1 P'et'ero 5:6 - Kilagane Kisha (Kenya)

⁶ Kwa vizho dzitserezeni mbere za nguvu za Mulungu, naye andamwanula kahi za wakathi ufwahao.

1 P'et'ero 5:6 Iomraidhean Croise

Math'ayo 23:12

Kwani kila andiyedzinula andatharamushwa, ela andiyedzitharamusha andanulwa.”

Luka 1:52

Kidza waathinya athawali kula kahi za vihi zhao zha endzi, na akianula at'u mario hatha k'amaonewa kit'u ni mut'u.

Luka 14:11

Mana iye ahendzaye kudzanula andatserezwa, na iye adzitserezaye bai andanulwa.”

Luka 18:14

Jesu arihogonya kunena vizho, akiamba, “Jeri wenye namwambira, yuyu muthozi wa kodi be wakwenda kwakwe mudzini akikala adzahendywa muhachi ni Mulungu, ela ye Farisayo k'avikalire vizho bule, mana mut'u ahendzaye kudzanula, andatserezwa, ela mut'u adzitserezaye andanulwa.”

Arumi 5:6

Mana Masihi wahufwerera siswi enye dambi kahi za wakathi mudzo. Mana wakathi furihokala fuchere anyonge ndo Masihi arihofufwerera.

1 Akorintho 10:22

Fukihenda vizho fundakala funamala kumwangiza wivu Bwana, na siswi k'ahuna nguvu kumukira iye.

1 T'imoth'i 2:6

Bai iye Masihi Jesu wadzilazha mwenye kwamba aakombole at'u osi. Uwo ndo ushahidhi uriwombozwa kahi za uwo wakathi uriwoikwa, kwamba Mulungu anahendza at'u osi maokoke.

Tito 1:3

Na vivi vikara kwa wakathiwe mwenye, adzawonyesa lwazu-lwazu kukirira na ko kuhubiri wo Uv̱oro Udzo. Na kwa malagizo ga iye Mulungu mwokoli wehu, nagerwa kazi ii ya kuhubiri, kwa kukala iye Mulungu wanona ninakuluhirika kwa kazi iyo.

Jakobu 4:10

Dzitserezeni kwa Bwana Mulungu naye andamwanula.

Jakobu 4:7

Kwa vizho bai, dzitserezeni kwa Mulungu. Mupingeni Shethani naye andachimbira.

Jakobu 5:10

Bai ndugu zangu, halirani mufano wa manabii. Ao mamboza unabii kwa dzina ra Bwana Mulungu na makivumirira shidha zosi zirizoapata.