Aịzaya 1:1 - Kịrịkẹnị Baịbụl

¹ Mị ḍiri mị Juda na Jerusalẹm na gboloma oku mị anịa ḅie omiye-ẹ, anị Tamụnọ Ḅe ḍuko finji Emọs tọkụ Aịzaya ḅe pịrị oku, anị Ọzaya ḅe na Jotam ḅe na Ehaz ḅe na Hẹzekaya ḅe na Juda amanyanapụ sọ sịkị ḅụ.

Aịzaya 1:1 Iomraidhean Croise

2 Amanyanapụ 15:1

Maịn karama Jeroboam Izrẹl Amanyanaḅọ ḅe amada tẹrẹfasoi karama kụra mị ḅie Ọzaya, Amazaya yaḅe ḅo Juda amanyanaḅọ sọmẹ,

2 Amanyanapụ 15:13

Juda Amanyanaḅọ Ọzaya ḅe amada gbọrịye fa mesi karama kụra mị ḅie, Shalọm, Jebẹsh yaḅe ḅo Izrẹl amanyanaḅọ sọmẹ, se gbọrị akalụ ọ̀ nwọse Sameria mị ḅie ḅẹrẹtọn mẹ.

2 Amanyanapụ 15:32

Pẹka, Remalaya yaḅe Izrẹl amanyanaḅọ sọ maịn karama kụra mị ḅie, Jotam, Ọzaya yaḅe ḅo Juda amanyanaḅọ nwọ sọmẹ.

2 Amanyanapụ 15:7

Ọzaya ḅe fịmẹ se amanyanapụ ḍụẹịn ḍipi piri mị ḅie ini ò ḍipimẹ Devid Opuama mị ḅieḅụ, se yayo Jotam ḅe oria kiriḍinmamẹ amanyanaḅọ ḅaraḅụ.

2 Amanyanapụ 18:1

Hosia, Ela yaḅe amanyanaḅọ sọ Izrẹl mị pịrị tẹrẹ karama kụra mị ḅie Hẹzekaya, Ehaz yaḅe ḅo Juda amanyanaḅọ nwọ sọmẹ,

2 Amanyanapụ 19:2

Ẹlaịakịm amanyanaḅọ warị ḍikiḍikiapụ ma tịḅịnịḅọ ḅe na, Shẹbna, ḅẹrẹkọn warị mị ḍiri gịẹịnḅọ ḅe na, pịkị opu agbamịẹapụma na ọ̀ nwọse ịkịankoro Aịzaya Emọz yaḅe fịrịmamẹ. Ini sọnị ini kururu ḅiriaye ḅirimẹ.

2 Amanyanapụ Sịkị Mịẹaye Ma 26:1

Juda apụ mamgba Amazaya tọkụ ineinfa si kụra tịḅị ḅụ ḅọrọsa Ọzaya ḅe sẹlẹmẹ se ò ḅo ḍawu ḅe tịḅị ḍinma amanyanaḅọ sọmẹ.

2 Amanyanapụ Sịkị Mịẹaye Ma 26:22

Emọs tọkụ, ịkịankoro Aịzaya ḅe, mị Amanyanaḅọ Ọzaya ḅe mịẹaye mamgba nwọ gịẹịn koromaye-ẹ.

2 Amanyanapụ Sịkị Mịẹaye Ma 27:1

Jotam ḅe sisọnọ-a kụra fịnjị mị ọ̀ la se ò ḅo amanyanaye-ẹ. Se Jerusalẹm ḅie ineinfa si kụra mị ò se amanyanaye-ẹ. Zadọk eremeni tọkụ, Jerusha ma mị nyọngọrọ-ẹ.

