Juan 7:7 - Manobo Obo

⁷ Iddos mgo minuvu ka‑ay to ampow't ingod, waa en unayan nod kolingasa ran koniyu, piru siyak, od kolingasa ran koddi, oyya su id posivonnalan ku no morat kos pinuungan dan.

Juan 7:7 Iomraidhean Croise

Lucas 6:26

Moka‑arat‑arat kod kotomanan dow, sikiyu no od doongon ko‑ungkay to mgo minuvu, su ungketen dad en mandad kos id puungan to kovuyyahan dan diyot od po‑uvag‑uvag no mgo propeta.

Juan 17:14

Id nonaw ku kandan iddos ikahi ru. De‑en id kolingasa‑i ran to mgo minuvu ka‑ay to ampow't ingod, oyyos konna ran man sakup ka‑ay't ingod iling koddi.

Juan 3:19

Iddos unayan nod silutan sikandan, oyyos waa ran tonggapa iddos ko‑owangan no mid undini to ingod. Iyon dan moho id dokollan to ginawa, iddos mosukirom kuntra taddot ko‑owangan, su morat man kos pinuungan dan.

Roma 8:7

Su iddos minuvu no no-iraom poron kos poomdom din taddot mosaasaan botasan no tapoy ron diyot kandin, id supak din kos Monama. Dii rin od tumanon kos mgo suhu to Monama, woy dii en sikandin od pokotuman tadda.

Galacia 4:16

Na monnu, kuntra ad bo nikiyu ko-ungkay pomon to id ponudtuu ku koniyu kos kovonnaan?

Santiago 4:4

Noko-iling kow to ba-ay nod lappang to sawa rin, su konna iddos Monama kos id dokollan dow to ginawa, ko konna, iddos morat no ingowollon. Waa row vo nosorolli no iddos minuvu nod ginawa to morat no ingowollon ka-ay to ampow't ingod, kuntra sikandin to Monama? De-en iddos ahad ondoy nod ginawa to ingod, od kovovallan en sikandin no kuntra to Monama.

1 Juan 4:5

Dos od po-uvag-uvag no mgo propeta, iyon dan od ikulon, iddos botasanon to mgo minuvu ka-ay to ampow't ingod no waa Monama. Purisu iyon dan id nonaw, idda ra en so ka-ay to ampow't ingod, woy od pominoggon sikandan to mgo minuvu no waa Monama.