Ugunulo 18:2 - Kilagane Kisha (Kenya)

² Bai akinena kwa sauthi ya dzulu akiamba, “Mudzi mubomu wa Babiloni udzagwa benwi udzagwa! Vivi be udzakala mudzi wa mashethani na p'ep'o achafu na ukolo wa kila samupuli. Udzakala kitsunji cha unyama uchafu wa kubururuka wa kila aina, unyama wa kisirani.

Ugunulo 18:2 Iomraidhean Croise

Ugunulo 1:15

Maguluge gere ganang'ala-ng'ala here ng'andu idziyoochwa gonya ikatsulwa. Mumirowe were ni here mururumo wa madzi manji.

Ugunulo 10:3

Na akiiha kwa mumiro mubomu sana here simba arurumazho. Arihoiha, kigwaragwara chadzigidzya kwa kududumiza tha k'ana fungahe.

Ugunulo 11:8

Na miri yao indagwagwa kahi za ngira bomu za mudzi mubomu ambako ndo arikosulubiwa Bwana wao. Na mudzi uwo kimafumbo unaifwa Sodomu na Misiri.

Ugunulo 14:15

Gonya kahi za ro Hekalu kuchambola malaika mungine akidzapiga luchemi zhomu kumwamba iye ariyekala akelesi ho inguni, “Bai mavuno ga dhunia ga thayari na wakathi wa kuvuna udzafika, kwa vizho hala upangao ukwatye kuvuna.”

Ugunulo 14:8

Bai ye malaika arihoziwiwa hambola malaika mungine mwenye akiamba, “Udzagwa! Mudzi mubomu wa Babiloni, udzagwa! Mudzi uriwohenda urumwengu muzima unwe divai ya mathuruthuru ga uzindzi wa kwakwe, udzagwa!”

Ugunulo 16:13

Gonya nikiona roho t'ahu k'olo here zhula zichambola kula kahi za kanwa ka ro ridzoka na ro rinyama na kula kahi za kanwa ka ye nabii wa ulongo.

Ugunulo 16:19

Wo mudzi mubomu ukigazhika k'ana t'ahu, na yo midzi mibomu ya urumwengu muzima ikinongwa-nongwa yosi. Na Mulungu k'ausahauire bule wo mudzi wa Babiloni. Waulazimisha ukwakwahire cho kikombe cha divai kiricho kinaima hat'u ha k'oro za Mulungu.

Ugunulo 17:18

Iye mwanamuche udziyemona, ni wo mudzi mubomu uathawalao o athawali a urumwengu.”

Ugunulo 17:5

Haho kidhanguni hakwe were handhikwa dzina ririro k'arimanyikana manaye. Na dzina renye ndo riri, “MUDZI MUBOMU WA BABILONI, MAMEYE MALAYA OSI, na MAMEYE MATHURUTHURU GOSI HAHA DHUNIANI.”

Ugunulo 18:10

Mandahenda kuima kure kwenye kwa kugoha kupatwa ni gago mateso ga kwakwe. Mandaamba, “Undagamanya wenye wo mudzi wa Babiloni! Mudzi mubomu wenye nguvu, udzahukumiwa kwa muda wa saa mwenga thu.”

Ugunulo 18:21

Gonya hakimbola malaika mwenye wadimi, akihatsola riiwe ribomu here lwalwa, akiritsuha mumo baharini. Akiamba, “Wo mudzi mubomu wa Babiloni nawo undahenderwa vivi zhenye. Undavugurizwa ts'i kwa nguvu na k'aundaonewa kaheri.

Ugunulo 5:2

Nikitsuha matso kaheri na nikiona malaika mwenye wadimi analuta mumirowe na kuamba, “Ni h'ani av̱iryaye kubanda yo mihuri na kukivugula cho chuwo?”