Yohanes 1 1:2 - Nyangbo New Testament

² Gɛ ɛkpã ibuiɛ ekoeyìɛ, bɔmɔ ɛlɛ kɛlɛ bɔɖɔ kaɖɔ dalɛ ɛlɛ shu, kɛlɛ bɔɖɔ ɛkpã tihɔɔ ebuiɛ tseɖe wɔnɔ, ebuiɛ gɛ lazã Akaa ɔkɔ pɛ lebekoeyi ɔkɔ bɔlɔ.

Yohanes 1 1:2 Iomraidhean Croise

Banɔkpɛkpɛ Axɔ̃ɛ 1:22

odenɔ kibèɛ gɛ Yohanes azakpɛ bulĩɛ ɔvɛnɔ kibeɛ gɛ befeke Yesu avɛnɔ kititíɛ. Ɔmɔsɛ kɛlɛ ɔsɛ tɛ banɔ alɛ ɔmayɛmɛ tenikpo edzi anɔ gɛ abaplɛnɔ pɛ bɔbàɖɔ ebuiɛ nɛ Yesu yɛ tɛlɔlɔ odenɔ bekpuɔ mɛ shu.

Banɔkpɛkpɛ Axɔ̃ɛ 10:41

Gɛnɛ anɔ ka nyia ka yɛamɔɛ. Pɔ bagɛ Owusoso Akaa ebu elu pɛ bamɔ ebuiɛ gɛ abhɛtɛɛ, nɛ bɔlɔ gɛ bɔŋã pɛ bɔwɔɛ nɛyɛ nɛ kibeɛ gɛ alɔ edenɔ bekpuɔ mɛ ede.

Banɔkpɛkpɛ Axɔ̃ɛ 2:32

Owusoso Akaa efeke Yesu alɛ edenɔ bekpuɔ mɛ amana ɛkpã mɛ gɛ bɔlɔ pete zãmɔ kibui ɛlɛ ɔsɛ kɛba ɛlɛ mɛ kɛgbã.

Banɔkpɛkpɛ Axɔ̃ɛ 3:15

Noyi anɔ nɔ gɛ akɔ banɔ ɛkpaã, pɔ Owusoso Akaa efeke yɛ edenɔ bekpu nɛishi. Bɔzã mɔ kibui ɛlɛ.

Banɔkpɛkpɛ Axɔ̃ɛ 5:32

Bɔlɔ nɛ̀ Ɔfɔfuĩa Gbangbã gɛ Owusoso Akaa akɔ bagɛ elũ yɛatɔɔ̃ bɔlɔ zãmɔ ebui alɛ.”

Romanɛ 8:3

Kɛgɛ ɔsha ɔgɛmɔ ohumi ɔbhɛtɛ, ɔmɔsɛ kanɔ alɛ mɛ ɛkpã kpa ŋã ɔlɛ abha soɔ, kɛlɛ Owusoso Akaa abhɛtɛ aganà yɛahɔɛ Eyiɛ gɛ asɛsɛ nɛ ebui kpa bhɛbhɛtɛ anɔ tɛzazã mɛ, tɛ edzi asɛ kɛdɔ̃ kɔkɔ nɛ ebui kpa ɛtakpu ana. Kliso ebu kibui kpa ɛpɔ nɛ kibui kpa bhɛbhɛtɛ anɔ mɛ,

Galatianɛ 4:4

Pɔ gɛ kibeɛ petee bana nɔ, Owusoso Akaa akpɛ yɛeyianyɛ, gɛ anɔdzɛ yɛamɔ yɛ, gɛ bamɔ yɛ nɛ ɔsha niesi,

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Timoteo 2 1:10

pɔ otsi alɛ bebu ɛlɛ akasɛ ɔgana agɛ yayɛkɛ akɔ ɔlɔ tɛbaba mɛ, Kristo Yesu, anɔ gɛ aŋã butsì abha pɛ alɔkɔ ɛkpã gɛ bazã tihɔɔ nɔ amana tɛdadalɛ ɔgana kibui gbangbã mɛ.

