Yuda 1:24 - Nyangbo New Testament

²⁴ Ishu dadalɛ ɔkɔ anunɔ gɛ yɛakɔ asɛ tɛ̀ nɔtɛ dɔ oboe, sɛ tɛ̀ alɔkɔ ɔnɔ elù anɔ dadalɛ amɛ tɛ̀ kibui kpa tɛzã wɔnɔ shu pɔ nɛ same mɛɛ,

Yuda 1:24 Iomraidhean Croise

Romanɛ 14:4

Afana wonu pɛ kɛlɛ sɛ tɛ okulu ebhu nɛ̀ Owusoso Akaa yɛaxɔ̃ɛdɛ? Apaleteɛ ete ko yɛenyi asɛ alɛ piapii alo agɛpɛ. Abalà azã piapii, ɔmɔsɛ Apaleteɛ abalà bhɛtɛ asɛ tɛ akpɛ ogù.

Romanɛ 8:31

Kiɖuwoe bɔbaɖɔ otsiɛ tɛ bɔlɔkɔ bu kibui ɛlɛ nulũ nɔ? Onupɛ Owusoso Akaa enu ɔlɔ ayɛɛ, afana gɛ abalà alɔɛtití nɛ ɔlɔ shu?

Korintoanɛ 2 11:2

Ɛlɔkɔ Owusoso Akaa mɛ tɛzazã wɔlãkɛ kabhã nɛ wɔnɔ shu. Ɛtɔɖɔ ɛlɛ lu kɔ wɔnɔ sɛ nɔzanà anyɛ tenikpo gɛenu Kristoɔ, sɛ tɛ ɛlɔkɔ wɔnɔ kpɛ ahɔɛ kɔɛ asɛ adzɛ gɛ etinyi anyɛ ana.

Korintoanɛ 2 4:14

ɔmɔsɛ bunyi sɛ agɛ yɛanyɛmɛ Yesu denɔ bekpuɔ mɛ yɛaba nyɛmɛ bɔlɔ aplɛnɔ Yesu kɛlɛ abagbana bɔlɔ nɛ̀ wɔnɔ avɛnɔ yɛamɛ.

Korintoanɛ 2 4:17

Ɔmɔsɛ bɔlɔ bɔtɔ lɛ gidzi foele pɛ bɔfalà gulũi nɔ, bakɔ bɔlɔ̀ tɛdadalɛ gɛbazã tihɔɔ gɛ dɛ kɛka nyia ka.

Efesoanɛ 3:20

Otsi nɔ agɛ yɛabhɛtɛ ebuiɛ gɛ batɛ là alɔkɔ shɔnɔ ebui nanà, ɔdɛ agɛ bubisiɛ petee alo pɛ bɔbhɛtɛ ekpeɖekpeɖe mɛ nɛ alɛ shuɔ, nɛ yɛohumi nɔ gɛ lɔwɔa axɔ̃ɛ nɛ ɔlɔ mɛ nulũ,

Efesoanɛ 5:27

sɛ tɛ alɔkɔ ɔlɛ akɔ yɛishu asɛ ɔha gɛ lootséɛ, tɛ kibo, ishupi bɔbɔlɔ alo kihututũ nanà tɛzã ɔlɛ shu, pɔ tɛ lɔdalɛ tɛ batɛ mɔ bamɛ tsitsí nana nɛ ɔlɛ shu.

Koloseanɛ 1:22

Pɔ otsiɛ xɔnɔ, abhɛtɛ̀ ɔnɔ tenikpo nɛ̀ Kristo ishudzya ɔganà butsi mɛ, tɛ̀ abhɛtɛ wɔnɔ ishu lɛ dalɛ nɛ yɛamɛ, tɛ̀ batɛmɔ kihututũ nanà nɛ ɔnɔ shu tɛ̀ noboli odenɔ kɛpɔ bubu mɛ,

Koloseanɛ 1:28

Bɔɖɔ yɛebuiɛ ɔkanà, kɛlɛ bɔlɔkɔ bubutì petee kpalà anɔ pɛ bɔkasɛ alɛ ɔdɔ̃, sɛ tɛ̀ bɔkɔ aka nyia aka ana nɛ Kristo mɛ.

Koloseanɛ 3:4

Onupɛ Kristoɔ gɛenu ɔnɔ ɛkpã ebe koeyiɛ, kɛlɛ wɔnɔ tsyɛ obokoeyì ɔplɛnii nɛ ishu dadalɛ mɛ.

Timoteo 2 4:18

Apaleteɛ ebe bu mɛ odenɔ kibui kpa ka nyia ka ɛdi gɛ balɔkɔ nɛ mɛ shuɔ mɛ, kɛlɛ aba gbanà mɛ avɛnɔ yɛititì bukusi ɔŋãkɔ nɛ ishu yɔyɔ mɛ. Ishu dadalɛ ɔkɔ yɛ ɔvɛnɔ tihɔɔ. Amen.

Yakobo 2:10

Ɔmɔsɛ anunɔ gɛ abhɛtɛ ɔsha pete abha, pɔ pɛ atá esi nɛ toli shuɔ, kɛlɛ ata esi nɛ ɔlɛ pete shu.

Petro 1 4:13

Pɔ nɔmɔ same sɛ nɔɔtɔ̀ asɛ Kristo ana, sɛ tɛ̀ nɔbɔ mɔ same ɔfalanɔ kifu gɛ onupɛ bebebù yɛishu dadalɛ akasɛ.

Petro 2 1:10

Klisoɔ, mɛadzya alɛ mɔ, nɔ owlui ɔkpɛ emi gagalĩ tɛ kɛkasɛ ɔsɛ wɔnɔ tikukuluɔ nɛ̀ tibubuɔ lɛ ɛlɛ ɔzakɔ. Ɔmɔsɛ onupɛ nɔbhɛtɛ̀ ana, nɔtɛ bɔdɔ̃ oboe oɖi,

Yuda 1:21

Nɔlɔkɔ wɔnɔ ishu ɔzã Owusoso Akaa tɛdɛdɛmɛ nɔ mɛ̀ kibeɛ gɛ nopo Apalete Yesu Kristo yɛashagabui ɖiɖiɛ, tɛ̀ amanà wɔnɔ nɛ ɛkpã tihɔɔ nɔ mɛ.

Kibui Bubú Kasɛ 14:5

Asɛnɛ ɛbui agɛzã balɛ olugbũ mɛ oɖi, kɛlɛ bamɛ tsitsí ibui nanà tsyɛ ma balɛishu.