Juan 5:41 - Manobo Obo

⁴¹ “Waa ku ingowolla nod doongon a to mgo minuvu,

Juan 5:41 Iomraidhean Croise

Juan 12:43

Oyyos iyon dan id dokollan to ginawa, iddos koddoong to mgo minuvu kandan lampas pa taddot koddoong to Monama.

Juan 5:34

Konna ad od ko‑ilangan to minuvu nod posivonnaa moka‑atag koddi. Piru id ngoranan ku ra sikandin amoy'd kotobbus kow.

Juan 5:40

piru dii kow rad en od kopiyan nod dumoruma koddi amoy od pokotanggap kow nanoy to umuun waad tomanon.

Juan 5:42

piru nosorollan ku no riyot pusung dow, waa en ginawa row to Monama.

Juan 5:44

Momonnu kow man od pomakoy, otik iyon dow ra od ingowollon iddos koddoong no id pomon da en diyot mgo duma row, piru waa row ingowolla iddos koddoong no id pomon en diyot Monama?

Juan 6:15

Na, nosorollan ni Disas no duwon puhawang to mgo minuvu no od pohoson sikandin nod bovallan no hari. De‑en id tanan sikandin woy mid tikoddog mandon diyot buvungan no siksikandin da.

Juan 7:18

Su iddos minuvu nod nonaw pomon diyot poomdom din, iyon din od ingowollon no od kovantug sikandin. Piru iddos duwon ingowollon nod povantug taddot id popiyod kandin, dos osengan din, mooggot woy waa en uhus diyot kandin.

Juan 8:50

Waa ingowollon ku nod posivantug to koddin ko‑ugolingun. Piru duwon od posivantug koddi woy sikandin en kos od hukum koniyu.

Juan 8:54

Mid tavak si Disas to, “Otik siyak kos od posivantug to ko‑ugolingun ku, waa koru‑anon tadda. Piru iyon id posivantug koddi, idda en so Amoy ku no od tommanon dow no Monama row.

1 Tesalonica 2:6

Waa mandad dontulon doy nod nangkap to koddoong to minuvu pomon duwot koniyu o ahad ondoy pa.

1 Pedro 2:21

Id aam kow to Monama amoy'd ti-is to mgo kodposuppit, oyyos si Disas Krays, id ti-is mandad to kodposuppit atag koniyu, woy id boggoy koniyu to ponunggelengan amoy'd ikulon dow iddos kodbovotasan din.

2 Pedro 1:17

Oyya su id duma koy en kandin diyot uhis no buvungan iddot id posivontuhan sikandin to Monamon Amoy, woy id pokita rin iddos se-aa to kotuusan din. Tolinga roy ron en moho tid dinog taddot bawos to Monamon Motuus no id pomon diyot datas to langit no mid ungketen to, “Ini en kos anak ku no id dokollan ku to ginawa, woy oraroy ku sikandin id kahaa-i.”