Aịzaya 18:2 - Kịrịkẹnị Baịbụl

² Anị ama mị ḅie ḅụ, ini osuein se mịẹ arụ ḅie anị sẹ tọrụḍinma opuapụ ḅụkụlọ ḅo Naịl tọrụ mị laye-ẹ. Ó vinpịkịso warị mun, ḅụọ sara okunwẹngịapụ! Ómine oku se mun ọ́mịna ama, mengi ma pupu sikima amama pịrị, ómine ịnyọ nyana pịkị kụrọ sẹ, nangwọ nangwọ, ojuma mọnị mọnị apụma, ómine anị bebe tomonikiri mị mgba ḍikiḅalafarị apụma.

Aịzaya 18:2 Iomraidhean Croise

2 Amanyanapụ Sịkị Mịẹaye Ma 14:9

Gbọrị Sudanḅọ, Zira nwọ chịnḅọ, owuni ḅụ sọnọ-a poku ofori poku-a sonioasi oyi fịnjị na, pịkị owuni kporokporoma ḅụ jieasi na ọ̀ nwọse owu seni Juda mị pakamẹ, ori ọkịmun Marẹsha lamẹ.

2 Amanyanapụ Sịkị Mịẹaye Ma 16:8

Sudan apụma na Libya apụma na, ini kọkọ ḅakama owuni na owuni kporokporo na pịkị asụn ọgọnọ owuni nyana ḅakama? Ọkụma ị́ Nyanaḅọ Ḅe ḅụ sẹrẹrẹmẹ gose, ori anị mịẹ sarasarama ị́ pịrịmẹ se ini nẹngịmamẹ.

Job Ḍiri Mị 9:26

Ị̀ ḍumo mị ḅọrọarị ḅara anị mangịtẹịn arụ kịkẹmẹ, igo vuma koroḅo ịsụn kun ọkụ.

Pakaso 2:3

Ọkụma á ḅarị ineda ò se ḅọịka sịkị, nangwọ nangwọ osuein se ḍori kana á nwọ ọkị, se chịn ḅụ pakaḅo ye oḅoloye seni anị sikiri pụnmamẹ, mịẹse mengi ḅie sọẹka ḅara. Á tọkụ ḅe seni anịa ḅie chụa se anị seni mun tọrụ aka sime nangwọ nangwọ osueinma ḅie koromamẹ.

Aịzaya 18:7

Kụrọmamgba Nyanaḅọ Ḅe, mengi ma pupu sikima amama ḅie, ò ḍiepịrịaye agba da ọkịḅịa sịkị ḅoaḅẹ. Mịn ịnyọ nyana pịkị kụrọ sẹ mị, mịna apụma nangwọ nangwọ, ojuma pịkị mọnị mọnị apụma, ini anị bebe tomonikiri mị mgba ḍikiḅalafarị apụma. Zaịyọn Tụndụ mị iniḅo laḅịa, anị Kụrọmamgba Nyanaḅọ Ḅe ini nwọ tẹkẹtẹkẹ nyọ mị.

Jerimaya 49:14

À ḅẹmẹ, “Idọm, à Nyanaḅọ Ḅe ḅara oku nyanaḅosam. Ori okunwẹngịḅọ fịrịmasam ḅo ḍuko sẹma pịrị ini inia owunima koḅiri se inia ḅụkarakarama se ḅo ị́ gbẹịnmachịẹ.

Izikịẹl 30:9

“Anị ene mị ḅo la se Ijipt mị kan ḅọrọsa ḅẹḅẹ, àrị onwoin arụ ḅie ḅụ, okunwẹngịapụ nwọse pakarịaye ma, nwọ nemika Itiopia apụma fịrịma se ini jike sịsẹmaḅịa. Inia ḅalafaḅịa. Anị ene mị anị ḅoaḅẹ!”

Obedaịa 1:1

Mị Obadaya ḅe koro ịkịan mị-ẹ—anị Kụrọmamgba Nyanaḅọ Ḅe Idọm sẹ mị ḅụ ḍukoaye-ẹ. Nyanaḅọ Ḅe ori oria oku nwẹngị ḅọ se sẹma fịrịmasam, se mine wa oria oku mị naasam: “Ḅụkarakarama! Ó ye wa ọmụ se Idọm mị paka!”

Habakọk 1:7

Ini ma anị nweni-a ḅalafama pịkị opuma yesimasima apụ-ẹ. Inia opuaye mịẹmịẹaye ḅụ inina-mịnaḅụ na anị pịkị oloko mị-ẹ.

Luk Iḅi Ḅẹrẹ Mị 10:19

Ó poki! À kụrọ seni ọ́ pịrịsam, ómine ineda oruwuma na pirikambuloma na ọgọnọ nwẹngịḅịa ḅara, pịkị Tarakaḅọ ḅe kụrọ mamgba ọgọnọ ḅụ na, se gbọrịye sọnị ye se ọ́ lama-ẹkẹ.