Ugunulo 14:7 - Kilagane Kisha (Kenya)

⁷ Bai akinena zhomu akiamba, “Wakathi wa kumuhukumu mudamu udzafika. Kwa vizho mup'eni nguma Mulungu kidza muheshimuni. Muvoyeni iye ariyeumba mulunguni na ts'i, na bahari, na matso gosi ga madzi.”

Ugunulo 14:7 Iomraidhean Croise

Math'ayo 25:13

Jesu arihomarigiza ro fumbo riro akiamba, “Kwa vizho, kalani thayari wakathi wosi, mana k'amumanya maut'u gaga gandakala siku yani na saa yani.”

Luka 17:18

Yani k'ahaonekanire mut'u wakudzalazha muv̱era na kumulika Mulungu, hatha ni yuyu Musamaria h'akeye ambaye hatha si Muyahudi kamare?”

Mahendo 14:15

“Asena, kwanoni munahenda kit'u dza kino? Siswi naswi be fu at'u thu, fu binadamu dza here ninwi. Siswi fudzamurehera Uv̱oro Udzo, hudzire humwambire muriche kuhasa vit'u vivi visizho mana na mumugalukire Mulungu ariye moyo, na ariyeumba dzulu na ts'i na bahari na zhosini virizho mumo.

1 P'et'ero 4:7

Musindikizo wa maut'u gosi u hehi, kwa vizho suthi mukale matso na kidza at'u a kudzunya ili mudime kuvoya.

Ugunulo 11:13

Na wakathi uwo wenye ts'i ikithukuka ut'u wa kwangalaza. Sehemu mwenga ya sehemu kumi za wo mudzi yagwa na ikilaga at'u alifu fungahe. O at'u mariothia, mangirwa ni woga na makimup'a nguma Mulungu ariye dzulu mulunguni.

Ugunulo 11:18

At'u mario si Ayahudi mana k'oro, ela wakathi wa kwako wa kwanyesa k'orozo udzafika. Wakathi wa kuhukumu at'u mariofwa na kuap'a zawadi ahumikio, manabii na at'uo, na osi marigohao dzinaro, hariho abomu na athithe. Wakathi udzafika wa kuanonga-nonga ao manongao ts'i.”

Ugunulo 15:4

Ni h'ani Bwana asiyekugoha na kurilika dzinaro? Uwe h'akeyo ndiwe uriye u mueri Bwana. Na kwa kukala mahendogo ga hachi ganaonekana lwazu, makabila gosi ga at'u gandakudza na gakuvoye uwe.”

Ugunulo 16:9

Bai at'u makiochwa ni wo moho wa dzuwa, na makirilani riro dzina ra Mulungu, ariye iye ndiye mwenye wadimi dzulu za go mapigo. Kidza k'amathubire na kumup'a nguma Mulungu.

Ugunulo 18:10

Mandahenda kuima kure kwenye kwa kugoha kupatwa ni gago mateso ga kwakwe. Mandaamba, “Undagamanya wenye wo mudzi wa Babiloni! Mudzi mubomu wenye nguvu, udzahukumiwa kwa muda wa saa mwenga thu.”

Ugunulo 18:17

Uwo uthajiriwe wosi udzangamika kwa muda wa saa mwenga thu-thu-thu.” Ao abomu a zo meli, o mabaharia, o azharo na osi mariokala madzagwirwa mukono ni yo bahari maima kure.

Ugunulo 18:19

Na lola marira na kushikithika. Makidzimwagira mitsanga ya kitswa na kuamba, “Undamanya wenye mudzi uwo mubomu. Mudzi uriwo kukirira na uwo uthajiriwe, waahenda mathajiri o at'u enye meli mo baharini. Vino vivi udzangamizwa kwa muda wa saa mwenga.”

Ugunulo 19:5

Gonya ho henye cho kihi cha endzi hachambola mumiro ukiamba, “Mulikeni Mulungu wehu ninwi ahumikie nyosi, ninwi mumuheshimuo, hariho mubomu hariho muthithe.”

Ugunulo 4:11

“Mulungu wehu uriye Bwana wehu unav̱irya kuhokera nguma na ishima na wadimi. Kwa kukala waumba vit'u zhosi, na kwa kuhendzako mwenye zhaumbwa vikaleko.”

Ugunulo 4:9

Na wakathi wosi virihokala zho zhumbe vine vinamwimbira maira ga nguma na ishima na muv̱era ye ariyekala akelesi dzulu za cho kihi cha endzi, aishiye kare na kare,

Ugunulo 8:10

Malaika wa hahu akipiga gundare. Nyenyezi bomu iakayo here mui ikigwa dzulu za luhande lumwenga lwa miho na matso ga madzi.