Yohanes 1 2:1 - Nyangbo New Testament

¹ Mɛeyi alɛ gɛ ɛdɛmɛ nɔ, ɛfɔnɔ ebui alɛ kɔ wɔnɔ ɔsɛ tɛ̀ nɔtɛ̀ bhɛtɛ kibui kpa. Pɔ onupɛ anɔ teli abhɛtɛ kibui kpa, anɔ teli alɛ bɔlɔ ahɔɛ gɛ aɖɔaɖɔ ebu bɔlɔ ulũ nɔ nɛ Akaa namɛ, yɛenu Yesu Kristo, Anɔ Dadalɛ.

Yohanes 1 2:1 Iomraidhean Croise

Banɔkpɛkpɛ Axɔ̃ɛ 7:52

Ebuiɖɔluanɔ teli atɛzã wɔnɔɛshi gɛ wɔnɔ akaalɛ agɛ tɔnɔ yiede eɖiɛ dza? Noyí bagɛ aɖɔ elú asɛ Anɔ Dadalɛ ababaa tsyɛ. Kɛlɛ nɔkpɛ Anɔ dadalɛ ahɔɛ pɛ noyii,

Romanɛ 5:10

Ɔmɔsɛ nɛ kibeɛ gɛ bɔgɛ dɛmɛ nɛ Owusoso Akaa, Yɛeyiɛ ebevũ iboe nɛ bɔlɔɛishi, ɔgana yɛutsíɛ mɛ. Gɛ evũ iboe ɛlɛ anaa, kɛlɛ́ pɛ atɛ balà ɔlɔ ebu ɔgana yɛkpã gɛ alɔkɔ eluɔ mɛɛ dza?

Romanɛ 6:15

Kiɖuwoe lu otsiɛ mɔ? Bɔbaa bhɛtɛ ibui kpa ɔmɔsɛ bɔma ɔsha niesi, pɔ tibhui bhuibu esi bɔlɛ soɔ dza? Kɛma ɛlɛ mɛ ana!

Romanɛ 8:34

Afana gɛ yɛebu kɛpɔ? Kristo Yesu, anunɔ gɛ yɛetsíɛ, kɛgɛ plɛnɔ ɔdɛɛ yɛenu anunɔ gɛ befeke edenɔ bekpu mɛ pɛ alɛ nɛ ɛkpã, adɛzã Owusoso Akaa nɛ̀ ɛŋã mɛ, kɛlɛ akɔ yɛtakpu tsyɛ nɛ bɔlɔ lũ.

Korintoanɛ 1 15:34

Nɔotsodzi ɔba wɔnɔ ekpeɖekpeɖe mɛ asɛ gɛ kɛlɛ sɛ nɔbhɛtɛ, tɛ̀ nɔyɔlɔ ebui kpa tɛbhɛbhɛtɛ, ɔmɔsɛ banɔ teli etinyi asɛ Owusoso Akaa alɛ-ɛɖɔ kibui ɛlɛ kpɛ wɔnɔ kiwũi nɔ.

Korintoanɛ 2 5:21

Owusoso Akaa bhɛtɛ anɔ nɔ gɛ yɛishu kibui kpa ma sɛ tɛ edzi kibui kpa nɛ bɔlɔ kɛtakpu, sɛ tɛ gana yɛabhaa, budzi Owusoso Akaa anɔ dadalɛ.

Galatianɛ 4:19

Mɛeyi alɛ gɛ ɛdɛmɛ nɔɔ, gɛ wɔnɔ shu so pɛ ɛya ɛlɛ katã mɛ odiyinɔ kibeɛ gɛ Kristo afala eku wɔnɔ mɛ flogo,

Efesoanɛ 2:18

Ɔmɔsɛ ɔgana yɛabha bɔlɔ ediɛ taabha mɔ kidzo ɔvɛ Akaa ɔkɔ ɔganà ɔfɔfuĩa tonikpo mɛ.

