Math'ayo 5:25 - Kilagane Kisha (Kenya)

²⁵ Mut'u akikala anakuhirika kotini, baha mugamarigizire mo ngirani, mana usihohenda vizho, andakufisha kwa jaji, na iye jaji andakulazha kwa shikari wangizwe ndani.

Math'ayo 5:25 Iomraidhean Croise

Math'ayo 26:58

Marihokala makwendani, P'et'ero wamuthuwa Jesu kwa kure. Wakwenda hatha achendangira muhalani ha ye Mulombi mubomu mwenye, akikelesi na o arindzi ili alolere chamba vindakaladze.

Luka 18:3

Na bai kahi za mudzi uryahu vizho kwere kuna mwanamuche gungu ariyekala achenda kwa yuyahu jaji kila siku na kumwamba, ‘K'unip'a hachi yangu dzulu za yuno hadhui yangu?’

2 Akorintho 6:2

Kwani Mulungu anaamba, “Nakusirikiza kwa wakathi mudzo, Wakathi wa wokolwi nikidzakwaviza.” Bai, lola! Wakathi mudzo ni vivi kare, lola wakathi wa wokolwi ni vivi kare.

Aeburania 12:17

Na hatha ninwi nanwi munavimanya zho virizhokala. Kwani badaye wamala kupata baraka za babaye here mwana mukulu, ela vikikala k'azhadimikika bule. Warira ga milatso kumala nafasi ya kuthubu, ela k'aipatire.

Aeburania 3:13

Kanyanani enye kwa enye, p'ore mut'u akakengwa ni dambi akahenda singo nyomu hatha akakahala kumusikira Mulungu. Kwani iyo “Rero” iriyonenwa ni Roho kufuonya, be vivi idzahulenga siswi.

Aeburania 3:7

Bai kwa ut'u uwo wenye, ye Roho Mweri anaamba kukala, “Rero musikiraho mumirowe,