Aịzaya 10:3 - Kịrịkẹnị Baịbụl

³ Tamụnọ Ḅe ò fomuḅara se ọ́ pịrịḅịa sịkị ó chemịẹḅe? Ḅọlọ sẹ ḅụ ḅo ómine kangalagalamaḅịaye ọ̀ nwọse ḅo ọ́mịna ọgọnọ gbana ọkụma ó chemịẹḅe? Ọ́ mangịmun tụḅọ ḅara ịnyasọḅe? Ọ́mịna ngọma ó seni nde nyọ ḅọịḅe?

Aịzaya 10:3 Iomraidhean Croise

Chukusakị 31:1

Jekọb ḅe ò ḅo naamẹ na Leban owuapụ awọma nwọ ḅẹaḅẹ na, “Jekọb ḅe mịna ḍaye mamgba ori ọkị sosam. Ọ̀ nyana ngọ mamgba mịna ḍaḅe nyana ngọma ḅụ ḅomẹ.”

2 Amanyanapụ 7:15

Owuapụma mun Jọdan mị lamẹ, se ateli ogbo mgba Siria apụma se sarakoroma mangịso ḅiriaye ma na pịkị warị angaye ma na ini nwọ ọrịmẹ. Anịsịkị ini vinpịkịso mun ḍuko amanyanaḅọ ḅe pịrịmẹ.

Job Ḍiri Mị 31:14

Nemikase àrị ọkọ mịẹka ọkụma, nde à se Tamụnọ Ḅe daḅịa tọrụ? À che pẹkẹrẹ ḅe Tamụnọ Ḅe ḅo ḅẹrẹkọn ị̀ pịrịḅịa sịkị?

Kaḅo Ma 11:4

Ngọ se ị́ mịẹḅịa iḅi ofori-ẹ, ị́ tọrụ se fị mị daḅịa ene; ọkụma iḅimịẹmịẹye ineda ị́ ḍumo ḍụaḅịa.

Aịzaya 13:6

Ḅụ akụḅụ ómine oloku owu! Nyanaḅọ Ḅe oria ene mị kpekisam, anị Kụrọmamgba Nyanaḅọ Ḅe nyọ mị famaḅịa ene mị.

Aịzaya 17:4

Nyanaḅọ Ḅe nwọ ḅẹmẹ, “Gbọrị ene ḅoaḅẹ; Izrẹlapụma inia opu mị faḅịa ene, anịsịkị igwein ini nwọse inia pẹrẹ mị ḍinmaḅịa.

Aịzaya 20:6

Anịsịkị mị ḅo laḅịa sịkị, Filistia tọrụ aka ḅụ angapụma ini nwọ ḅẹḅịa, ‘Wa se ḅietọn ma Asiria sẹdaḅọ ḅe ḅara ḅie wa ḍụaḅịa nwọḅẹ apụma ḅụpakaye ḍiki! Nde wa ineda ḍumoḅịa ọkụ?’”

Aịzaya 26:14

Mịọkụ ini fịsam ini pịkịna ḅarị ḍumo ẹkẹ; inia tẹmẹ ḅarị sịsẹ ẹkẹ, anịatịḅị ị́ fomuḅara seni ini pịrị pịkị ini ḅaasinsam. Gbọrịḅọ sọnị ḅarị ini seni ḅiekoromakẹ.

Aịzaya 26:21

Nyanaḅọ Ḅe soḅie ori anga nyọḅụ ò ḅoaḅẹ, fomuḅara seni sẹkiri ḅie apụma pịrịḅịa inia sima gose. Ḅọịma ḅụ ini kọn nini ma, àrị ḅelepakaḅịa, kiri mị sọnị ḅarị ngịsị ini ḅaasapụ ma ḅọị ẹkẹ.

Aịzaya 28:20

Ini kọnkọn kaḅo mị ḅieḅọ ḅe ọ́ nwọ kịkẹḅịa, anị kpụlụ mọnọye seni mọnọ se ḅụọ ịsụn anị nẹngị koro kọn pịkịna ḅụgbẹịn ḅịtẹ kalaye seni ọ̀ ḅụgbẹịnḅọ ḅe.

