Ugunulo 12:2 - Kilagane Kisha (Kenya)

² Mwanamuche yuyu were adzafikirwa na were a hehi na kudzivugula. Be wo utsungu wa mazhazi wamuhendya arire.

Ugunulo 12:2 Iomraidhean Croise

Math'ayo 24:8

Ela gago gosi gandakala ni mwandzo wa utsungu thu.”

Johana 16:21

Wakathi wa utsungu wa mwanamuche amalaye kuzhala ukifika, ye mwanamuche nikukala ana kigondzi. Ela agonyaho kuzhala mwanawe ni kusahau wo utsungu. Vivi ni kwa sababu ya iyo furaha ya kureha mwana dhuniani.

Agalatia 4:19

Anangu ahendzwi, mimi be nina utsungu kaheri kwa ut'u wenu. Nina utsungu dza uryahu wa mwanamuche amalaye kudzivugula. Nami nindakala nawo vizho wo utsungu muhaka maisha genu gakale here ga Masihi.

Agalatia 4:27

Mana Maoro ganaamba, “Tseka uwe m'ama uriye t'asa, uriyekuzhala! Piga londzo na njerejere, uwe uriye k'umanya utsungu wa mwana. Kwa kukala iye m'ama ariye h'akeye, andapata ana anji kushinda iye mwenye mulume.”

Ugunulo 12:4

Rikishera sehemu mwenga ya zo nyenyezi na uwo mukirawe na rikizitsuha ts'i. Rikiima mbere za ye mwanamuche ili akidzivugula thu rimumize ye mwana.