Juan 10:4 - Manobo Obo

⁴ Otid pokoleggua ran don langun, sikandin kos od unna kandan woy dos mgo karnero, od ikuu kandin, oyyos nokilaa ran man iddos bawos din.

Juan 10:4 Iomraidhean Croise

Mateo 16:24

Na mid ikahi si Disas diyot mgo tinodduwan din to, “Iddos ahad ondoy no od kopiyan nod kovovallan no tinodduwan ku, ko-ilangan nod inoyyuhan din kos kandin nid kopi-i woy od tiyangon din iddos kandin no krus amoy'd dumoruma koddi.

Juan 10:16

Na, duwon dumon mgo karnero ku no waa pa nosakup ka‑ay'n toril. Ko‑ilangan nod po‑usokkon ku mandad sikandan woy od pominoggon dan kos koddin bawos. De‑en od kosokkad don sikandan woy sokkad da kos tohodtamong dan.

Juan 10:27

Dos mgo karnero ku, od pominog en to koddin bawos. Nokilaa ku sikandan woy od ikuu ran koddi.

Juan 10:3

Od lukatan sikandin to tohodbantoy to sobbangan woy dos mgo karnero, od pominog to bawos taddot id tamong kandan. Od umawon din iddos ngaran taddot mgo karnero rin woy od tinundug dan kandin nod poleggua.

Juan 10:5

Iddon mgo karnero, diid ikuu to osson minuvu no waa ran nokilaa, ko konna, od pomaahuy ra en baling sikandan, oyyos waa ran man nokilaa iddos bawos din.”

Juan 10:8

Dos id undini no noko‑unna koddi no mid nonaw to uhus, sikandan iddos mgo tokawon woy tulisan, piru waa en id pominog kandan iddos mgo karnero.

Juan 12:26

Iddos ahad ondoy nod kopiyan nod puung atag koddi, ko‑ilangan nod dumoruma koddi. Na ahad ingkon a, diyon en mandad sikandin, woy dos ahad ondoy nod puung atag koddi, od posivontuhan taddot Amoy ku.”

Juan 13:15

Id pokita ku idda koniyu amoy od ilingan woy'd puungan dow mandad.

Juan 18:37

De‑en kahin Pilato kandin to, “Ko ungketen, hari ka vos en!” Kahin Disas to, “Ollog en kos id oseng du no hari a. Iyon unayan no mid undini a to ingod woy nominuvu, su amoy od nonaw a to kovonnaan. De‑en iddos langun nid ginawa to kovonnaan, od pominog koddi.”

Juan 3:29

Noko‑iling a to oukuy taddot od osawa nod sakup to kosaa rin. Ahad konna siyak kos od osawa, piru od kahaa a otik od korinog ku no iddos od osawa, nahaa taddot od osowan din. De‑en noponnu a to kahaan.

1 Corinto 11:1

Purisu mgo suwod, ikula a nikiyu iling taddot kod-ikuu ku ki Disas Krays.

Efeso 5:1

Na, pomon to mgo anak kowd man to Monama no id dokollan din to ginawa, ko-ilangan nod ikulon dow iddos kandin no kodbovotasan.

Hebreo 12:2

Konna ta id posuwoy kos kodtongtong ta riyot ki Disas, oyyos sikandin kos id pomonnan to keton kopomakoy, woy sikandin kos tohod-ipongnga tadda taman to worad kulang. Oyya su id ti-is sikandin diyon to krus woy id podtohon din iddos ilow tadda, su iyon din id poomdom, iddos kahaan to kodtobbus din keta. Na ko-ungkay, diyon don sikandin mid unsad lomig to kowanan to Monama.

Hebreo 6:20

Oyya su id unna ron man si Disas Krays diyot datas to langit atag keta. Sikandin kos Mowwet no Ponguu to mgo Tohodbuwis woy waad tomanon taddot pogko-tohodbuwis din iling ki Melquisedec.

1 Pedro 2:21

Id aam kow to Monama amoy'd ti-is to mgo kodposuppit, oyyos si Disas Krays, id ti-is mandad to kodposuppit atag koniyu, woy id boggoy koniyu to ponunggelengan amoy'd ikulon dow iddos kodbovotasan din.

1 Pedro 4:1

Na pomon to kodti-is ni Disas Krays taddot kodposuppit to lawa rin, ko-ilangan no nopanoy kow mandad nod ti-is iling kandin. Su iddos minuvu no mid ti-is to kodposuppit, id tanan don sikandin to saa.

1 Pedro 5:3

Yo kow mandad od loupig ko ondan kos id kopi-i row taddot mgo minuvu nid sanna koniyu, ko konna, ko-ilangan no id pokita row kandan kos moppiyon kodbovotasan, su amoy od ilingan kow nikandan.