1 Juan 5:3 - Manobo Obo

³ Su iddos mooggot no kodginawa ta riyot Monama, od kokita ukit to kodtuman to mgo suhu rin. Woy dos mgo suhu rin, konna mohirap nod tumanon.

1 Juan 5:3 Iomraidhean Croise

Mateo 23:4

Id povoggatan dan kos mgo minuvu nod tuman taddot id podluntudluntud dan no mgo suhu no id pohos dan nod ikulon. Piru waa ran man id tavang kandan nod tuman tadda, ahad disok da.

Juan 14:15

Na ponayun mid ikahi si Disas to, “Otik id ginowannan a nikiyu, tumana row kos koddin mgo suhu.

Juan 15:10

Otid tumanon dow kos koddin mgo suhu, konnod pitas iddos ginawa ku riyot koniyu. Na iling mandad koddi no id tuman taddot mgo suhu to Amoy ku, waa id pitas iddos ginawa rin dinit koddi.

Juan 15:14

Otid tuman kow to koddin mgo suhu, mgo oukuy ku en sikiyu.

Roma 7:12

Purisu nosorollan ta no iddon mgo Suhu, id pomon to Monama woy dos langun nid nonaw rutun, ollog en, motallong woy moppiya.

Roma 7:22

Ka-ay't poomdom ku, oraroy a nod kahaa taddot mgo suhu to Monama.

Hebreo 8:10

Na, ini en kos lammin kodpotonduwoy nod puungan ku riyot mgo minuvu to Israel init od ingumon mgo allow. Id ta-aw ku kos koddin mgo Suhu riyot poomdom dan, woy id pomuwa ku ini riyot pusung dan. Od kovovallan a no Monama ran, woy sikandan, od kovovallan no mgo minuvu ku.

1 Juan 2:3

Na, ukit to keton kodtuman to mgo suhu to Monama, od kosorollan ta en no oraroy ta sikandin nokilaa.

2 Juan 1:6

Dos ginawa, idda en so kodtuman to mgo suhu to Monama. Woy id suhu ki nikandin nod pohinowannoy, oyyos ini en kos norinog ta pomon poron to tigkonayan to keton kodpomakoy.