Juan 17:4 - Manobo Obo

⁴ Id posivontuhan ku sikkow ka‑ay to ampow't ingod, su nopongnga kud iddos id popuungan du koddi.

Juan 17:4 Iomraidhean Croise

Lucas 22:37

Oyyos ko‑ilangan en nod kotuman iddos no‑ikahi riyot Nosulat no Kahit Monama moka‑atag koddi no mid ungketen to, ‘Id polommung sikandin diyot mgo kriminal.’ Na, asow ron ini od kotuman.”

Juan 12:28

Na mid dasaa si Disas diyot Amoy rin, kahi rin to, “Amoy ku, povontuhow kos ngaran du.” Idda ron en, duwon norinog dan no bawos pomon diyot datas to langit no mid ungketen to, “Id povantug kud en woy'd povontuhon ku en mandon ini.”

Juan 14:13

Na, ahad ondan kos od buyuwon dow riyot Amoy ku ukit to koddin ngaran, od puungan ku en amoy'd kovantug kos Amoy ku.

Juan 14:31

Piru id tuman ku iddos id suhu to Amoy ku, su amoy od kosorollan to langun no minuvu ka‑ay to ampow't ingod no id ginowannan ku sikandin. Na kuo kid.”

Juan 15:10

Otid tumanon dow kos koddin mgo suhu, konnod pitas iddos ginawa ku riyot koniyu. Na iling mandad koddi no id tuman taddot mgo suhu to Amoy ku, waa id pitas iddos ginawa rin dinit koddi.

Juan 19:28

Na nosorollan ni Disas no nopongnga ron kos langun, de‑en mid ikahi sikandin to, “Notokkangan a.” Id oseng din idda, su amoy od kotuman iddos no‑ikahi riyot Nosulat no Kahit Monama.

Juan 19:30

To noheddaman din idda, mid ikahi sikandin to, “Nopongnga ron kos langun.” Na idda ron en, mid unduk sikandin woy id polivod din diyon to Monama iddos ispiritu rin.

Juan 4:34

Kahin Disas kandan to, “Iddos timbang koka‑an ku, idda en so kodtuman to id kopi‑i taddot id popiyod koddi woy dos kod‑ipongnga taddot id popuungan din koddi.

Juan 5:36

Piru duwon pe‑en lampas ki Juan no id posivonnaa moka‑atag koddi, no idda en so mgo pinuungan no id po‑ipongnga koddi to Amoy ku. Woy od posivonnaa idda no Amoy ku kos id popiyod koddi.

Juan 9:3

Mid tavak si Disas to, “Id tobbow sikandin no butud, konna pomon to kandin no saa o pomon to saa to amoy woy inoy rin, ko konna, amoy od kokita iddos kotuusan to Monama riyot kandin no umuu.

Pinuungan 20:24

Konna ku id konuhuni inis umuu ku ka-ay to ampow't ingod, su iyon ku ra en id kopi-i no od kopongnga iddos id popuungan koddi tod Longaggon no si Disas Krays, no idda en so kodponudtuu to Moppiyon Dinoggan moka-atag to eru to Monama.

2 Timoteo 4:7

Noko-iling a to minuvu no id lonug to lumba to kodlungkossu, no noko-inguma ron diyot kotompusan. Id noonokkalan ku mandad tid puung iddos langun no id sanna to Monama koddi, woy waa a mid suwoy to mooggot no kopomakoy.