Aịzaya 29:6

Kụrọmamgba Nyanaḅọ Ḅe opu irisi na kiri jike na nwọse ọ́ ḍụaḅịa. Irisi fọrụ na opu kọrị fịnị na ọ̀ nwọse sẹịnḅịa;

Aịzaya 30:16

Anịnakaraka ọ́ tọnmẹ ómine ọ́mịna sarasarama mangị ḍin asụnma ḅụkụlọ se be ómine-na-tarakapụma ḅụ mangịso ḅịa. Ọ́ pịkị ḅụ karakaramamẹ mangịso. Ọ́ nwọ chịnmẹ na ọ́mịna asụnma àrị opuma mangị ḍinmẹ, ọkụma ómine ḍukoarịapụ ma mangịtẹịnḅịa!

Aịzaya 30:5

Judapụma ini kuḅie-se anị kuḅie-ḅụgbana na gbẹịnka sẹ mị ḅụgbanaye gose inia kuḅie manama tọnḅịa, anị sẹ mị, anị ini ḅarachụa ḅi sịkị ḅụ ini gbakị sẹ mị anị-ẹ.”

Aịzaya 30:7

Ijipt mị nyana ini pịrịḅịa ḅarachụa mị tịḅị nyanakẹ. Anịẹrẹchị à jịn ẹrẹ se Ijipt mị chịnsam, ‘Rehab anịkanịka ye ḅụ oforika Dragọn.’”

Aịzaya 33:14

Zaịyọn ḅie simịẹapụma, ḅalafa ḅụ inia ḅụgeregereaḅẹ. Ini nwọ ḅẹmẹ, “Tamụnọ Ḅe oria ḅẹrẹkọn mị, kọrị gbaso fịnị kịkẹmẹ. Mịna ḅie tụḅọ ineda ọkọsime fịnị ḅie ḍumo ḅe?”

Aịzaya 39:3

Anị Ịkịankoro Aịzaya ḅe Amanyanaḅọ Hẹzekaya ḅe damamun se ò gbelaye-ẹ, “Mịna owuapụma nde anga ḅụ ini ḅo, se cheye ini nwọ ḍuko ị́ pịrị?” Hẹzekaya ḅe pẹkẹrẹmẹ, “Ḅọlọ sẹ ḅie ini ḅomẹ, Babilọn ḅie.”

Aịzaya 5:14

Fị mị anị ḅụkarakarama ini pịrịsam. Jerusalẹm opu apụma na pịkịna nyọ fiemafiema papa apụma na anị nwọ mịnịḅịa ẹrẹchị.

Aịzaya 5:26

Nyanaḅọ Ḅe, ọ̀ ḅọlọju sẹ chịnḅoḅịa elekima nwọ pịrịmẹ. Ori ọfịọn ini pịrịmẹ, sẹkiri mị ḅie kuluma nyọma ḅụ ini ḅo. Ini pịkịna sịkị famaka ḅaraḅụ ḅomẹ!

Jerimaya 22:7

Anị kanḅịa owuapụ à nwọse sẹịn aḅẹ. Inimgba inia apala ma se ḅoḅịa, se anịa iḅi awụ chịnma pẹlẹ fịnị ḅie gbinḅịa.

Jerimaya 4:30

Jerusalẹm, ị́ fịfasam! Ị́ che gose pulo-pulo ḅụchụaye chụa? Ị́ che gose yela-ọḍọ-aye ḅiri se ye se ị́ tọrụmgbọlụma tan? Ị́ papa sọye oforika ḅara se ị́ ḅụ mịẹfịafịamaḅẹ! Ị́rị́ na lekiria apụma ini ị́ sịkịsam se pịkị ị́ ḅaa ḍọkị aḅẹ.

Jerimaya 5:31

ịkịankoroapụma ḍukoye ofori-ẹ iruo sikima, agbamịẹ apụma, ịkịankoroapụma tọn ayema anị ini mịẹarịye-ẹ, se ị̀ya tomonima ini anị na tụḅụrụkẹ. Ọkụma ini che mịẹḅe arịmgba ḅo kulumaḅịa sịkị?”

