Ugunulo 18:21 - Kilagane Kisha (Kenya)

²¹ Gonya hakimbola malaika mwenye wadimi, akihatsola riiwe ribomu here lwalwa, akiritsuha mumo baharini. Akiamba, “Wo mudzi mubomu wa Babiloni nawo undahenderwa vivi zhenye. Undavugurizwa ts'i kwa nguvu na k'aundaonewa kaheri.

Ugunulo 18:21 Iomraidhean Croise

Ugunulo 10:1

Gonya nikiona malaika mungine kaheri mwenye wadimi anathima kula mulunguni. Were adzadengerekwa ni maingu na dzulu za kitswache were hana kisiki cha v̱ula. Suraye were ni here dzuwa na maguluge were ni here viguzo zha moho.

Ugunulo 12:8

Ela riro ridzoka na o malaikae makishindwa na kuko mulunguni k'amakalire na hat'u ha kukala kaheri.

Ugunulo 16:20

Kila kisiwa changamika na mirima k'aionekanire kaheri.

Ugunulo 18:10

Mandahenda kuima kure kwenye kwa kugoha kupatwa ni gago mateso ga kwakwe. Mandaamba, “Undagamanya wenye wo mudzi wa Babiloni! Mudzi mubomu wenye nguvu, udzahukumiwa kwa muda wa saa mwenga thu.”

Ugunulo 18:22

Ndani mwako uwe Babiloni, k'amundasikirwa wira upigwao na vinubi, hedu mimiro ya at'u, hedu kusikira apigi a gunda, hedu apigi a kivoti. K'akundasikirwa mumiro wa lwalwa kaheri, kidza k'akundakala na fundhi yoyosi.

Ugunulo 20:11

Gonya nikiona mut'u adzakeresira kihi kibomu cha endzi, charuhe tse. Na mulunguni na ts'i vichangamika, kula haho k'avionekanire kaheri.

Ugunulo 5:2

Nikitsuha matso kaheri na nikiona malaika mwenye wadimi analuta mumirowe na kuamba, “Ni h'ani av̱iryaye kubanda yo mihuri na kukivugula cho chuwo?”