morẹshẹt ḅie ḅo ịkịankoroḅọ, Maịka ḅe, ḍuko tomoni mamgba pịrịmẹ na, Kụrọmamgba Nyanaḅọ Ḅe ḍukosam, ‘Zaịyọn mị anị ozu kiri kịkẹḅịa se ini anị kọrịḅịa; Jerusalẹm mị anị ḅo kankọsị sara kiri sọḅịa, pịkị Oputẹkẹwarị chịngị mị anị opu piri sọḅịa.’

Jerimaya 31:6

Iin, sịkị ḅoaḅẹ, nyọkoruapụ Ifrem chịngịma ọgọnọ olokuḅịa, ‘Ó ye wa iwo Zaịyọn mun, Nyanaḅọ mịna Tamụnọ Ḅe damamun.’”

Izikịẹl 40:2

Tẹmẹ ḅie ḅụ, Tamụnọ Ḅe ori ị̀ se so Izrẹl ama mị mun mẹ, se ị̀ se gbọrị gele tụndụ ọgọnọ koromamẹ. Ị̀ tọrọkọ ini namasa warị kpo à nwọ ọrịmẹ, anị opuama kịkẹmẹ.

Hosia 3:5

Ọkụma sịkị mị ḅoḅịa, Izrẹlapụma pịkịma tọrụ se Nyanaḅọ, inia Tamụnọ Ḅe da pịkị Devid, inia amanyanaḅọ ḅe furo ḅie koroḅo ḅọ ḅe daḅịa. Anịsịkị mị ini Nyanaḅọ Ḅe ḍikiḅalafa se oria iḅi ḅẹlẹma ma ọkịḅịaye-ẹ.

Hosia 6:3

Ó ye wa ḅụkụrọma Nyanaḅọ Ḅe nemi. Ene gbarịmaka ḅaraḅụ ḅa-ọkụ, ene sịkị ene gbarịmaka ḅaraḅụ koro kiri sara ọkụ, anị gbarịmaka ḅaraḅụ ọ̀ wa damaḅoḅịa ọkụ-ẹ.”

Maịka 4:2

Anịsịkị sẹ ma ḅe tomonima nwọ ḅẹḅịa, “Ó ye wa Nyanaḅọ Ḅe chịngị tanjị, Izrẹl Tamụnọ Ḅe Oputẹkẹwarị mị. Anịatịḅị ori anị wa mịẹḅịaye se wa ḍieḅịaye-ẹ; ọ̀ sẹlẹ pakụmaḅo ateli ma ḅie anị wa nwẹngịḅịaye-ẹ. Anịatịḅị Nyanaḅọ Ḅe oria ḍieye mị Jerusalẹm anị ḅomẹ; Zaịyọn ḅie ọ̀ wẹrị ọkwẹịn oria tomonima pịrịmẹ.”

Matio 7:24

“Anịẹrẹchị mà, ị̀ya ọkwẹịnma na, se àrị ḍukoarịye mịẹḅọ goyegoye iniḅọ yenemiḅọ kịkẹmẹ, anị, iniḅọ warị nwọse ḍụparị ọgọnọ nama ḅọ ḅe-ẹ.

Luk Iḅi Ḅẹrẹ Mị 11:28

Ọkụma Jizọs Ḅe pẹkẹrẹmẹ, “Anịnakaraka, Tamụnọ ọkwẹịn mị naa, se anị ḍukoye mịẹapụma nyanaḅịa ḅieḅẹlẹ la-ọkụ ḍiki!”

Luk Iḅi Ḅẹrẹ Mị 24:47

na ini Oria ẹrẹ ḅụ siḅụ vinpịkị oku mị na siḅụ-ḅarasin pịrị mị na nwọ ḍuko sẹ mamgba pịrịḅịa, Jerusalẹm ḅie sakị.

Jọn Iḅi Ḅẹrẹ Mị 4:22

Ómine Sameriapụma kọkọma ḅara nwọse ọ́ tẹkẹarị ḅọ ḅe nemikẹ; ọkụma mine Juapụma wa tẹkẹarị ḅọ ḅe wa ò nemimẹ, anịatịḅị ḍụaḅọrọma mị Juapụma ḅụ anị wẹrị ḅomẹ.

Jọn Iḅi Ḅẹrẹ Mị 7:17

Ḅereni se Tamụnọ Ḅe ḅiye mịẹḅịa ḅọ goyegoye nemiḅịa, à ḍiearịye mị Tamụnọ Ḅe ḅara ḅo na, anịkanịka ị̀ ḅarakuḅu kụrọ ḅụ à wẹrị ọkwẹịn-etuḅo.

Okunwẹngịapụ 1:8

Ọkụma kụrọ ọ́ ḅụ ḅeinḅịa Fịafịa Tẹmẹ Ḅe ḅo ọ́mịna ọgọnọ gbanaḅịa sịkị, ó Jerusalẹm ḅie na, pịkị Judia ḅie mgba na, Sameria na ḅie ị̀ya onyechịẹapụ sọḅịa, pịkị ọkịmun tomonikiri mị ḅe kulumama la.”

Okunwẹngịapụ 10:33

Anị à gose kirikiri ị́ fịrịmaye-ẹ, ị́ ḅo ḅara iḅimẹ. Mịọkụ mine mgba Tamụnọ Ḅe tọrọkọ omi-ẹ, Nyanaḅọ Ḅe tọn ị́ pịrị na ḍuko-ẹ nwọ ḅẹye goyegoye nwọ pokiḅịa ẹrẹchị.”

Romapụ 10:18

Ọkụma à gbelamẹ, kọkọmaye ḅụ oku mị ini anị naaka? Anị sime ḅara—ini naamẹ fịafịa ḍiri mị ḍuko ḅara ḅụ: “Inia pụkọ fie mun bebe tomonikiri mị ḅie mgba kelemamẹ; inia ọkwẹịn ma ọkịmun sẹkiri mị ḅe kuluma nyọma sọ lamẹ.”

Maịnkarama Oloko 33:19

Inia tụndụ mị ḅụ ini igoniapụ chịn ḅomẹ Se karakara agbama nwọ mịẹmẹ anịju ḅụ. Tọrụogbo ḅụ ini inia ngọ kọnmẹ Pịkị tọrụ aka onwun ma ḅụ na.”

Maịnkarama Oloko 6:1

“Ma anị Nyanaḅọ ọ́mịna Tamụnọ Ḅe tọn ị̀ pịrị na à se ó telima nwọḅẹ oloko mamgba-ẹ. Ómine àrị koko ó mun sọ ọkị anga-ẹmun-arị ama mị ḅie.

Jems 1:25

Ọkụma tomoniḅọ mịẹse iniḅọ mịna ḅụ nyanarị karagbasị sa oloko mị kweinma nwọ ḍiki, pịkị tọrụse anịa ḅụ wẹrị ḅọ ḅe, anị papa poki se anị se ḅiekoromaka ḅọ ḅekẹ, ọkụma anị se mịẹmịẹye ḅụ chu ḅọ ḅe-ẹ—Tamụnọ Ḅe ọ́ ḅẹlẹmaḅịa oria mịẹmịẹaye ma ḅụ.