Juan 10:2 - Manobo Obo

² Piru iddos tohodtamong to karnero, od ukit en to sobbangan.

Juan 10:2 Iomraidhean Croise

Mateo 15:11

Konnod pokolibmit iddos koka-an no id sungit to minuvu riyot bivig din. Iyon od pokolibmit kandin, idda en so morat no osengan nod leggua to bivig din.”

Juan 10:14

“Siyak kos moppiyon tohodtamong. Su iling taddot Amoy ku woy siyak no nokodsorolloy ron oraroy, nosorollan ku iddos koddin mgo karnero woy nosorollan a mandad nikandan, woy nopanoy a nod patoy atag da en kandan.

Juan 10:7

De‑en mid ikahi mandon si Disas to, “Bonnaavonnaa nod ikohiyon ku koniyu, no siyak kos sobbangan nod ukitan to mgo karnero.

Juan 10:9

Siyak kos sobbangan. Dos ahad ondoy nod usok ukit koddi, od kotobbus en. Od poko‑iling sikandin to karnero nod poko‑usok woy'd pokoleggua amoy od nangkap to moppiyon sobsavan.

Pinuungan 20:28

Ayyad-ayyad kow to koniyun kopomakoy woy bontayi row iddos langun nod pompomakoy no id potomongngan to Uhis no Ispiritu koniyu. Oyyos sikiyu me-en kos timbang tohodtamong to mgo karnero no idda en so od pompomakoy to Monama no id tobbus ukit to longossa taddot soosokkad no Anak din.

1 Timoteo 4:14

Gomitow kos kotuihan no id boggoy to Uhis no Ispiritu. Id boggoy idda kikow iddot timpu no duwon id poposaddoo to Monama ukit to mgo ponguu tod pompomakoy timpu no id torungngan dan kos uu ru to bollad dan diyon to koddasaa.

Tito 1:5

Na Tito, id posampot ku ra kikow, no id tuwos ku sikkow riyot isla to Creta, su amoy od ipongngan du iddos waa nopongnga no pinuungan ta, woy amoy od aam ka to od pombuyyahon tod pompomakoy riyon to ipat bonuwa. Yo ru kolingawi iddos pomandu ku kikow moka-atag taddot od aamon du.

Hebreo 13:20

Muopa no iddos Monama no id pomonnan to kosunayan, od potommu to langun no ko-ilonganon dow amoy'd kopuungan dow iddos id kopi-i rin. Sikandin kos id badnow ki Disas Krays nod Longaggon ta, no ukit to longossa rin, noposivonnalan iddos lammin kodpotonduwoy no od taman to waad tomanon. Oyyos sikandin en kos motuus no Tohodtamong ta no timbang mgo karnero rin. Woy ukit ki Disas Krays, muopa nod puungan to Monama rinit keta iddos id kahaa-i rin. Od doongon ta sikandin taman to waad tomanon. Oyya, od kotuman en ini.

1 Pedro 2:25

Dangan, to waa kow pa mid pomakoy ki Disas Krays, noko-iling kow to notarin no mgo karnero. Piru ko-ungkay, nokolivod kowd diyot ki Disas Krays no Tohodtamong woy Tohod-okudi koniyu.

1 Pedro 5:4

Na, otid livod don si Disas Krays no Ponguu to langun no Tohodtamong tod pompomakoy, od boggayan kow nikandin to ganti no oray'n motoos woy diid kowora, no idda en so kodlonug dow taddot bantug din no od taman to waad tomanon.

Id Pokita 1:20

Na, id ponudtuu ku kikow kos kohulugan taddot waa id posaddoo dangan moka-atag taddot pittun bitu-on no nokita ru ka-ay't kowanan no bollad ku, woy dos pittun ilowan no buawan no id poohinat. Dos pittun bitu-on, idda en kos pittun sinuhuwan to Monama no od tamong taddot id lolivuung nod pompomakoy riyot pittun bonuwa. Woy dos pittun suu nid poohinat, idda en kos pittun id lolivuung nod pompomakoy riyot pittun bonuwa.”