Ugunulo 19:4 - Kilagane Kisha (Kenya)

⁴ Na o azhere mirongo miri na ane na ao zhumbe ane a moyo, madzigwaga na moyo makimuvoya Mulungu. Mamuvoya iye Mulungu ariye akeresi kahi za kihi cha endzi, makiamba, “H'aami. H'aleluya!”

Ugunulo 19:4 Iomraidhean Croise

Math'ayo 28:20

Na muafundishe magagwire maut'u gosi nirigomulagiza. Na lola mimi nindakala hamwenga nanwi siku zosini muhaka mwisho wa dhunia.”

Math'ayo 6:13

Na usihuhirike majezoni, ela huokole na ye Mui.

1 Akorintho 14:16

Nahuambe unamboza muv̱era kwa Mulungu, be uumboze kahi za luga isiyoeleweka, mwandziyo asiyeelewa, andaambadze “H'aami!” kwa wo muv̱erao udziwolazha kala k'amanya unaambadze?

Ugunulo 15:7

Gonya mumwenga wa ao zhumbe ane, akiagolozera o malaika afungahe ndhuwa fungahe za dhahabu zidzizodzala k'oro za iye Mulungu aishiye kare na kare.

Ugunulo 19:1

Bada ya iye malaika mwenye wadimi kumarigiza kunena, nasikira mumiro here wa kundi bomu ra at'u kuko mulunguni. Bai at'u ao maluta mimiro makiamba, “H'aleluya! Mulungu wehu ndiye aokolaye at'u, nde mwenye nguma, na wadimi.

Ugunulo 19:3

Bai makiluta mimiro yao kaheri makiamba, “H'aleluya! Uwo mosi umbolao kahi za wo moho umuochao ye malaya unaenderera kwenda dzulu hatha kare na kare.”

Ugunulo 19:6

Vinakira vizho, nikisikira mumiro here wa kundi bomu ra at'u, here wa mwamba ududumizao na here wa kigwaragwara. Bai mumiro uwo wanena zhomu ukiamba, “H'aleluya! Mana iye Bwana Mulungu wehu mwenye nguvu zosi, anathawala.

Ugunulo 5:14

Na zho zhumbe vine zha moyo vikidzigidzya vikiamba, “H'aami.” Na o azhere makigwa makivoya.