Yakobo 4:7 - Nyangbo New Testament

⁷ Nozhinɔ ɔnɔ ishu esi ɔkɔ Owusoso Akaa. Nɔ lɔɛtití nɛ Abosam shu tɛ ebu tɛtsɛɖɛ mɛ ashɛ nɛ ɔnɔ ɔbha.

Yakobo 4:7 Iomraidhean Croise

Banɔkpɛkpɛ Axɔ̃ɛ 26:19

“Kliso nɔ̀, Ekusi Agripa, ɛgɛ gagalĩ batɔ̃mɛ nɛ kibuiɛ gɛ bebu akasɛ mɛ odenɔ kititíɛ shu.

Banɔkpɛkpɛ Axɔ̃ɛ 9:6

“Lɔ otsiɛ tɛ̀ ɔvɛ ɔmahohoeɛ mɛ, kɛlɛ bebètseɖewɔ kɛgɛ̀ kɛlɛ ɔsɛ̀ wɔbhɛtɛɛ.”

Romanɛ 10:3

Gɛ betinyi tɛzazã gbangbã gɛide Owusoso Akaa ɔkɔ soɔ, babhɛtɛ balɛ ahɔɛ tɛtɔtɔɖɔ ebui, gɛitinu itakpu esi kpɛkpɛ ɔkɔ Owusoso Akaa tɛzazã gbangbã.

Romanɛ 14:11

Bafɔnɔ kibuiɛ elu asɛ, “Apalete aɖɔ asɛ, ‘Gɛ ɛnya lɛ nɛ ɛkpã koɔ,’ anɔ nyia anɔ ebedzu ekluisi esi akɔ mɛ, kɛlɛ olugbũ ka nyia ka ɔbɔdalɛ ɛlɛ mɛ ɔsɛ mɛinu Owusoso Akaa.’ ”

Efesoanɛ 4:27

kɛlɛ tɛkɔ abosam ɔtsɛɖɛ odzukɔ nanà.

Efesoanɛ 5:21

nɔkpɛ kɛtakpu esi ɔkɔ agɔlɔ tɛ nɔlɔkɔ kpɛ bagɔlɔ same ɔkɔ Kristo.

Efesoanɛ 6:13

Klisoɔ, nɔ lɔkɔ wɔnɔ Owusoso Akaa ɔɖa akpɛkpɛ ɔdɔ̃ petee gɛ nɔlɔkɔ opo ishu nɔɔ ɔkpɛ, sɛ tɛ onupɛ ewui zizĩ ebekuɔ, nɔ bɔlà ɔtsyɔa etelũ nɛ alɛ, kɛlɛ onupɛ ewui alɛ abafalaa, nobo wlui ɔzã gagalĩ.

Hebrianɛ 12:9

Kɛgɛ zɛdɛɛ nu ɔsɛ bakaa alɛ ɔlɔ nyɔ̃ɔ ahɔɛ nɛ kanɔ nɔ̀ mɛ gɛ bapɔ atɔ̃ akɔ ɔlɔ, kɛlɛ bɔkpɛ alɛ inye nɛitití nɛ ɛlɛ takpu. Kiɖuwoe gɛkɔ ɔsɛ bɔtaa zhinɔ ishu esi kpɛ bɔlɔ ɛfɔfuĩa mɛ Akaa niesi pɛ bɔbazã nɛ ɛkpãa dza?

Petro 1 2:13

Nɛ Apaleteɛ nɛtakpu soɔ nɔozhinì wɔnɔ ishu esi ɔkɔ ɔsha ka nyia ka gɛ bakpɛ nɛ banɔishi, ezedzi asɛ ekusiɛ gɛ yɛeɖi ɔsha gbagbla nabha o,

Petro 1 5:6

Nɔozhinì wɔnɔ ishu esi nɛ Owusoso Akaa Ohumieleteɛ ahɔɛ niesi, sɛ tɛ̀ efeke wɔ ewunɔ kabha nɛ kibè gulũi mɛ.