Juan 1:4 - Manobo Obo

⁴ Na inin Kahi, sikandin kos id pomonnan to umuu woy inin umuu, od pokoma‑awang to poomdom to mgo minuvu.

Juan 1:4 Iomraidhean Croise

Mateo 4:16

Iddos mgo minuvu rutun, noko-iling tid oubpa riyot mosukirom. Iling to id patoy ron sikandan, oyyos waa ran id kilaa to Monama. Piru init od ingumon allow, od kokita ran don kos ma-awang no se-aa nod taddow kandan.”

Lucas 2:32

Sikandin en iddos od poma‑awang to poomdom to konna mgo Judio no waa poron id kilaa kikow. Woy ukit kandin, od posivontuhon iddos minuvu ru no koubbaran ni Israel.”

Juan 11:25

Na kahin Disas to, “Siyak kos tohodbadnow woy id pomonnan to umuu. Iddos od pomakoy koddi, ahad pe‑en od patoy sikandin, duwon umuun waad tomanon.

Juan 12:35

Kahin Disas to, “Diid kouhoy, od kowora ron iddos ko‑owangan ka‑ay't koniyu. De‑en ipanow kow riyot ko‑owangan laggun to duma pa ini koniyu amoy dii kow od koso‑utan to mosukirom. Su iddos od ipanow riyot mosukirom, waa saddoo rin ko ingkon sikandin od undiyon.

Juan 12:46

Mid undini a amoy'd boggoy to ko‑owangan to mgo minuvu ka‑ay to ampow't ingod, su amoy iddos ahad ondoy nod pomakoy koddi, dii ron od ubpa riyot mosukirom.

Juan 14:6

Kahin Disas to, “Siyak kos daan, dos kovonnaan, woy dos id pomonnan to umuu. Waa od poko‑undiyon to Amoy ku otik dii od baya koddi.

Juan 3:19

Iddos unayan nod silutan sikandan, oyyos waa ran tonggapa iddos ko‑owangan no mid undini to ingod. Iyon dan moho id dokollan to ginawa, iddos mosukirom kuntra taddot ko‑owangan, su morat man kos pinuungan dan.

Juan 5:21

Oyyos od bodnawon to Amoy ku iddos id poomatoy woy'd boggayan din sikandan to umuu. Iling mandad tadda, siyak no Anak din, od boggoy mandad to umuu riyot ahad ondoy no id kopi‑i ku nod boggayan.

Juan 5:26

Su iddos Amoy ku kos id pomonnan to umuu woy siyak mandad no Anak din, od pokovoggoy taddon umuu, oyya su id boggayan a nikandin to kotungud to kodboggoy tadda.

Juan 8:12

Na mid ikahi mandon si Disas diyot mgo minuvu to, “Siyak kos ko‑owangan nod taddow to mgo minuvu ka‑ay to ampow't ingod. Dos od dumoruma koddi, dii ron sikandin od oubpa riyot mosukirom, su riyon don man to kandin iddos ko‑owangan nod pokovoggoy to umuun waad tomanon.”

Juan 9:5

Oyyos laggun to ka‑ay a pa, siyak kos ko‑owangan nod taddow to mgo minuvu ka‑ay to ampow't ingod.”

Pinuungan 26:23

Oyyos id ikahi ran no iddos Mesiyas, ko-ilangan en nod ukit to kosupittan woy'd patoy. Woy id ikahi ran mandad no sikandin en kos unnon novadnow amoy'd posivonnaa riyot mgo Judio woy riyon mandad to konna mgo Judio moka-atag to ko-owangan to poomdom amoy od kosorollan dan ko momonnu sikandan id tobbus to Monama.”

1 Corinto 15:45

Nosorollan ta ini, su no-ikahi riyot Nosulat no Kahit Monama no, “Si Adan no unnon minuvu, id boggayan to umuu amoy'd poko-oubpa ka-ay to ampow't ingod.” Piru si Disas Krays nod ngoranan no kotompusan no Adan, sikandin kos id boggoy to umuun waad tomanon amoy od poko-ubpa ki riyot datas to langit.

Efeso 5:14

Su otid kotorawwan iddos diyot mosukirom, od ma-awang en kos langun. Idda en mandad kos kohulugan taddot osengon no mid ungketen to, “Sikkow no id tinuhon, gimata kad. Sikkow nid patoy, onnow kad su od torawwan ka ni Disas Krays.”

Colosas 3:4

Na, to kodlivod ni Disas Krays no iyon id pomonnan taddot lammin umuu row, od kolonug kow mandad taddot kopiyannoy woy kodposivantug kandin.

1 Juan 1:1

Id sulat ku ini, amoy od ponudtuu koniyu moka-atag kandin no id ngoranan no Kahi no od pokovoggoy to umuun waad tomanon. Duwon don sikandin pomon poron to tigkonayan. Na sikami no mgo tinodduwan, norinog doy ron en sikandin, matamata roy tid kita woy nosomaddan doy sikandin.

1 Juan 1:2

Id pokita sikandin ka-ay to ampow't ingod. Woy pomon to nokita roy en sikandin, id posivonnaa woy id ponudtuu roy koniyu iddos moka-atag kandin no id pomonnan to umuun waad tomanon. Duma sikandin to Monama pomon poron to tigkonayan, woy id pokita sikandin konami.

1 Juan 5:11

Iyon id posivonnaa to Monama, no id boggayan ki nikandin to umuun waad tomanon, woy inin umuu, diyon en to Anak din.

Id Pokita 22:1

Na, id pokita koddi to ponolihan iddos od aus no oweg no od ngoranan no oweg nod pokovoggoy to umuu. Motingngow idda iling to oungan, woy id pomon diyot trunu to Monama woy riyot Natin Karnero.

Id Pokita 22:16

“Siyak si Disas, id popiyod ku iddos koddin ponolihan amoy od posaddoo kikow moka-atag ka-ay'n kotomanan, su amoy id ponudtuu ru mandad ini langun diyon tod lolivuung nod pompomakoy. Siyak kos lubbad ni Harin David, woy siyak en iddos oray'd se-aa no bitu-on to sollom.”