Lucas 5:5 - Manobo Obo

⁵ Kahin Simon to, “Tohodnonaw, nouggat koy laroy't bulli nid ngongaap, piru waad en no‑utoo roy. Onggad su sikkow man kos id suhu konami, od puungan doy kos suhu ru.”

Lucas 5:5 Iomraidhean Croise

Lucas 17:13

Id nganoy sikandan ki Disas, kahi ran to, “Disas nod Longaggon, ko‑eruwan ka konami!”

Lucas 8:24

Na id porani ki Disas iddos mgo tinodduwan woy id sukaa ran sikandin, kahi ran to, “Tohodnonaw, tovangi koy! Od koonnod kid man moho ini!” Na, id onnow si Disas woy id sugga rin iddos kaamag woy dos monokkaan mgo baud. Idda ron en, id soro iddos kaamag woy id tivonok kos langun.

Lucas 8:45

Id inturan sikandan ni Disas, kahi rin to, “Ondoy kos id somad to umpak ku?” Id tavak sikandan to, “Tovo, waa saddoo roy.” Kahin Pedro to, “Tohodnonaw, diid kosorollan ko ondoy su mo‑uraa man kos od sosok kikow.”

Lucas 9:33

To od tanan don onsi Moises, kahin Pedro ki Disas to, “Tohodnonaw, moppiya en no ka‑ay ki. Od sosabbong koy to otollu, sokkad atag kikow, sokkad atag ki Moises woy sokkad atag ki Elias.” Id oseng ni Pedro idda pomon to waa rin nonongnongngi ko ondan kos od osengon din.

Lucas 9:49

Na mid ikahi si Juan ki Disas to, “Tohodnonaw, nokokita koy to sokkad no minuvu no nokopoleggua to mgo busow ukit to ngaran du. Id sugga roy sikandin, oyyos konna ta man duma.”

Juan 15:14

Otid tuman kow to koddin mgo suhu, mgo oukuy ku en sikiyu.

Juan 2:5

Na id osengan to inoy rin iddos mgo tohodsondad to binu, kahi rin to, “Puungi row kos ahad ondan no id suhu rin koniyu.”

Juan 21:3

Na kahin Pedro kandan to, “Od ngongaap a pa.” Kahi ran to, “Od duma koy kikow.” De‑en id sakoy sikandan to bollangay amoy'd ngongaap, piru laroy't bulli, waad en no‑utoo ran.