Math'ayo 11:29 - Kilagane Kisha (Kenya)

²⁹ Rivaleni gogo rangu, mudzifundishe kwangu, kwa kukala mimi ni mup'eho na mup'ore, nanwi mundaoya kamare kahi za maroho genu.

Math'ayo 11:29 Iomraidhean Croise

Math'ayo 17:5

Lola P'et'ero were k'adzatosa, kuchambola ingu ra kung'ala rikidzaafinikira. Na sauthi ikimbola mo inguni ikiamba, “Yuyu nde Mwanangu muhendzwi anifwahizaye, musirikizeni iye.”

Math'ayo 21:5

“Ambireni at'u a mudzi wa Sayuni kukala, ‘Lolani, muthawali wenu anamudzirira. Ni mup'ore na adzakwera dzulu za ndzowe, kidza mwana wa ndzowe.’ ”

Math'ayo 28:20

Na muafundishe magagwire maut'u gosi nirigomulagiza. Na lola mimi nindakala hamwenga nanwi siku zosini muhaka mwisho wa dhunia.”

Math'ayo 7:24

Jesu akienderera kufundisha akiamba, “Mut'u andiyesirikiza gaga maneno gangu na kugagwira, adzahalana na mut'u mumwenga mulachu ariyeaka nyumbaye iweni.

Luka 8:35

Bai o at'u duu machendalola zho virizhokala vidzahendeka. Marihokudza kwa Jesu makimona ye ariyekala adzambozwa p'ep'o akelesi ho maguluni ha Jesu na adzavala nguwo kidza akilize ni ndzima. Kuona vizho o at'u makingirwa ni woga.

Johana 13:15

Mana nidzamwanyesa mufano ili muhende here nidzizhomuhendera.

Johana 13:17

Vikara murizho mudzamanya maut'u gaga, bai mundahaswa mundihogahenda.

Mahendo 7:37

Yuyu nde iye Musa ariyeambira o Aiziraeli akiamba, ‘Mulungu andamwanulira nabii dza mimi kula kahi za o at'u enu enye.’ ”

1 Akorintho 9:21

Kwa aryahu mario k'amats'ini ya sheria ya Ayahudi, nakala here mut'u ariye k'ats'ini ya sheria iyo ili kwamba niavuhe. Na si kwamba mimi si ts'ini ya sheria ya Mulungu, ela sheria ya Masihi ndo inithawalayo.

2 Akorintho 10:1

Mimi P'aulo mwenye, mimi niambwaye kukala baruwa zangu ni k'ali, ela mimi mwenye ni mup'ore, ninamuvoya kukirira kwa mbazi na up'eho wa Masihi.

2 Akorintho 10:5

na kila kit'u kidzinulacho, kiimacho kupinga at'u masimumanye Mulungu. Nikugwira mateka maazo gosi na kugahendya gamusikire Masihi.

Afilipi 2:5

Gahalireni maut'u gosi here zho Masihi Jesu arizhogahalira.

1 Ath'esalonike 4:2

Kwani ninwi munagamanya gago furigomufundisha kwa wadimi wa Bwana Jesu.

2 Ath'esalonike 1:8

Bai haho akidza andaangiza akili aryahu at'u masiomumanya Mulungu na mario k'amaukubali uryahu Uv̱oro Udzo wa Bwana wehu Jesu.

Aeburania 5:9

Bai arihokala adzagonya kukamilisha kila kirichokala kinav̱irya akihende, wakala sina ra wo wokolwi wa kare na kare kwa at'u osi mamusikirao iye.

1 Johana 2:6

Mut'u adziambaye kukala anaishi maisha ga kulongozwa ni Mulungu, be suthi aishi dza viryahu arizhoishi Jesu.