Juan 1:1 - Manobo Obo

¹ Diyot tigkonayan to waa pa novovalli kos langun, duwon don tapoy iddos od ngoranan no Kahi. Na inin Kahi, duma to Monama woy inin Kahi, Monama.

Juan 1:1 Iomraidhean Croise

Mateo 1:23

“Dos sokkad no mongovay, od movoddos woy od anak sikandin to mama. Iddon anak, od ngoranan to Emmanuel,” no iddos kohulugan, dos Monama duma keta.

Lucas 24:53

Ipat allow, od undiyon sikandan to templo woy id posivontuhan dan kos Monama.

Juan 1:14

Na iddon Kahi, nominuvu woy mid ubpa duma keta. Noponnu sikandin to eru woy kovonnaan. Nokita roy dos kopiyannoy woy kotuusan taddot soosokkad no Anak no id pomon to Monamon Amoy.

Juan 1:18

Waa poron ahad sokkad no minuvu no nokokita to Monama. Piru id pokilaa sikandin ka‑ay't keta taddot soosokkad no Monamon Anak no id dokollan to ginawa taddot Monamon Amoy.

Juan 1:2

Pomon poron to tigkonayan, iddos Kahi, duma ron to Monama.

Juan 16:28

Id pomon a riyot Amoy ku woy mid undini a to ampow't ingod. Piru ko‑ungkay, od tanan a ka‑ay woy'd livod a riyot kandin.”

Juan 17:5

Na ko‑ungkay, Amoy ku, posivontuhi a riyot isowwan du iling taddot bantug ku dangan laggun to duma a kikow to waa pa novovalli kos ingod.

Juan 20:28

Kahin Tomas kandin to, “Sikkow en kos od Longaggon woy Monama ku.”

Juan 8:58

Mid tavak si Disas to, “Bonnaavonnaa nod ikohiyon ku koniyu, no to waa pa id tobbow si Abraham, duwon ad!”

Roma 9:5

Koubbaran sikandan taddot nongovantug no kovuyyahan doy. Woy dos Mesiyas no si Disas Krays, lubbad dan mandad, su nominuvu sikandin no sokkad no Judio. Iddos Monama no id hari to langun, ollog nod doongon to waad tomanon. Oyya, od kotuman en ini.

Efeso 3:9

Woy id popiyod a nikandin, su amoy id paabbotlabbot ku riyot langun no minuvu iddos kodtuman to Monama taddot puhawang din. Oyya su iddos Monama no mid bovaa to langun, waa rin ini id posaddoo pomon poron to tigkonayan,

Filipos 2:6

Ahad Monama sikandin, piru waa sikandin id popoomdom nod pokidtoppong to Monamon Amoy rin ukit to kandin no konokkaan.

Colosas 1:15

Na riyot ki Disas Krays, od kokita ta iddos botasanon to Monama no konnod kokita. To waa pa novovalli inis ingod, duwon don tapoy si Disas Krays woy lampas sikandin to langun.

Colosas 1:17

To waa pa novovalli kos ahad ondan, duwon don tapoy sikandin, woy sikandin kos id tapid to langun no binovallan woy no-iraom idda to kandin no kotungud.

1 Timoteo 3:16

Nokosaddoo ki no dakkoo kos koru-anon taddot id pomokayan ta no waa pa id posaddoo dangan, piru ko-ungkay, id posaddoo ron idda keta ukit ki Disas Krays. Oyya su id pokita sikandin ka-ay to ampow't ingod iddot nominuvu sikandin woy id pakpak diyon to krus. Id posivonnalan to Uhis no Ispiritu no Anak en sikandin to Monama. Nokita mandad sikandin to mgo ponolihan. Noponudtuu iddos moka-atag kandin diyot nokod-osso-osson tribu ka-ay to ampow't ingod. Id pomakoy kandin kos mgo minuvu riyon to intirut ingod. Woy id batun sikandin diyot datas to langit amoy'd posivontuhan.

Tito 2:13

Idda en kos od botasanon ta laggun tod aangat ki taddot moppiya nod kotomanan ta init allow no od kokita tad iddos se-aa to kotuusan ni Disas Krays no Monamon motuus woy Tohodtobbus ta.

