Vahebrayo 8:3 - Nyamwezi New Testament 1951

³ Kwisi kila muhozya muhanya alitulwa kigele afumye fipanwa na fitambo; kunguno yeniyi yilimu dima mwenuyu nawe ave nacho cha kufumya.

Vahebrayo 8:3 Iomraidhean Croise

Yohana 6:51

Nene ndi mukate muzuvuku hogwene gwikile kufuma kwilunde; munhu homwene aligulya mukate gwenugu akuzuvuka myaka de; na mukate hogwene nkugupana guli muvili gwane, hogwene nkugupana ku vuzuvuku wa liwelelo.

Varoma 4:25

mwenuyo wamuhembukaja Yesu, Guku wiswe, ku lufu, homwene wapanilwe kunguno ya mapuvyo giswe, na wahembukivilwe, kigele tugololwe nawe.

Varoma 5:6

Kwisi henaho twavagi tutali tusakalile, aho itungo lyafikaga Kristo watufwilaga vʼivengwe.

Varoma 5:8

Alisi Mulungu watolekaja kutogwa kwakwe kuwiswe mwenumo ati Kristo watufwilaga, aho twavagi tutali tuli vakenaguzi.

Vagalatia 2:20

Nakomelilwe ku musigiti hamohene na Kristo; sisyo nkavile nene homwene alizuvuka hangi, sumbwa Kristo alizuvuka mugati na nene; na vuzuvuku wenuvu ndi navo lelo mu muvili gwane ndizuvuka mugati na kumusanizya Mwana wa Mulungu homwene wantogilwe na wipanile mwenekili kuwane.

Vaefeso 5:2

kitisi vana vatoneke; musimize mugati na kutogwa, kitisi Kristo mwene wamutogagwa inwe na wipanaga mwenekili kuwinwe, kipanwa na kitambo kumwa Mulungu hochene kili na vumotu vusoga.

Tito 2:14

homwene wipanaga mwenekili, kigele atukomole kufuma wigomu vose, na igusile kuwakwe mwenekili va chalo chakwe hovene vali vagangadiku mu milimo misoga.

Vahebrayo 2:17

Kunguno yeniyi yamudimaga kukolaniziwa na vaduguye mugati na gose, kigele ave muhozya muhanya wa kigongo na mujamu hambele na Mulungu, avezye vukomozi ku mavukenaguzi ga vanhu.

Vahebrayo 3:1

Kunguno yeniyi vadugu vane vasondo, va lusangi lwa lwito lwa mwilunde, mumwikomaje Mutume na Muhozya Muhanya wʼisanizyo liswe, homwene ali Yesu;

Vahebrayo 5:1

Kwisi kila muhozya muhanya, homwene alilahwa mugati na vanhu, alitulwa kunguno ya vanhu amutumamile Mulungu, kigele afumye fipanwa na fitambo

Vahebrayo 7:27

Akafundile nsiku zyose, kitisi vahozya vahanya avo, kufumya fitambo, hambele ku mavukenaguzi gakwe mwenekili, na haho ku genayo ga vanhu; kwisi witaga syenisyo kamo, aho wifumaja mwenekili.

Vahebrayo 8:4

Lelo, ulu wavagi mu liwelelo, mbe wavagi akavile muhozya, kunguno valiho va kufifumya fipanwa kitisi ngʼhama zililagila;

Vahebrayo 9:14

zoma galivasondohya ku vusondo wa muvili, haho kingi muno magazi gamwa Kristo, homwene ku nguzu zya Roho wa hanahana wifumaja mwenekili kitambo vuduhu kimelo kumwa Mulungu, gakumugusa myoyo zinwe ku milimo yafwile, kigele mumwisenge Mulungu muzuvuku?