2 Amanyanapụ Sịkị Mịẹaye Ma 28:1

Ehaz ḅe si kụra mị ọ̀ la se ò ḅo amanyanaḅọ sọye-ẹ, ọ̀ pịkịna ineinfa si kụra nwọse amadamẹ. Oria ḅieju ḍaḅọ Devid ḅe ḅụọ ọ̀ nwọ ḍiki amadakẹ, anịnakaraka ọ̀ Nyanaḅọ Ḅe ḅụḅẹlẹkaye nwọ mịẹmẹ

2 Amanyanapụ Sịkị Mịẹaye Ma 29:33

ini pịkịna owoi-a nambulo ẹndẹ oyiasi fịnjị, pịkị anana sọnọ mẹndẹ oyiasi fịnjị na nwọse ḅomẹ, se agba mịẹ tomonima pịrị ini pẹịḅịa.

Fịafịa Nime 89:19

Ḅọlọsịkị ngịsị ḍawọ ḅụ ị́ ḍuko karakara ḅara se ị́ ḅereni ị́ya fịrịnwẹngịapụma pịrịmẹ, “À ḅarachụa gbọrị ẹrẹso owuniḅọ pịrịsam; emine mị à se tomonima ḅie ḅụ à sẹlẹḅọ ḅe pịrịsam.

Aịzaya 13:1

Mịn anị Babilọn na gboloma oku-ẹ, Emọs ya Aịzaya ḅe Tamụnọ Ḅe ḅara daḅo oku.

Aịzaya 2:1

Mịn anị Tamụnọ Ḅe seni Emọs tọkụ Aịzaya ḅe fịrịma oku-ẹ Juda na Jerusalẹm na gbolomaye ḅụ:

Aịzaya 20:2

Owu mị ma ini nwọ pakaka ḅe tẹrẹ-a kụra ḅụ, Nyanaḅọ Ḅe ò ḍuko Aịzaya, Emọs yaḅe pịrịsam na ori ọ̀ ḅụọ sime ḍiki-akpaka ma na ò ḅiri-okuru-ḅiriaye ma na, nwọ sin. Ori ọ̀ ḅịpị poki se papaḅụ na papa ḅụọ na nwọse nwẹngịma ḅọrọmẹ.

Aịzaya 21:2

Mịẹḅịaye simeḅịa siye ḅe ịkịan à nwọ ọrịmẹ, anị ịbafị na yeguluguluma na, ḅe ịkịan. Ilam owuni, ómine owu paka! Midia owuni, ómine opuamama ḍẹkịkelema! Babilọn mị mịẹse tomonima tọrụsiọrịaye ma, Tamụnọ Ḅe ọ̀ mịẹse àrị kunoḅịa.

Aịzaya 37:2

Ẹlaịakịm amanyanaḅọ odo ḍikiḍiki apụma ḅe tịḅịnịḅọ ḅe na Shẹbna ḅẹrẹkọn warị ḅie ḍiri gịẹịnḅọ ḅe na pịkị Emọs ya ịkịankoro Aịzaya ḅe oria tịḅịnị agbamịẹḅọ ḅe na fịrịma ḅomẹ; inimgba ini okuru ḅiriaye ḅiri waraḅẹ.

Aịzaya 38:1

Nwọ pembe sịkịḅụ, Amanyanaḅọ Hẹzekaya ḅe ori obi se pịkị fị-ẹtọnmẹ. Ịkịankoro Aịzaya, Emọs yaḅe, mun ò ḍiki-ẹmunmẹ, se nwọse ọ̀ ḅẹmẹ, “Nyanaḅọ Ḅe nwọse ị́ ḅẹmẹ na yegoyegoye se ọrụtọn koroma anịatịḅị ị́ ḅụ iḅi-ẹkẹ. Ḅụkarakarama fị mị pịrị.”

Aịzaya 40:9

Jerusalẹm, gololo tụndụ mị tanjị se iḅi ḅẹrẹ mị ḍuko finjima! Gele pụkọ se oloku pakụma, Zaịyọn; iḅi ḅẹrẹ mị ḍuko! Ọkwẹịn pakụma se ḅalafama. Ḍuko Juda amama pịrị na inia Tamụnọ Ḅe ò ḅoaḅẹ!

