Yuda 1:21 - Nyangbo New Testament

²¹ Nɔlɔkɔ wɔnɔ ishu ɔzã Owusoso Akaa tɛdɛdɛmɛ nɔ mɛ̀ kibeɛ gɛ nopo Apalete Yesu Kristo yɛashagabui ɖiɖiɛ, tɛ̀ amanà wɔnɔ nɛ ɛkpã tihɔɔ nɔ mɛ.

Yuda 1:21 Iomraidhean Croise

Banɔkpɛkpɛ Axɔ̃ɛ 11:23

Gɛ ediku pɛ amɔ asɛ kibui gbã kinu ɔsɛ Owusoso Akaa ebhui balɛ ebuɔ, same ekui, kɛlɛ akpɛ balɛ petee kemi asɛ tɛ̀ balɔkɔ̀ balɛ etúɔ nyɔ̃ɔ azã nɛ̀ ɛkpã ɔkɔ Apaleteɛ.

Romanɛ 5:21

Asɛ kɛŋã gɛ kibui kpa ŋã bukusi nɛ bekpu mɛɛ, kidzo ɛlɛ nabha tibhui bhuibu tsyɛ baŋã bukusi ɔgana kɛgbangbã mɛ, sɛ tɛ banɔ amɔ ɛkpã tihɔɔ ɔgana Yesu Kristo bɔlɔ Apalete nabha.

Romanɛ 5:5

Kɛlɛ awɔ̃luluɔ atɛwɔɛ anɔ, ɔmɔsɛ Owusoso Akaa yɛtɛdɛdɛmɛ nɔ̀ɔ yɛalɔkɔ eyuku bɔlɔ etúɔ mɛ nɔ, ɔgana Ɔfɔfuĩa Gbangbã gɛ akɔ ɔlɔ mɛ.

Romanɛ 6:23

Ɔmɔsɛ kɛbhɛ gɛ babuia ɔkɔ ebui kpa bhɛbhɛtɛ, kɛli nu butsí, pɔ Owusoso Akaa yɛdɔ̃ kɔkɔ kɛli nu ɛkpã tihɔɔ nɛ Kristo Yesu bɔlɔ Apaleteɛ mɛ.

Romanɛ 8:39

ɔɖaɖama ɔkɔ alo odzudzukɔ alo kɛka nyia ka idi nɛ kanɔ alɛ pete mɛɛ, tɛ balà ebhui ulɔ ɔtɛ nɛ Owusoso Akaa tɛdɛdɛ mɛ nɔ gɛ akɔ bɔmɔ odenɔ bɔlɔ Apalete Kristo Yesu mɛ shu.

Korintoanɛ 2 13:14

Tɛ̀ Apalete Yesu Kristo tibhui bhuibuɔ, Owusoso Akaa tɛdɛdɛmɛ nɔ, nɛ̀ ɔhakpɛkpɛ nɛ̀ Ɔfɔfuĩa Gbangbã ɔzã ɔplɛnɔ ɔnɔ petee.

Tesalonikanɛ 2 3:5

Nɔkɔ Apaleteɛ ashɔrɔ wɔnɔ etúɔ akpɛ tɛdɛdɛmɛ nɔ nɛ̀ Owusoso Akaa nɛ kemi kpɛkpɛ nɛ Kristo mɛ.

Timoteo 1 1:2

Mɛ sɛsɛ Timoteo mɛeyianyɛ gɛ akpasɛ tɛyɛyɛkɛŋã mɛ keplukpa alɛ, Tibhui bhuibu, ashagabui ɖiɖi nɛ̀ ishu yɔyɔ de Owusoso Akaa nɛ̀ Kristo Yesu bɔlɔ Apaleteɛ ɔkɔ.

Timoteo 2 1:16

Kɛkɔ sɛ tɛ̀ Apaleteɛ ebu yɛashagabui bibiɛ akasɛ Onesiforo yɛɔpã, ɔmɔsɛ akpɛ mɛ kemi kibe nyia be kɛlɛ kiwũi tiyii nɛ ɛɖahuiɛ mɛ gɛ ɛkpasɛ shu.