Jerimaya 9:9

Ma mamgba gose àrị ini fomu ẹka? Nwọ sime sẹ ḅara, à sowu ḅi gbẹịnka? Ị̀rị̀, Nyanaḅọ Ḅe, ọkwẹịnsam.”

Hosia 5:13

“Izrẹl mị ḅo anị obi-arị-ọkụ ọrị sịkị, se Juda mị pịkị ḅo anịaḅụ ịnọ ma ọrị sịkị, anị Izrẹl mị so Asiria-sẹda opuḅọ ḅe damamunye ḅarachụa ḍọkịḅụ, ọkụma ori ineda ini gwọ kẹ anịkanịka inia ịnọ ma ḅịamakẹ.

Hosia 9:5

Osi se Nyanaḅọ Ḅe pịrịḅịa ẹrẹchị ini tọn alalị ma sịkị, nde ini mịẹḅịa ọkụ?

Hosia 9:7

Fomuḅara sịkị mị ḅosam, tomoni inia gbẹịnye nyanaḅịa sịkị mị. Anị ḅo pakaḅịa sịkị, Izrẹl mị anị nemiḅịa! “Ḅe ịkịankoroḅọ ḅe,” oḅoriḅọ-ẹ ọ́ nwọ ḅẹmẹ, “Ḅe tẹmẹḅụ ḅụ simeḅọ ḅe, ọ̀ nọmụaḅẹ.” Ómine opuma ị̀ ḍikiḅụnwọnwọmẹ anịatịḅị ọ́mịna si opuma ḅakamẹ.

Emọs 5:19

Anị simeḅịa ọkụ anị tomoniḅọ chịrịḅa tọrọkọ mangị soḅo chịrị ḅie koro ọkụ simemẹ! Anịkanịka anị sime ọkụ anị tomoniḅọ so warị ḅo se ọ̀ ḅarama se warị agbagba bọ ọkụma oruwu ọ̀ gbọ ọkụ simemẹ!

Maịka 7:4

Inia ḅie iḅitẹịn pịkị ngịsị furufurukapụ ma sọnị, osuein yeḅụsọka ọkụ anị ini yeḅụsọka ọkụ-ẹ. Ene mị ḅosam Tamụnọ Ḅe fomuḅara se tomonima pịrịḅịa ene mị inia nyọ koru ịkịankoroapụma ḅụ ọ̀ ḅọrọ inia ḅeri jine ḅaraḅụ. Mịọkụ ini ḅụḅalaḅala ḅie omi-ẹ.

Zẹfanaịa 1:18

Nyanaḅọ Ḅe oria ịganị ḍiepakụmaḅịa ene mị ḅụ, inia ngọma ḅaka la-ọkụ la-ọkụ sọ inia igbiki ineda ini ḍụa ẹkẹ. Oria ịganị fịnị mị anị bebe sẹkiri mị famaḅịa. Ḅụnemika fa sime mị tomonikiri sime ḅọ goyegoye pịrịḅịa.

Luk Iḅi Ḅẹrẹ Mị 19:44

Ini gbọtụḅara ị́ famaḅịa ị́ ḅie sime tomonima na, ini gbọrị ḍụparị sọnị ḅụḅarasin ẹkẹ anịa kiri ḅụ, anịatịḅị Tamụnọ Ḅe ḅo ị́ ḍụa-eḅoarị sịkị mị ị́ nemikẹ!”

Maịnkarama Oloko 28:49

Nyanaḅọ Ḅe sẹkiri mị ḅie kuluma nyọ mị ḅụ ọ̀ gbọrị sẹ fịrịmaḅo ọ́ dapakaḅịa, inia ama ọkwẹịn sọ ọ́ naakẹ. Ini igo ḅara se vuma fin ḅo ọ́mịna ọgọnọ chịẹḅịa.

1 Pita 2:12

Mịẹse oru ḅẹrẹ nemiapụ ogboku, ọ́mịna yemịẹḅara sịkịmamgba iḅiḅịa ọkụ, mịẹse ini si ye mịẹ apụ ḅara seni ó ḍukosimaḅịa sịkị ini ọ́mịna iḅi mịẹmịẹaye ma ọrị, se Tamụnọ Ḅe tokoniḅịa ọkụ ò ḅoḅịa Ene mị ḅie.