Efesoanɛ 4:26

“Tɛbhɛtɛ kibui kpa nɛ wɔ ɔmɔpɔɛ kpɛkpɛ mɛ”. Tɛkɔ kiwui dɔ nɛ wɔ ɔmɔpɔɛ kpɛkpɛ mɛ,

Timoteo 1 2:5

Ɔmɔsɛ Owusoso Akaa tenikpo yɛalɛ, nɛ̀ anɔ tenikpo gɛevũ iboe nɛ Owusoso Akaa nɛ̀ banɔdzyrame ishi, gɛenu Kristo Yesu,

Timoteo 1 3:14

Gɛ ɛtɔɖɔ ɛlɛ sɛ tɛ ɛba wɔ bha gulũi tsyɛ elo, efɔnɔ ebui alɛ akɔ wɔ sɛ tɛ,

Hebrianɛ 9:24

Ɔmɔsɛ Kristo egitsoku trɛwɔɛagba gɛ banɔ bedzu pɛ kenu kagbangbã ɔdɛ ɛtɔwui ɛyɛ mɛ. Kitití boŋ yɛavɛ pɛ alɛ Owusoso Akaa na mɛ nɛ bɔlɔ inye mɛ.

Yakobo 1:27

Kɛtakpu esi kpɛkpɛ gɛ kɛli shu bhui pɛ kibo nanà ma kɛlɛishu, nɛ bɔlɔ Owusoso Akaa namɛɛ nu ɔsɛ tɛ nɔplɛnɔ batsyãnbhi nɛ̀ bavɛvɛ edzini nɛ balɛ ɔtɔ mɛ. Kɛlɛ tɛ anɔ alà yɛishu ebu nɛ kanɔ mɛ ebuiɛ gɛ letuturu anunɔɔ mɛ.

Yakobo 3:9

Bɔlɔkɔ inikeɛ kpɛ Apaleteɛ nɛ̀ Akaa enye nɛitití nɔ, kɛlɛ bɔlɔkɔ ɛlɛ ɖɔ ibui kpɛ anunɔ tsyɛ, anunɔ gɛ Owusoso Akaa abhɛtɛ nɛ yɛtɛzazã mɛɛ.

Petro 1 2:22

“Agɛ bhɛtɛ kibui kpa nanà, kɛlɛ begi lu banɔ wɔɛwɔɛ ibui nanà nɛ yɛolugbũ mɛ.”

Petro 1 3:18

Ɔmɔsɛ Kristo etsí butsì tunikpo akɔ ɔlɔ ebui kpa, anɔ gbangbã ebetsí akɔ ebui kpa bhɛbhɛtɛ eleteɛ sɛ tɛ̀ agbanà wɔnɔ amana Owusoso Akaa ɔkɔ. Beyíi nɛ ishudzya mɛ, pɔ ɔfɔfuĩa nɔ ɔkɔ yɛazã nɛ ɛkpã,

Yohanes 1 3:18

Mɛeyi alɛ gɛ ɛdɛmɛ nɔ, nɔtɛkɔ bɔlɔkɔ kineke lɔkɔ dɛmɛ nɛ anɔ nɔ, pɔ nɔkɔ bɔlɔkɔ ɔlɔ ebui bhɛbhɛtɛ nɛ̀ kibui gbã builɛ ɔkasɛ.

Yohanes 1 3:5

Pɔ nɔonyi ɔsɛ, aba sɛ tɛ̀ ebu ɔlɔ ebui kpa shɛnɛ. Kɛlɛ kibui kpa ma yɛ mɛ.

Yohanes 1 3:7

Mɛeyi alɛ gɛ ɛdɛmɛ nɔ, nɔtɛ kɔ ananà agbanà wɔnɔ atsaɖakɛ idzo. Anunɔ gɛ abhɛtɛ kibui gɛlɛ ɛlɛ ɔzakɔ enu anɔ dadalɛ asɛ gɛ Kristoɔ tsyɛ ishu dalɛ ana.

Yohanes 1 4:4

Wɔnɔ mɛeyi alɛ gɛ ɛdɛmɛ nɔ, Owusoso Akaa ɔkɔ nɔodè kɛlɛ nɔŋã alɛ abha, ɔmɔsɛ agɛ yɛakpasɛ wɔnɔ mɛɛ egbogblo adɛ agɛ yɛalɛ kanɔ nɔ̀ mɛ.

Yohanes 1 5:17

Kesitata ka nyia ka ɛdi nu kibui kpa bhɛbhɛtɛ, kɛlɛ kibui kpa tili lɛ gɛ kɛtɛ gbanà anɔ vɛnɔ butsì mɛ.

Yohanes 1 5:21

Mɛeyi alɛ gɛ ɛdɛmɛ nɔ, nobu wɔnɔ ishu oyinɔ nɛ ibudì shù.

Yohanes 3 1:4

Same mɔmɔ hohoe nanà abhama mɛahɔɛ ɔdɛ sɛ tɛ̀ ilũ sɛ mɛeyi alɛ aagã nɛ kibui gbã mɛ.