Aịzaya 6:1

Amanyanaḅọ Ọzaya ḅe fị kụra mị ḅie à Nyanaḅọ Ḅe ọrịmẹ. Oria chịẹ gololo emine mị ọgọnọ ọ̀ kpọnjị sime waraḅẹ, oria fịrịnwẹngịapụma Oputẹkẹwarị mị ḅie mgba ini ḅeinmẹ.

Aịzaya 7:1

Ọzaya tọkụ, Jotam ḅe yi tọkụ Ehaz ḅe Juda ḅie ḅẹrẹkọn àrị sịkị ḅụ, owu koromẹ. Siria amanyanaḅọ, Rezịn ḅe na Pẹka tọkụ Remalaya Izrẹl amanyanaḅọ ḅe na, owu seni Jerusalẹm mị pakamẹ, ọkụma ini ineda anị inumakẹ.

Jerimaya 23:16

Kụrọmamgba Nyanaḅọ Ḅe nwọse Jerusalẹm-a tomonima ḅẹmẹ, “Ịkịankoroapụma ini ḍukoaye ma ó pokima; ini iruo kọn ọ́mịna kuḅie ma kụrọma aḅẹ. Inia kuḅie koromaye anị ini ḍuko ọ́ pịrịarịye-ẹ; Ị̀rị̀ ḍukoyekẹ.

Izikịẹl 1:1

Sọnọ karama ene mị ḅie inein-a akalụ mị ḅie ḅụ kụra soi karama kụra mị ḅie, Ị̀rị̀, Agbamịẹ Izikịẹl, Buzaị yaḅe, ini desin ḅaraḅụ se so Babilọn mun Juapụma ḅie à simemẹ Kẹba Tọrụ mị aka ḅụ. So mị finjimẹ, se tẹmẹ ḅụ Tamụnọ Ḅe yese ị̀ ḍiemẹ.

Hosia 1:1

Mịn anị Nyanaḅọ Ḅe se Beraị tọkụ, Hosia ḅe fịrịma oku mị-ẹ. Tamụnọ Ḅe mị oku mị se ọ̀ fịrịmamẹ anị Ọzaya ḅe na Jotam ḅe na, Ehaz ḅe na, Hẹzekaya ḅe na ini Juda amanyanapụ sọ kụra ma ḅie anị Jẹhoash ya Jeroboam ḅe Izrẹl amanyanaḅọ sọ sịkị mị-ẹ.

Emọs 1:1

Mịn anị Emọs ḅe se ḅo oku mị-ẹ, Tẹkoa ama ḅie gbọrị anana ḍikiḍikiḅọ-ẹ. Tamụnọ Ḅe Izrẹl ḅụ maye mamgba finji Emọs ḅe pịrịmẹ mama kụra ḅụ amakiri mị mà gịẹịn puka sịkị ḅụ, anị Ọzaya ḅe Juda amanyanaḅọ sọ sịkị, pịkị Jeroboam, Jẹhoash tọkụ ḅe, Izrẹl amanyanaḅọ sọ sịkị.

Emọs 4:5

Ó mun se ọ́mịna fịturu ọ́ nwọse mịẹḅaka agbamịẹ Tamụnọ Ḅe pịrị, se ómine ọkịḅo agbamịẹ aye mamgba na gbana ayema na ọ́ nwọse ḅụ boma! Mị ḅara simeye anị ọ́ ḅẹlẹma mịẹmịẹye-ẹ.

Maịka 1:1

Jotam ḅe na Ehaz ḅe na Hẹzekaya ḅe na Juda sẹ mị da sịkị, Nyanaḅọ Ḅe mị oku mị se Maịka ḅe fịrịmamẹ, anị Morẹshẹt ama ḅie ḅoḅọ ḅe. Nyanaḅọ Ḅe ma Sameria na Jerusalẹm na gbolomaye mamgba, mịẹḅelema Maịka ḅe ḍiemẹ.