Hebreo 13:8

Si Disas Krays, waa en kopolinan pomon poron dangan, ko-ungkay woy taman to waad tomanon.

Hebreo 7:3

Waa no-ituu riyot Nosulat no Kahit Monama ko ondoy kos amoy woy inoy ni Melquisedec, ahad iddos kovuyyahan din. Waa mandad no-ituu iddos moka-atag to kodtobbow woy kopotayan din. Purisu noko-iling sikandin taddot Anak to Monama, oyyos waa mandad od tomanon taddot pogko-tohodbuwis din.

2 Pedro 1:1

Siyak si Simon Pedro no uripon ni Disas Krays, woy sokkad a mandad taddot mgo apostoles din. Id sulat ku ini atag koniyu no nokotanggap to kopomakoy no dakkoo kos koru-anon iling to konamin kopomakoy ukit to kotoongngan ni Disas Krays no Monama woy Tohodtobbus ta.

1 Juan 5:20

Nokosaddoo ki mandad no mid undini kos Anak to Monama ka-ay to ampow't ingod, woy id pokesan din kos poomdom ta amoy'd kokilaa ta iddos bonnaan Monama. Ko-ungkay, nosokkad kid diyot kandin, oyyos nosokkad ki man diyot Anak din no si Disas Krays. Sikandin en kos bonnaan Monama woy id pomonnan to umuun waad tomanon.

1 Juan 5:7

De-en otollu kos id posivonnaa moka-atag ki Disas Krays.

Id Pokita 1:11

no mid ungketen to, “Sulat du kos langun nod kokita ru, woy popiyod du riyon to pittun id lolivuung nod pompomakoy no riyot mgo bonuwa to Efeso, Smirna, Pergamo, Tiatira, Sardis, Filadelfia woy riyot Laodicea.”

Id Pokita 1:17

To nokita ku sikandin, nopiloy a riyon lomig to pa-a rin no immat id patoy ad. Piru id somaddan a nikandin to kowanan no bollad din, woy kahi rin to, “Yo kod kovaakki. Siyak kos Tigkonayan woy dos Kotompusan.

Id Pokita 1:2

Id sulat ku ka-ay iddos langun no nokita ku moka-atag taddot ponudtulon to Monama no id posivonnalan ni Disas Krays.

Id Pokita 1:8

Dos Monama nod Longaggon no Motuus to Langun, mid ikahi to, “Siyak kos Alpa woy Omega, no iddos kohulugan, dos tigkonayan woy dos kotompusan. Duwon ad to waa pa iddos tigkonayan to ingod, ahad ko-ungkay, woy taman to waad tomanon.”

Id Pokita 19:13

Mid sukub sikandin to ogget no id aggom to longossa, woy id ngoranan sikandin no Kahit Monama.

Id Pokita 2:8

Na mid ikahi sikandin koddi to, “Sulatow ini atag to sinuhuwan to Monama riyon to id lolivuung nod pompomakoy to Smirna. Ini kos od osengon ku no id sulat du: ‘Siyak kos Tigkonayan woy dos Kotompusan to langun. Id patoy ad, piru ma-antoy a taman to waad tomanon.

Id Pokita 21:6

Ponayun sikandin mid ikahi to, “Notuman don kos langun! Siyak kos Alpa woy Omega, no iddos kohulugan, dos tigkonayan woy dos kotompusan. Iddos minuvu no notokkangan, od po-inommon ku to oweg no waa bayad pomon diyot sobsob no od pokovoggoy to umuun waad tomanon.

Id Pokita 22:13

Siyak kos Alpa woy Omega, oyyos siyak kos unna woy dos mori, dos tigkonayan woy dos kotompusan.”

Id Pokita 3:14

Na mid ikahi sikandin koddi to, “Sulatow ini atag to sinuhuwan to Monama riyon to id lolivuung nod pompomakoy to Laodicea. Ini kos od osengon ku no id sulat du: ‘Siyak kos od ngoranan no Bonnaa, su kosolihan a woy dos langun no id posivonnalan ku, mooggot en. Woy siyak en mandad kos id pomonnan to langun no binovallan to Monama.