Aịzaya 18:3 - Kịrịkẹnị Baịbụl

³ Poki, ómine sẹkiri ḅie angaḅọ goyegoye! Tụndụ ma ọgọnọ ini dekichịẹma ḅịa ịkpata ḅe elekima ọ́ nwọ ḍiki! Ini ofuroḅịa oḍu mị ọ́ nwọ poki!

Aịzaya 18:3 Iomraidhean Croise

Fịafịa Nime 50:1

Kụrọmamgba Nyana Tamụnọ, Nyanaḅọ Ḅe ori ọkwẹịnmẹ; bebe tomonikiri mị ọ̀ nwọ chịnmẹ, ịrụapakapaka nyọ ọkịmun ịrụasọsọ la.

Aịzaya 1:2

Nyanaḅọ Ḅe nwọ ḅẹmẹ, “Sẹkiri na so na, à ḍukoarịye mị ọ́ nwọ poki! À ḍikiḍiki pakụmaḅo awọmẹnịma ini tụḅụrụ ị̀ dasam.

Aịzaya 11:12

Nyanaḅọ Ḅe, gbọrị ịkpata ọ̀ nwọ dekichịẹmaḅịa elekima ḅaraḅụ, se sẹma ḍie na, ọ̀ pịkị sẹkiri ḅie galagala oria tomoni Izrẹl na Juda apụma na koḅiriaḅẹ, sẹkiri inein-a ịkọlị ma ḅie, se ini seni pịkịma ama ḅoḅịa.

Aịzaya 13:2

Gbọrị chịn sọ nyanaka gbọrị chịngị ọgọnọ, owuni ịkpata mị dekichịẹma! Oloku owunima pịrị se ị́ ḅara dekichịẹma elekima ḅaraḅụ ini da, na ini owu se opuaye mịẹmịẹ opuama mị onu ma paka.

Aịzaya 13:4

Tụndụ ma ọgọnọ ịḅanị tịḅịḅie ma poki, opu tomoni ogbo ịḅanị tịḅịḅie sẹsẹ na, amanyanakiri ma na, koḅirimaḅẹ. Nyanaḅọ ọmụogbo mị tịḅịnịḅọ ḅe ori oria owunima karakarama ọmụ pịrịaḅẹ.

Aịzaya 26:11

Ị́rị́na-tarakapụ ma ị́ ḅụfụka seni ini pịrịḅịa ọkụ ini nemikẹ. Nyanaḅọ, ini seni ḅụgerere ḅie chu seni mịẹ ini tọrụsiọrị; mịẹ seni ini ị́ karakaramasa tọrụsiọrị mị da. Se ini ḍie ị́ya tomonima ị́ nwọ ḅẹlẹma la-ọkụ.

Aịzaya 31:9

Inia sẹ mị daḅọ ḅe ḅalafaḅụ ọ̀ mangịsoḅịa, anịsịkị fịrịtịḅịnị ma inia ḅalafa-so-ọkụma inia owuni ịkpata ma ini àrị koroma soḅịa.” Nyanaḅọ Ḅe nwọ ḅẹmẹ—Jerusalẹm ḅie ini tẹkẹtẹkẹḅọ ḅe, anị agbamịẹ nyọ ḅụ kọrịkọrị fịnị mị nyanaḅọ ḅe-ẹ.

Aịzaya 49:22

Kụrọmamgba Nyanaḅọ Ḅe nwọse oria tomonima ḅẹmẹ: “Àrị elekima mịẹ sẹsẹ ma sẹịnmaḅịa, se ini ị́ya awọma pịkịma ama ḅoḅịa.

Aịzaya 5:26

Nyanaḅọ Ḅe, ọ̀ ḅọlọju sẹ chịnḅoḅịa elekima nwọ pịrịmẹ. Ori ọfịọn ini pịrịmẹ, sẹkiri mị ḅie kuluma nyọma ḅụ ini ḅo. Ini pịkịna sịkị famaka ḅaraḅụ ḅomẹ!

Aịzaya 7:18

“Anịsịkị mị ḅoḅịa sịkị, Nyanaḅọ Ḅe ori ọfịọn ḅụ elekima seni Ijipt apụma pịrịḅịa se ini Naịl Tọrụ mị ḅụ ḅọlọtẹịn ịkpangị ma ḅieḅụ ọmụmụ kpo saraḅo ọkụ ḅoḅịa, Asiriapụ ma pịkịna inia ama ḅie tomoni tẹịntẹịn akama ma pakaḅo ọkụ pakaḅoḅịa.

Jerimaya 22:29

Yei kiri, kiri, kiri! Nyanaḅọ Ḅe ḍukoye poki:

Jerimaya 51:27

“Owupaka elekima mị pịrị! Oḍu mị ofuro mịẹso sịkị sẹma ineda naaḅịa ọkụ! Sẹ ma karakarama àrị Babilọn na owusọ! Ḍuko Ararat na, Mịnị na, pịkị Ashkẹnaz na amanyanakiri ma pịrị ini owu se anị paka. Fịrịnwẹngịḅọ tọn iniḅọ owukụlọda. Igurube ḅara nwọse asụnma ọkịḅo.

Maịka 1:2

Mịn mị naa, ómine sẹ mamgba; mịn mị poki, ómine tomonikiri ḅie anga apụ mamgba! Kụrọmamgba Nyanaḅọ Ḅe ori ọ́mịna ḅụaye ḍukoḅịa. Poki! Oria soḅie tẹkẹwarị mị ḅie ọ̀ wẹrị ọkwẹịn pakụma aḅẹ.

Maịka 6:2

Ómine tụndụma, ómine simegbamaso chukusẹkẹye tomonikiri mị ḅụ, ọ́ Nyanaḅọ Ḅe ḅẹrẹ mị poki! Nyanaḅọ Ḅe, ọ̀ ḅẹrẹ nyana oria tomonima pịrịmẹ. Ọ̀ ḅẹrẹ se Izrẹl tịḅị ọgọnọ gbana-ẹ mun aḅẹ.

Maịka 6:9

Nemi anịa ḅie omi-ẹ Nyanaḅọ Ḅe ḍikiḅalafa mị. Ori opuama mị chịn aḅẹ, “Ó poki ómine opuama mị ḅie koḅiriapụ ma!

Zẹkaraịa 9:14

Nyanaḅọ Ḅe oria tomonima ọgọnọju ḅụ ọ̀ ḅụ ḍiepakụmaḅịa; ò so wakam ḅara se oria ḍẹịn ma tẹịnḅịa. Kụrọmamgba Nyanaḅọ Ḅe epelepe mị ofuroḅịa; se chukuju irisi ma ḅie ọ̀ kan toluḅịa.

Matio 13:16

“Ọkụma, ọ́mịna tọrụmgbọlụma ḅẹlẹmasaye-ẹ, anịatịḅị àrị ye ọrịmẹ, ọ́mịna ḅerima pịkị ye naamẹ!

Matio 13:9

Kuluma mị ḅụ Jizọs Ḅe nwọ ḅẹmẹ, “Ị́ ḅeri nyanamẹ ḅẹḅẹ, poki.”