Yohanes 1 2:3 - Nyangbo New Testament

³ Onupɛ bɔbhɛtɛ tɔɖɔ yɛɔsha nabhaa, kɛlɛ kɛkasɛ ɔsɛ̀ bunyi yɛ.

Yohanes 1 2:3 Iomraidhean Croise

Korintoanɛ 2 4:6

Ɔmɔsɛ Owusoso Akaa aɖɔ asɛ, “Nɔkɔ kifu dɛkɛ nɛ otumũɔ mɛ,” nɔkɔ yɛifúɔ dɛkɛ nɛ bɔlɔ etúɔ mɛ, tɛ kɛdɛkɛ kɔ bɔlɔ asɛ bubuti kifù ana tɛ kɛkɔ Owusoso Akaa shu dalɛ nɛ Kristo amɛ.

Hebrianɛ 5:9

gɛ badalɛ yɛishu piapi soɔ, ebedzi anunɔ abha gɛ bagɛ elũ atɔ̃ abagã pɛ babàmɔ tibubú tihɔɔ.

Yohanes 1 2:13

Ɛfɔnɔ ebui alɛ kɔ wɔnɔ, bakaa ɔmɔsɛ nɔonyi anunɔ gɛenu odenɔ kesiɛ ɔkpɛkɔɔ. Ɛfɔnɔ ebui alɛ kɔ wɔnɔ bayisɔ̃, ɔmɔsɛ nɔ ɔŋã anɔ kpa nabha. Ɛfɔnɔ ebui alɛ kɔ wɔnɔ beyiɛ gɛ ɛdɛmɛ nɔ, ɔmɔsɛ nɔonyi Akaa.

Yohanes 1 3:14

Bunyi sɛ̀ budekoeyì nɛ butsi mɛ ba ɛkpã mɛ, ɔmɔsɛ bɔdɛmɛ bɔlɔ adzya alɛ ibui. Anunɔ gɛ atɛ adɛmɛ nɔ nɛ̀ anɔ akakpasɛ butsì mɛ.

Yohanes 1 3:19

Alɛ abha bɔbà gã pɛ bɔbà tisɛ bɔkpasɛ kibui gbã mɛ, nɛ̀ kana gɛ bɔlɔkɔ bɔlɔ etúɔ lu awɔ̃ nɛ yɛabha

Yohanes 1 3:6

Ananà ma gɛ akpasɛ yɛmɛ pɛ azazã kibui kpa bhɛbhɛtɛ abha. Ananà mɛ gɛ etsiɖi kibui kpa bhɛbhɛtɛ abha pɛ abàɖɔ asɛ amɔ̃ yɛ alo enyi yɛ.

Yohanes 1 4:13

Bunyi sɛ bɔkpasɛ yɛmɛ kɛlɛ yɛtsyɛ akpasɛ bɔlɔ mɛ, Ɔmɔsɛ yɛakɔ ɔlɔ Ɔfɔfuĩa nɔ.

Yohanes 1 4:7

Mɛbhia alɛ gɛ ɛdɛmɛ nɔ, nɔkɔ bɔdɛmɛ nɛ̀ bagɔlɔ, ɔmɔsɛ tɛdɛdɛmɛ nɔ de Owusoso Akaa ɔkɔ. Aka nyia aka gɛ adɛmɛ nɛ anɔ, enu anɔ gɛ bamɔ́ yɛ edenɔ Owusoso Akaa mɛ kɛlɛ enyi Owusoso Akaa tsyɛ.

Yohanes 1 5:19

Bunyi sɛ Owusoso Akaa yɛeyi alɛ bunu, kɛlɛ bunyi tsyɛ ɔsɛ kanɔ nɔ̀ tɛgbagbana kpasɛ abosam esi.

Yohanes 1 5:2

Kidzo ɛlɛ nabha bɔgã pɛ buti sɛ̀ bɔdɛmɛ nɔ nɛ̀ Owusoso Akaa yɛeyi alɛ, gɛ onupɛ bɔdɛmɛ nɔ Owusoso Akaa pɛ bɔbhɛtɛ̀ tɔɖɔ yɛɔshaa nabhaa.

Yohanes 1 5:3

Tɛdɛdɛmɛ nɔ ɔkɔ Owusoso Akaa kɛlɛinu ɔsɛ̀, tɛ bɔbhɛtɛ̀ tɔɖɔ yɛɔshaa nabha. Kɛlɛ yɛɔshaa tsyɛ gɛ gagalĩ,

Kibui Bubú Kasɛ 12:17

Kɛtsɔpɛ hohoeɛ kpɛ ɔmɔpɔɛ nyagã nɛ adzɛ shu, kɛlɛ kikoeyi vɛ sɛ dɛtá eyu nɛ̀ adzɛ yɛeyi alɛ gɔgɔ̃ɛ nɔ-gɛ abhɛtɛ nɛ Owusoso Akaa yɛɔsha nabha pɛ banyana ebui dadalɛ mɛ nɛ Yesu shu evunɔɔ.

Kibui Bubú Kasɛ 14:12

Kɛlɛ sɛ tɛ bagɛ balɛishu badalɛ, pɛ babhɛtɛ nɛ Owusoso Akaa yɛɔsha nabha, pɛ begi tsodzi nɛ Yesu edeɛ, tɛbadɔ fɔ̃ɔ nɛ kemi kpɛkpɛ mɛ.

Kibui Bubú Kasɛ 22:14

Beyulà banunɔ gɛ beplu balɛ akpɛkpɛ dzloloɔ, sɛ tɛ bakɔ alɛ idzo nɛ busiɛ gɛ akɔ ɛkpãa shu, kɛlɛ tɛ bamɔ idzo agã afala nɛ budulũɔ tɛ betsoku ɔma mɛ.