Nehọm 1:1

Mịn mị anị Nehọm ịkịankoroḅọ ḅe ọrịye-ẹ Ninivẹ sẹ mị ḅụ. Anị Ẹlkọsh ama mị ḅie ḅoḅọ ḅe.

Habakọk 2:2

Nyanaḅọ Ḅe mị pẹkẹrẹ ḅịpị mị se ị̀ pịrịmẹ: “À mịẹḅelema ị́ pịrịye mị se ḅelema ini ḍụpọ se mịẹ yegịẹịn ayema ọgọnọ gịẹịn, mịẹso ọkụma, tomoniḅọ anị ọrị kirikiri ineda anị goḅịa ḅara.

Kịẹnḅịpị Ma 12:6

anị Nyanaḅọ Ḅe nwọse ini ḅẹye-ẹ, “Mịọkụ à ḍukoḅịa yemị ọ́ nwọ poki! Ọ́mịna ogboku sime ịkịankoroapụma tẹmẹ ḅie finjiye ḅụ anị àrị ị̀ ḅụ se ini ḍieḍieye-ẹ, à pịkị ḍawọ ḅụ wẹrị ọkwẹịn ini pịrịpịrịmẹ.

Kịẹnḅịpị Ma 24:16

Anị ineda Tamụnọ Ḅe ḍukoarịye mị naanaaḅọ ḅe Pịkị Geletẹịnḅọ Ḅe ḅaraḅo nemi mị daọkịḅọ ḅe-ẹ. Se tẹmẹ ḅụ Kụrọmamgba Nyana Tamụnọ Ḅe Ḍie elekima mị ọrịmẹ.

Kịẹnḅịpị Ma 24:4

Anị ineda Tamụnọ Ḅe ḍukoarịye mị naanaaḅọ ḅe. Kweinma tọrụmgbọlụ se ḍiki ḅụ ḍawọju ọkụ simemẹ, Kụrọmamgba Nyana Tamụnọ Ḅe ḅara ḅo tẹmẹ ḅie aye à nwọ ọrịmẹ.

Matio 17:9

Ini tụndụ mị ọgọnọ koroḅo sịkị, Jizọs Ḅe inia ḅeri jinemẹ na, “Ómine ọrị elekima mị ó ḍuko gbọrịḅọ sọ pịrịma, ọkịmun ini fị ḅụ Tomoniḅọ Tọkụ Ḅe nwọ sịsẹmaḅịa sịkị la.”

Okunwẹngịapụ 10:17

Pita ḅe kuḅie chịẹ-chịẹ-chịẹ ḅụ ori ọrị ịkịan mị fieye ḅe koroma nwọ kọn simearị sịkị, Kọnịliọs ḅe se fịrịma apụma Saịmọn ḅe warị gbela nemi, se mịọkụ onu mị ḅọkọ chịẹsime waraḅẹ.

Okunwẹngịapụ 26:19

“Anịgose, Amanyanaḅọ Agiripa, à ḅịpịpokikaḅọ sọ se soḅie ḅo elekima mị pịrịkẹ.

2 Kọrịntapụ 12:1

À pa ḅụbomaḅịa, anị mịẹ iḅi ofori-ẹ nwọ ḅẹ sọnị. Ọkụma à mịọkụ ịkịan na ḍieḅelemaye na gbolomaye nwọ ḍukoḅịa, Nyanaḅọ Ḅe seni ị̀ ḍieaye ma.

2 Pita 1:21

Anịatịḅị tomoniḅọ kụrọ ḅụ ḅo gbọrị ịkịankoro oku ofori-ẹ, ọkụma tomonima Fịafịa Tẹmẹ Ḅe kụrọ ḅụ anị ini sime se Tamụnọ Ḅe ḅara ḅo oku mị ḍukopakụmaye-ẹ.