Yohanes 1 3:1 - Nyangbo New Testament

¹ Tɛdɛdɛmɛ nɔ gbagbla ɖuwoe idi nɛ ɛlɛ gɛ Akaa alɔkɔ akɔ ɔlɔ mɔ dza, sɛ̀ bekulu ɔlɔ asɛ yɛeyi alɛ bunu! Kɛlɛ yɛeyi alɛ bunu ɛgbã! Kɛgɛ kɛlɛ shu so pɛ kanɔ nɔ̀ etinyi ɔlɔ kɛlɛinu ɔsɛ gɛ betinyi yɛ so.

Yohanes 1 3:1 Iomraidhean Croise

Romanɛ 5:8

Pɔ Owusoso Akaa ebu kɛdɛmɛ gɛ adɛmɛ nɛ̀ ɔlɔ akasɛ nɛidzo ɛlɛ nabha asɛ, gɛ buwlui zã ɔlɔ ebui kpa bhɛbhɛtɛ abhaa, Kristo etsí nɛ ɔlɔ ɛtakpu.

Romanɛ 8:19

Kanɔ mɛ bɔdɔ̃ bhɛbhɛtɛ pete epo nɛ̀ awuhũ dzadzã ɔkɔ Owusoso Akaa yɛeyi alɛ tibubu kasɛ.

Romanɛ 8:21

sɛ kiwui tiliɛ kanɔ mɛ bɔdɔ̃ pete baboele ishu odenɔ nɛ banɔ esi, kɛlɛ beti betsí atsɔmɔ, kɛlɛ babà mana alɛ nɛ ishu ahɔɛ mɛ zazã dadalɛ gbangbã mɛ, gɛ babàkɔ Owusoso Akaa yɛeyi alɛ.

Romanɛ 8:32

Owusoso Akaa alɛ gɛ agɛkɔ ɛtakpu asɛ atɛ ashɛnɛ ahɔɛ nɛ Yɛeyiɛ shu, pɔ ashɛnɛ ahɔɛ nɛ yɛishu akɔ ɔlɔ petee nɔ, kiɖeso pɛ atɛ alɔkɔ bɔdɔ̃ pete tsyɛ aplɛnɔ akɔ ɔlɔ nɛ̀ sameɛ dza?

Korintoanɛ 2 6:18

“Ɛbadzi Akaa ɔkɔ wɔnɔ kɛlɛ nɔ obodzi mɛeyianyɛ nɛ̀ beyiadzɛ alɛ, kana Apaleteɛ gɛenu Ohumi petee eleteɛ aɖɔ.”

Galatianɛ 3:26

Beyì wɔnɔ petee onu ɔkɔ Owusoso Akaa ɔgana tɛyɛyɛkɛŋã gɛ ɛlɛ Kristo Yesu mɛ,

Galatianɛ 3:29

Onupɛ onu Kristo ayɛ, kɛlɛ onu Abraham yɛeshui, nɛ̀ kaŋãsi elete nɛ kɛgɛ batɔɖɔ elu nulũ.

Koloseanɛ 3:3

Ɔmɔsɛ nɔotsí, kɛlɛ otsi alɛ balɔkɔ ɔnɔ ɛkpã ekpũ nɛ Kristoɔ gɛ akpasɛ Owusoso Akaa mɛ.

Yohanes 1 3:10

Kidzo ɛlɛ abha bɔgã pɛ buuti bagɛ enu Owusoso Akaa yɛeyi alɛ nɛ̀ bagɛ enu abosam yɛeyi alɛ tsyɛ. Anɔ nyia anɔ gɛ atɛ abhɛtɛ kibui gɛlɛ ɛlɛ ɔzakɔ etinu Owusoso Akaa yɛeyi, kana anɔ yia anɔ gɛ atɛ adɛmɛ nɔ nɛ yɛadzya tsyɛ alɛ.

Yohanes 1 3:2

Mɛadzya alɛ gɛ ɛdɛmɛ nɔɔ, otsi alɛ bunu Owusoso Akaa yɛeyi alɛ, kɛlɛ bekebu kɛgɛ bɔbà dziɛ kasɛ. Pɔ bunyi sɛ onupɛ ebekoeyìɛ, bɔbà zã asɛ yɛanà, ɔmɔsɛ bɔbà mɔ yɛ asɛ kana gɛ alɛɛ ana.

Yohanes 1 4:17

Nɛ kidzo ɛlɛ nabhaa, tɛdɛdɛmɛ nɔ ná nɛ bɔlɔ mɛ, sɛ tɛ̀ bɔlɔkɔ zipo kebhukulu kiwuiɛ, ɔmɔsɛ bɔlɛ asɛ yɛ ana nɛ kanɔ alɛ mɛ.

Kibui Bubú Kasɛ 21:7

Anunɔ gɛ aŋã abhaa, bɔdɔ̃ ɛlɛ nyɔ̃ɔ badzi yɛɔyɛ, kɛlɛ ɛbadzi yɛ Owusoso Akaa, kɛlɛ yɛtsyɛ ebedzi mɛeyi.