Ugunulo 17:4 - Kilagane Kisha (Kenya)

⁴ Ye mwanamuche were adzavala joho ra rangi ya zambarau na rangi th'une. Kidza were adzapambwa na dhahabu, vikolokolo zha kima kibomu na lulu. Mukononi mwakwe were adzagwirira kikombe cha dhahabu kirichokala kithele mathuruthuru na vit'u vikolo, zha uwo uzindziwe.

Ugunulo 17:4 Iomraidhean Croise

Ugunulo 14:8

Bai ye malaika arihoziwiwa hambola malaika mungine mwenye akiamba, “Udzagwa! Mudzi mubomu wa Babiloni, udzagwa! Mudzi uriwohenda urumwengu muzima unwe divai ya mathuruthuru ga uzindzi wa kwakwe, udzagwa!”

Ugunulo 18:12

K'ahana kamare agulaye zo dhahabu zao, na fedha, na hedu go mawe gao ga kima kibomu, kitani safi na nguwo za zambarau, na th'une, na hariri. K'ahana agulaye mihi yoyosi ya udhi na vit'u zhosi vitengezwazho na p'embe za ndzovu, na mbao za gali, na vit'u zha ng'andu, na zha chuma, na zha marimari.

Ugunulo 18:16

Mandaamba, “Undamanya wenye uwo mudzi mubomu. Mudzi uriwokala ukidzivika, kitani safi, nguwo th'une na za zambarau, na kudzipamba na dhahabu, na mawe ga kima kibomu, na lulu.

Ugunulo 19:2

Mana iye anahukumu kwa ngira ya jeri na ya hachi. Naye adzamuhukumu ye mwanamuche malaya, ariyenonga yo ts'i na uwo uzembewe. Na pia adzamurihiza kwa ut'u wa iyo milatso ya o ahumikie.”

Ugunulo 21:21

Yo miryango mibomu kumi na miri were ni ya lulu kumi na mbiri. Kila muryango were watengezwa kwa lulu mwenga. Barabara za mudzi uwo were zatengezwa na dhahabu safi, inyesayo here kilolo.

Ugunulo 9:21

H'aya zho mbai bai, at'u aa makahala kuricha kwalaga, utsai, uzindzi na wivi.