Tito 1:2

tɛyɛyɛkɛŋã nɛ̀ kibuititiɛ gɛipo ɛkpã tihɔɔ gɛ buɖi kidzo mɛ, gɛ Owusoso Akaa, anɔ gɛ atɛ sɛ asɛnɛ, atɔɖɔ elu akɔ ɔlɔ flogo pɛ kanɔ nɔ̀ abakpɛ esi,

Petro 1 5:1

Mɛ asɛ ɔhamɛ sheshè ana, ɛɛkɔ wɔnɔ ɔhamɛ esheshèɛ gɛ alɛ wɔnɔ ɛshiɛ ɛtakpu, asɛ anɔ gɛazã amɔ Kristo yɛɔtɔ nɛ̀ anɔ tsyɛ gɛ aba mɔ ishu dadalɛ gɛ bebebu akasɛ.

Yohanes 1 1:1

Kibuiɛ gɛ zã odenɔ kanɔ nɔ̀ esiɛ ɔkpɛkɔɔ, gɛ butilũ ɖiɛ, pɛ bɔtɛ mɔɖi tsyɛ nɛ̀ bɔlɔ awuhũɔ, pɛ bulu awɔ̃ oɖi pɛ bɔlɔ ɛhɔɛ tsyɛ hunùɔ, ebui alɛ bɔɖɔ tseɖe wɔnɔ nɛ ɛkpa Ebuiɛ shu.

Yohanes 1 2:25

Kɛlɛ kɛgɛ atɔɖɔ elú akɔ bɔlɔ kɛlɛinu, ɛkpã gɛlɛ tihɔɔ nɔ.

Yohanes 1 3:5

Pɔ nɔonyi ɔsɛ, aba sɛ tɛ̀ ebu ɔlɔ ebui kpa shɛnɛ. Kɛlɛ kibui kpa ma yɛ mɛ.

Yohanes 1 3:8

Anunɔ gɛ abhɛtɛ ebui kpaa, yɛenu anɔ gɛedè abosam ɔkɔ, ɔmɔsɛ abosam xɔnɔɔ, ebui kpa abhɛbhɛtɛ elete yɛenu odenɔ kanɔ nɔ̀ esi ɔkpɛkɔ. Kibui nɔnɔ shu so pɛ Owusoso Akaa Yɛeyianyɛ aba kɛlɛinu ɔsɛ tɛ̀ ebezĩ abosam yɛaxɔ̃ɛ wɔawɔa.

Yohanes 1 4:14

Kɛlɛ bɔmɔ pɛ bɔɖɔ kaɖɔ dalɛ kɛlɛ shu sɛ, Akaa yɛakpɛ Yɛeyiɛ sɛ tɛ̀ abayɛkɛ akɔ kanɔ nɔ̀ mɛ.

Yohanes 1 4:2

Kidzo ɛlɛ abha nɔbɔ gã pɛ nɔbɔ mɔ ɔsɛ Owusoso Akaa Ɔfɔfuĩa nɔɔlɛ, ɔfɔfuĩa ka nyia ka gɛ lɔonyi ɔsɛ Yesu Kristo aba nɛ ishudzya mɛɛ, ɔfɔfuĩa ɔlɛ ode Owusoso Akaa ɔkɔ,

Yohanes 1 5:11

Kibui ɛlɛ yɛaɖɔ adalɛ yɛishu asɛ, Owusoso Akaa akɔ ɔlɔ ɛkpã tihɔɔ, kɛlɛ ɛkpã ɛlɛ kpasɛ Yɛeyianyɛ mɛ.

Yohanes 1 5:13

Ɛfɔnɔ ebui alɛ kɔ wɔnɔ bagɛ nɔyɛkɛ Owusoso Akaa Eyiɛ ninye nabha aŋã, sɛ tɛ̀ nɔotì ɔsɛ ɛkpã tihɔɔ lɛ wɔnɔ ahɔɛ.

Yohanes 1 5:20

Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.