Timoteo 2 1:18

Kɛkɔ sɛ tɛ̀ Apaleteɛ aplɛnɔ yɛ tɛ amɔ ashagabui ɖiɖi nɛ kiwui ɛlɛ nabha. Onyi edzo kpekpèɛ gɛ alɛ abha yɛaplɛnɔ mɛ piapii nɛ Efesoɔ.

Timoteo 2 1:2

Ɛsɛsɛ Timoteo, mɛeyianyɛ gɛ ɛdɛmɛ nɔ keplukpa alɛ, Tibhui bhuibu, ashagabui ibi nɛ̀ ishu yɔyɔ odenɔ Owusoso Akaa nɛ̀ Kristo Yesu gɛenu bɔlɔ Apaleteɛ ɔkɔ.

Timoteo 2 4:8

Otsi alɛ xɔnɔ, balɔkɔ kibui gbangbã tɛbhɛbhɛtɛ kikutuɔ abalɛ elu akɔ mɛ, kɛgɛ Apalete gɛenu kebhu gbangbã kukulu eleteɛ, abalɔkɔ akɔ mɛ nɛ kiwui ɛlɛ nabhaa, kɛlɛ gɛnɛ mɛ ete yɛabakɔ, pɔ abakɔ bagɛ eɖi yɛ tɛbaba idzo mɛ tsyɛ.

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.

Petro 2 3:12

nɛ kibèɛ gɛ nɔoɖì idzomɛ ɔkɔ Owusoso Akaa iwuiɛ tɛbaba tsĩɔɔ nɔ. Kiwui ɛlɛ kifu bazĩ kititì ɔdɔ̃, kɛlɛ kititì ɔdɔ̃ balolò ganà kɛkpɛkpɛ hohoe mɛ̀.

Yohanes 1 4:16

Kliso bunyi, kɛlɛ bɔkpà plɛnɔ Owusoso Akaa tɛdɛdɛmɛ nɔ nɛ̀ bɔlɔ. Owusoso Akaa enu tɛdɛdɛmɛ nɛ anɔ. Anunɔ gɛ edzinɔ yɛkpã nɛ̀ tɛdɛdɛmɛ nɔɔ, anɔ alɛ akpasɛ Owusoso Akaa mɛ, kɛlɛ Owusoso Akaa tsyɛ akpasɛ yɛ mɛ.

Yohanes 1 5:18

Bunyi sɛ aka nyia aka gɛ bamɔ nɛ Owusoso Akaa mɛ atɛzã kɛlɛ abha pɛ aza bhɛtɛ̀ kibui kpa, anunɔ gɛ bamɔ nɛ Owusoso Akaa mɛ yɛakɔ anɔ alɛ nɛidi azã piapii, kɛlɛ abosam atɛ balà kpɛ̀ kɛpɔ̃ nɛishu.

Yohanes 1 5:21

Mɛeyi alɛ gɛ ɛdɛmɛ nɔ, nobu wɔnɔ ishu oyinɔ nɛ ibudì shù.

Yuda 1:1

Mɛ Yuda, Yesu Kristo yɛaxɔ̃ɛdɛ nɛ̀ Yakobo yɛadza ɔkɔ. Mɛfɔnɔ keplukpa alɛ ɛsɛsɛ bagɛ bekulu pɛ Owusoso Akaa adɛmɛ nɔ pɛ Yesu Kristo abalɛ alɛ elúɔ.

Yuda 1:22

Nɔobì bagɛ batɛ ayɛkɛ aŋã ashagabui,

Yuda 1:24

Ishu dadalɛ ɔkɔ anunɔ gɛ yɛakɔ asɛ tɛ̀ nɔtɛ dɔ oboe, sɛ tɛ̀ alɔkɔ ɔnɔ elù anɔ dadalɛ amɛ tɛ̀ kibui kpa tɛzã wɔnɔ shu pɔ nɛ same mɛɛ,

Kibui Bubú Kasɛ 12:11

Baxɔ̃ɛdɛ aŋã kɛtsɔpɛ nabha ɔgana Obhoshieyiɛ dzyosu nɔ mɛ nɛ̀ yɛibui gbangbã tɛdadalɛ mɛ, bagɛ adɛmɛ nɔ nɛ̀ balɛ ɛkpã adɛ pɛ besì butsí ifu.