Biblia Todo Logo
Bìoball air-loidhne

- Sanasan -




Aịzaya 1:2 - Kịrịkẹnị Baịbụl

2 Nyanaḅọ Ḅe nwọ ḅẹmẹ, “Sẹkiri na so na, à ḍukoarịye mị ọ́ nwọ poki! À ḍikiḍiki pakụmaḅo awọmẹnịma ini tụḅụrụ ị̀ dasam.

Faic an caibideil Dèan lethbhreac




Aịzaya 1:2
37 Iomraidhean Croise  

Ọ̀ Nyanaḅọ Ḅe sịkịmẹ, oria olomu-aḍapụma Tamụnọ Ḅe, ọ̀ pịkị Nyanaḅọ Ḅe ḅịpịpokikẹ ọ̀ tọn ayema ḅụ.


Ḅẹḅọ ḅẹḅọ mịn mị naa! Ó poki, nyọ nyọma ḅụ sime-a tomoni mamgba,


Ò so na sẹkiri na chịnmẹ onyechịẹ ḅaraḅụ àrị ò ḍiki, ọ̀ ḅẹrẹkọn oria tomonima pịrịḅịa sịkị.


Nyanaḅọ Ḅe nwọ ḅẹmẹ: “Ḅẹrẹtọn Juda mị pịrị àrị apụma ini fasam, anịatịḅị ini kụrọma ị̀ dapakasam. À tọnkaye ini nwọ ḍukonwẹngịmẹ, ini pịkị jịn apụ na ḅịpịogbosọ ḍiri gịẹịnmẹ, à tọnka ḅaraḅụ ini si se jịn si ọgọnọ gbanamẹ.


Sịkịmamgba ini Tamụnọ Ḅe dapakaḅẹ, sịkịmamgba ini iruokọn aḅẹ, sịkịmamgba Nyanaḅọ Ḅe se ini telimarịye ma ini poki ḍụkụkẹ.


Nyanaḅọ Ḅe nwọ ḅẹmẹ, “Izrẹlapụ, ị̀ ḅụ ó simịẹsam, ọ́ pịkị ị̀rị̀ na tụḅụrụmẹ. Ọkụma mịọkụ, ó vinpịkị ị̀ damaḅo!


Ó ḅo, ómine sẹsẹ ma ḅie-a tomoni mamgba! Ó kpokponima se poki. Bebe sẹkiri mị na, anịa ḅie simeḅọ goyegoye na mịanga ḅo se poki.


Ị́rị́ mịna ḍa-ẹ, mịna ḅieju-aḍapụ, Ebraham ḅe na Jekọb ḅe na, ini wa nemikẹ, ọkụma ị́rị́, Nyanaḅọ Ḅe mịna ḍa-ẹ, sịkịmamgba wa ḍụarịḅọ ḅe-ẹ.


Sịkịmamgba à ḅụkarakaramamẹ ó ḅosa se ị̀ya tomonima kereni, anị sitịḅị-ḅie-chụa siaye mịẹ, se inia ḅụḅẹlẹ ateli da mun arịapụ ma.


Izrẹl-a tomoni, Nyanaḅọ Ḅe ori ọkwẹịnsam! Ọ́ ḅụ se kiri pịrị se ò poki.


Yei kiri, kiri, kiri! Nyanaḅọ Ḅe ḍukoye poki:


Ọ́ pịkịmaḅo, ómine Nyanaḅọ Ḅe ḅụ ḅụsikimasapụ mamgba; ori ọ́ gwọḅịa, ọ̀ pịkị ọ́ mịẹḅịa ó kuḅie-se-ḅụgbana-gbẹịn apụ sọḅịa. Ómine ọkọ ḅẹmẹ, “Iin, wa Nyanaḅọ Ḅe damaḅo aḅẹ, anịatịḅị ori anị mịna Tamụnọ-ẹ.


Ị̀ya tomonima ini owu na pịkịma ḅoḅịa, tẹkẹ ḅụ na àrị ini paḅoarị sịkị. Àrị ini se ideri mengi aka mọnị mọnị ateliogbo ḅọrọḅịa inia ḅụọ tọmbụlọ ẹka nyọ. Ị̀rị̀, Izrẹl ḍa-ẹ, pịkị Ifrem ḅe anị ị̀ya tatarị owutọkụ-ẹ.”


Poki, tomonikiri! Ini tọn ayema ḅe fomuḅara ḅụ, opu fa à nwọse ḅo mịnapụma ọgọnọ gbana-ẹḅoaḅẹ, anịatịḅị, à se ini ḍieaye ma ini sịkịsam se ị̀ ḅịpị pokikẹ.


Ị̀rị̀, Kụrọmamgba Nyana Tamụnọ Ḅe, nyana ị̀ya oloko kan apụma pịrị kaḅo mị ḍuko ini pịrị: Ḅẹlẹ mị se fịnị ọgọnọ chịẹma se mengi se anịa ḅie chụa ḅeinma.


Anịẹrẹchị mịọkụ Ị̀rị̀, Kụrọmamgba Nyana Tamụnọ Ḅe ḍuko se ómine tụndụma na chịngịma na, kala ideri mengi ma na, pẹsịkiri ma na, pịkị ómine, kansara sosa nyọma na, pịkị ómine kelema sẹ mamgba ọfọịn se koromaso pịkị ḍẹrị opuamama na.


Izrẹlapụ, Nyanaḅọ Ḅe ọ́mịna ḅụ ḍukoye mị ọ́ nwọ poki, anị ómine Ijipt ḅie ori ọkịpakụmaḅo bebe sẹ mị:


Jotam ḅe na Ehaz ḅe na Hẹzekaya ḅe na Juda sẹ mị da sịkị, Nyanaḅọ Ḅe mị oku mị se Maịka ḅe fịrịmamẹ, anị Morẹshẹt ama ḅie ḅoḅọ ḅe. Nyanaḅọ Ḅe ma Sameria na Jerusalẹm na gbolomaye mamgba, mịẹḅelema Maịka ḅe ḍiemẹ.


Mịn mị naa, ómine sẹ mamgba; mịn mị poki, ómine tomonikiri ḅie anga apụ mamgba! Kụrọmamgba Nyanaḅọ Ḅe ori ọ́mịna ḅụaye ḍukoḅịa. Poki! Oria soḅie tẹkẹwarị mị ḅie ọ̀ wẹrị ọkwẹịn pakụma aḅẹ.


Ị̀rị̀ ọkụma, Nyanaḅọ Ḅe ori ị̀rị̀ na omi-ẹ, ọ̀ kụrọ na pịkị ḅẹrẹkọn yenemi na kuḅiekụrọ na nwọ se ị̀ pịrịmẹ se Izrẹl-a tomonima mịẹasi ma ḍuko.


Kụrọmamgba Nyanaḅọ Ḅe nwọse agbamịẹ apụma ḅẹmẹ, “Tọkụ mịna ḍaḅọ osisimẹ, fịrịnwẹngịḅọ pịkị ọ̀ nyanaḅọ ḅe osisimẹ. Ị̀rị̀ ọ́mịna ḍa-ẹ—cheye gose ómine ị̀ osisika? Ị̀rị̀ ómine nyanaḅọ-ẹ—cheye gose ómine ị̀ osisika? Ómine ị̀ ḍikisimamẹ, anịẹḅẹsọ, ó gbelaḅẹ, ‘Nde wa ị́ ḍikisima ọkụ?’


Anịatịḅị wa ineda ḅarasin ẹkẹ wa ḅara na ọrịye na pịkị naaye na nwọ ḍuko ḅụ.”


pịkị onwun ele mị ḅie ḅụ na. Ọ̀ wẹrị anịju ngịsị deinma ọ́ ḅọrọmaḅo mịanga la-ọkụ ómine ọrịsam, anị ḍaḅọ oria tọkụ deki ọkụ mị.’


Ḍumo na fị na ḅụ ọ́ sẹlẹọkịḅịaye à nwọse koroma ọ́ pịrịaḅẹ, Tamụnọ Ḅe ḅẹlẹma mị na pịkị worinime mị na ḅụ, à pịkị so mị na kiri mị na chịnmẹ na àrị onyechịẹ ọ́ sẹlẹọkịḅịaye mị pịrị mịmgba. Ó ḍumo mị sẹlẹọkị mịẹse ómine na ọ́mịna awọma na ḍumoḅịa ọkụ.


“Kiri mị na so mị na, ị̀ya ọkwẹịn ma naa, pịkị iḅiọkụma à ḍukoarịye mị poki.


À so mị na kiri mị na chịnmẹ na àrị onyechịẹ ómine na ị̀rị̀ na pịrị mịmgba, na ó nemikase ị̀ ḅịpịpokikẹ nwọ ḅẹḅẹ, ḅọlọka sịkịḅụ ama mị ḅieḅụ ọ́ fịfamaḅịa. Ọ́ Jọdan mị saḅamun ọkị anga-ẹmun-arị ama mị ḅie ómine anga ḅọlọ sịkị la-ẹkẹ. Ómine mgba ini ọ́ ḅaasinḅịa.


Lean sinn:

Sanasan


Sanasan